Jueces 19:16 - Qheshwa Biblia DC

¹⁶ Jinapis ña allin tutañaqa uj machu runa campopi llank'asqanmanta kutimpusharqa chaynintataj pasarqa. Chay machu runaqa Efraimpa orqosninmanta karqa, chaypitaj tiyakorqa waj llajtayoj runa jinalla, chaywampis Gabaapi tiyakojkunaqa tukuyninku karqanku Benjamimpa ayllunmanta.

DIOSPA QHELQACHISQAN DEUTEROCANONICAL

¹⁶ Jinapis ña allin tutañaqa uj machu runa llank'akunanmanta kutimpushaspa, chayninta pasarqa. Chay machu runaqa Efrainpa orqorara cheqanejmanta karqa, chay Gabaa llajtapitaj tiyakusharqa karu llajtayoj jinalla. Chaywanpis Gabaapi tiyakojkunaqa tukuyninku Benjamín jatun ayllumanta karqanku.

DIOSPA QHELQACHISQ

¹⁶ Jinapis ña allin tutañaqa uj machu runa llank'akunanmanta kutimpushaspa, chayninta pasarqa. Chay machu runaqa Efrainpa orqorara cheqanejmanta karqa, chay Gabaa llajtapitaj tiyakusharqa karu llajtayoj jinalla. Chaywanpis Gabaapi tiyakojkunaqa tukuyninku Benjamín jatun ayllumanta karqanku.

Jueces 19:16 Iomraidhean Croise

Génesis 3:19

Jump'i suruyta llank'anki mikhunaykipaj ñut'u jallp'aman tukunaykikama; imaraykuchus jallp'amanta ruwasqa kanki, jallp'a kanki, jallp'amantaj kutinki.

Salmos 104:23

Chanta runa llank'aj llojsin, chajrasninkupi ch'isiyaykuykama ruwaj.

Salmos 128:2

Llank'aspa poqochisqaykimanta mikhunki, tukuy imapi allin risonqa, kusisqataj kanki.

Proverbios 13:11

Qhasillamanta kapuykunaqa wajwallilla; pichus pisimanta pisi tantan chayqa, ashkhayachenqa.

Proverbios 14:23

Tukuy sonqo ruwasqaqa allimpuni; ashkhata parlaypeqa wajchayaylla tiyan.

Proverbios 24:27

Jawapi imachus ruwanasniykitaraj allinta ruway, campopi ruwanasniykitapis ruwamuy; chaymantaraj wasiykita ruwakunki.

Eclesiastés 1:13

Noqaqa tukuy sonqoywan, tukuy yachaywantaj mask'aspa yachayta munarqani, kay pachapi kay tukuy imas ruwakusqanmanta. Kay phutiy ruwanata Diosqa runasman qorqa, chayta ruwaspa kausanankupaj.

Eclesiastés 5:12

Llank'aj runaqa, pisitapis ashkhatapis mikhuspa, sumaj misk'ejta puñukun. Qhapaj runatarí, kapuynin mana allinta puñojllatapis saqenchu.

Oseas 9:9

Q'ala millay kausayman qonkaporqankichej chay Gabaaj tiemposnimpi jina. Chaywampis Señor yuyarikonqa tukuy juchasinkumanta jasut'enqataj chay juchasninkumanta.

Efesios 4:28

Pichus suwajqa, amaña suwachunchu; manachayqa makinwan allin kajta llank'achun, mana kapuyniyojman imachus pisisqanta qonampaj.

2 Tesalonicenses 3:10

Chayrayku qankunawan kashaspa, kayta kamacherqayku: Pichus mana llank'ayta munanchu chayqa, amallataj mikhuchunchu, nispa.

Jueces 19:1

Maypachachus Israel ukhupi manaraj rey kashajtin, uj levita runa tiyakorqa Efraimpa aswan karu orqosnejpi, paytaj oqharikorqa uj warmita Judá jallp'api Belén llajtamanta, mana casaraspallataj kausarqa chay warmiwan.

Jueces 19:14

Ajinaqa rerqanku ñaupajman, inti yaykushajtinñataj chayarqanku Gabaaman chaytaj karqa Benjamín aylloj llajtan.

Jueces 19:15

Chaypacha ñanmanta t'aqakuspa yaykorqanku Gabaa llajtaman, chay ch'isitaj chaypi qhepakunankupaj. Levita runataj llajtaj plazanman rispa tiyaykukorqa, mana pipis wasinman wajyarikusqanrayku.

Jueces 19:17

Levitata plazapi tiyashajta rikuspa chay machu runaqa payta tapurerqa: Maymantataj jamushanki, maymantaj rishankiri?, nispa.