Jueces 2:17 - Qheshwa Biblia DC

¹⁷ Chaywampis israelitasqa mana kasorqankuchu chay kuraj runastaqa, manachayqa Señorta saqerparispa waj dioskunastataj yupaycharqanku. Ñaupa tatasninkoqa kasusqanku Señorpa kamachisqasninta, paykunataj mana tatasninku jinachu ruwasqanku.

DIOSPA QHELQACHISQAN DEUTEROCANONICAL

¹⁷ Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

DIOSPA QHELQACHISQ

¹⁷ Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Jueces 2:17 Iomraidhean Croise

Salmos 106:39

Ajinamanta paykunapis sapa ruwasqasninkuwan ch'ichichakorqanku, millay ruwasqankuwantaj qhenchachakorqanku.

Salmos 106:43

Señorqa ashkha kutista paykunata salvarqa, paykunataj mana munarqankuchu munaynin ruwakunanta, kikin juchankupitaj chinkarqanku.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Oseas 2:2

Señor nin: Juchachaychej mamaykichejta, juchachaychej, imaraykuchus payqa manaña warmiychu, nitaj noqapis qosanñachu kani! Amaña ujwantaj ujwantaj qhenchachakoj jinaqa qhawasqachu kachun. Chay ujllayninmanta wijch'uchun waj qharisninta!

Levítico 17:7

Amaña jayk'ajpis rikuchikusninkuta jaywanqankuchu chay supaykunaman, mayqenkunatachus yupaychanku, mayqenkunanejtachus juchachakunku. Kay kamacheyqa wiñaypaj kanqa, qankunapaj, tukuy mirayniykichejpajpis.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

Gálatas 1:6

T'ukuni chay jina usqhayta karunchasqaykichejmanta Diosmanta, pichus Cristoj khuyakuyninrayku wajyasorqachej, waj jina evangeliota qhatisqaykichejmantapis.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:18

Chaypachataj noqaqa astawan paykunamanta karunchakusaj, chay tukuy ima millay sajrata ruwasqankumanta, waj dioskunata yupaychasqankumantataj.

Deuteronomio 9:12

Niwarqataj Señorqa: Kunanqa usqhayta rispa kaymanta uraykuy, imaraykuchus Egiptomanta orqhomusqayki runasqa, noqaj kamachisqasniyta mana kasukuspa mana allinta ruwashanku. Noqaj kamachisqasniyta mana junt'aspa saqerparinku, uj lantitataj ruwakunku.

Deuteronomio 9:16

Qankuna Señor Diosniykichejpa contranta juchallikusqaykichejta rikuspa, uj waka uña lantita mineralta unuyachispa ruwasqaykichejta, Señorpa ñanninta rikuchisqasuykichejta saqespa kajtiykichej, makiypi jap'isharqani chay qelqasqa kamachiykunata, ñaupaqeykichejman choqaspa t'unarqani.

Josué 24:24

Israelitastaj Josueman nerqanku: Noqaykoqa Señor Diosniykoj kamachisqantapuni ruwasqayku, imatachus niwasqaykutataj ruwasqayku.

Josué 24:31

Josué kausashajtin israelitasqa k'achata kausarqanku Señorpa kamachisqanta kasuspapuni, jinallataj tukuy kurajkunasninku kausanankukama; chay kurajkunaqa Señor imastachus paykunapaj ruwapusqanta allinta yacharqanku.

Jueces 2:7

Josué kausanankama jinataj paywan kajkuna kurajkunas kausanankukamapis israelitasqa Señorta yupaychallarqankupuni, chay kurajkunaqa t'ukuna imasta israelitaspaj Señor ruwasqanta rikusqanku.

Jueces 8:33

Gedeompa wañupusqanmanta qhepamanqa, israelitasqa Diosmanta qonqapuyta qallarillarqankuñataj Baalpa tukuy laya lantisninman yupaychaj rinankupaj. Baal-berit lanti nisqatataj ajllakorqanku diosninku kanampaj.

1 Samuel 12:12

Jinapis qankunaqa, maypachachus amonitaspa reyninku Nahas qankunawan maqanakoj jamushajtin, chaypacha mañawarqankichej uj reyta, qankunata kamachinasuykichejpaj, cheqa reyniykichejqa Señor Dios kashajtin.

1 Samuel 12:17

Kunanqa trigota oqharina tiempo kashan, manataj paray tiempochu, icharí? Chaywampis noqaqa kunan Señormanta mañasaj, paytaj apachimonqa qhon qhonkunata, parastapis, qankuna yachanaykichejpaj, reparanaykichejpajtaj Señorqa imajtinchu mana munarqachu reyniyoj kanaykichejta, Señorpa rikuynimpeqa qankuna mana allintachu ruwankichej uj reyta mañakuspa.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.