Jueces 2:14 - Qheshwa Biblia DC

¹⁴ Chayrayku Señorqa israelpa contrampi sinch'ita phiñakorqa, tukuy kapuyninkuta suwaswan qhechurparicherqa, chay qayllasninmanta kaj enemigosnintaj maqanakupi atipaykorqanku, paykunataj mana kutichikuyta aterqankuchu.

DIOSPA QHELQACHISQAN DEUTEROCANONICAL

¹⁴ Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

DIOSPA QHELQACHISQ

¹⁴ Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 2:14 Iomraidhean Croise

2 Samuel 24:1

Señorqa sinch'ita phiñakullarqataj israelitaspa contrankupi, paykunaj contrankupitaj Davidta Señorqa yuyaycharqa, kamachispa Israel aylluta, Judá ayllutawan yupananta.

2 Reyes 13:3

Señorpa sinch'i phiñakuynintaj Israelpa patanman jamorqa, Siriamanta rey Hazaelman, wawan Ben-adadmanwan unaypaj jaywaykorqa.

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

2 Crónicas 15:5

Jaqay tiempopeqa mana pipajpis sonqo tiyasqa kakuy karqachu, manachayqa may chhika mancharikuykunaslla karqa, chay jallp'aspi tiyakojkunapajqa.

2 Crónicas 28:5

Chayrayku Señor Diosnenqa Siriaj reynimpa makisninman jaywaykorqa. Siriostaj atipaykorqanku, ashkha presostataj jap'iykuspa Damascoman apakaporqanku. Jinallataj Señorqa jaywarqa Israelpa reyninman, atiparqataj may chhikata wañurachispa.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Nehemías 9:27

Chayraykumin enemigosninkoj makisninman jaywaykorqanki, paykunataj sinch'ita llakicherqanku. May llakiypi rikukuspataj qanmanta yanapata mañakusorqanku. Qantaj jatun munakuyniykirayku janaj pachamantapacha uyarerqanki; qorqankitaj chay ñak'arichejkunaj makisninmanta kacharichej runasta.

Salmos 44:11

Qanqa jaywawarqayku, wañuchinapaj ovejaspis kaykuman jina, ch'eqerachiwarqaykutaj Diospi mana creej naciones ukhuman.

Salmos 44:12

Yanqhallata aylluykitaqa venderparinki, vendespataj ni imatapis tarinkichu.

Isaías 42:24

Pitaj Jacobta suwasqa kananta saqerqa? Israelmantataj qhechunankuta? Manachu Señor chaytaqa ruwarqa contranta juchallikusqanchejrayku? Noqanchejqa mana ñannintachu purerqanchej, manataj kamachisqasnintapis kasorqanchejchu.

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.

Jeremías 37:10

Qankunaman yaykumushasunkichej chay caldeo soldadostapis atipawajchej chayqa, manañapis runas campamentopi qhepakunmanchu, manachayqa uj mashkha nanachisqas kajkunallaña kanman chaypis, chay runas atinkumanraj jatarimuyta ninata llajtaman jap'iykuchiyta.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Levítico 26:37

Qankunapuralla takanakuspa urmarankichej, wañuchinakuy ch'ajwamantapis ayqeshawajchej jina, mana ni pipis qankunata qhatishajtillan. Ni mayqenniykichej enemigoykichejman kutichikuyta atinkichejchu.

Números 32:13

Chaymanta Señorqa manchayta phiñakorqa, israelitasta ch'in pampaspi puricherqa tawa chunka watasta, tukuy rimajkuna wañuranankukama. Señorpa ñaupaqempi mana allinta ruwasqankurayku.

Números 32:14

Kunanqa qankunañataj, juchasapa tatasniykichej jina puriyta munashankichej, Señorta phiñachiyta munaspa israelitaspa contranta.

Deuteronomio 28:20

Señor maldicionta apachimusonqachej, iskayrayayta, imaymana sajratapis tukuy ima ruwasqaykichejpi. Ajinamanta pisi tiempollapi qankuna chay llakiykunaswan tukuchisqas kankichej. Sichus Señorta millay ruwasqasniykichejwan saqerparinkichej chayqa, Señorqa apachimusonqachej onqoykunata, maypichus tiyakoj rerqankichej, chay jallp'amanta chinkachisqas kanaykichejkama.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Deuteronomio 28:58

Sichus kay libropi sumaj kamachiykuna qelqasqa kashan chaykunata mana junt'ankichejchu, nitaj Señor Diosniykichejpa, manchachikunapaj jina sumaj k'acha sutintapis yupaychankichejchu chayqa, Señorqa apachimusonqachej qankunaman, mirayniykichejmampis unaypaj manchay nanaykunata, millay onqoykunatapis mana thañiy atejta.

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Jueces 1:19

Judá ayllumanta kajkunaqa Señorpa yanapayninwan qharqorqanku orqospi tiyakojkunata, chaywampis manapuni qharqoyta aterqankuchu chay pampasnejpi kajkunataqa, fierromanta carrosniyoj kasqankurayku.

Jueces 1:34

Amorreosqa, Dampa ayllunmanta kajkunata qharqorqanku orqosnejkama, manataj pampasnejman uraykamojta saqerqankuchu.

Jueces 10:7

Chayraykumari Señorqa paykunapaj sinch'ita phiñarikorqa, chayrayku filisteosman, amonitasmanwan jaywaykorqa.

Jueces 2:20

Chayraykumin Señorqa Israelpa contrampi sinch'ita phiñakorqa, nerqataj: Kay runasqa, ñaupa tatasninkuwan tratota ruwasqayta p'akinku, manataj kasuwayta munankuchu.

Jueces 4:2

Chantá, Señorqa Jabimpa atiyninmanñataj israelitasta churarqa, Jabinqa cananeo rey karqa, kamachisharqataj Hazor llajtapi. Soldadosnimpa kamachejnintaj Sísara karqa, payqa tiyakorqa Haroset-goimpi.