Jueces 18:2 - Qheshwa Biblia DC

² Chayrayku Danmanta kajkunaqa Zoramanta jinataj Estaolmanta kacharqanku phishqa aswan sumachaj runasninta, qhawaqamunankupaj jinataj sumajta rejsimunankupaj chay lugaresta. Chay phishqa kachasqa Efraimpa orqosninman rerqanku, chayarqankutaj Micaiajpa wasinman, chaypitaj chay ch'isita qhepakorqanku.

DIOSPA QHELQACHISQAN DEUTEROCANONICAL

² Chayrayku Danmanta kajkunaqa Soramanta, jinataj Estaolmanta kacharqanku phishqa aswan kallpayoj runakunata qhawaramunankupaj, jinataj sumajta rejsimunankupaj chay jallp'akunata. Chay phishqa kachakunaqa Efraín jatun aylloj jallp'ankupi orqorara cheqanejman rispa, chayarqanku Micaíaj wasinman, chaypi chay ch'isi puñukunankupaj.

DIOSPA QHELQACHISQ

² Chayrayku Danmanta kajkunaqa Soramanta, jinataj Estaolmanta kacharqanku phishqa aswan kallpayoj runakunata qhawaramunankupaj, jinataj sumajta rejsimunankupaj chay jallp'akunata. Chay phishqa kachakunaqa Efraín jatun aylloj jallp'ankupi orqorara cheqanejman rispa, chayarqanku Micaíaj wasinman, chaypi chay ch'isi puñukunankupaj.

Jueces 18:2 Iomraidhean Croise

Génesis 42:9

Chaymantataj Joseqa yuyarikorqa paykunamanta mosqokusqasninta. Paykunamantaj nerqa: Qankuna qhawarajkuna kankichej. Qankunaqa imayna rijch'ajchus kay llajta kasqanta qhawarajlla jamunkichej?

Proverbios 20:18

Unanchaykunaqa allin yuyaykunawan sayayta atin; ch'ajwaqa ruwakun sumaj yachaypi unanchaywan.

Números 13:17

Moisesqa chay runasta Canaán jallp'ata qhawamunankupaj kachashaspa nerqa: Neguevnejta rispa orqoman wicharinkichej.

San Lucas 14:31

Jinallatataj, pi reypis guerraman waj reywan yaykunampajqa, manachu qhawarikunraj, atenqachus manachus tinkuyta chunka waranqallawan kaspa; chay ujnintaj iskay chunka waranqawan jamushajtin?

Josué 15:33

Pampasnimpi kajkunataj karqanku kaykuna: Estaol, Zora, Asena, Zanoa, En-ganim, Tapúa, Enam, Jarmut, Adulam, Soco, Azeca, Saraim, Aditaim, Gedera, Gederotaim ima. Tukuynimpi karqanku chunka tawayoj llajtas tukuy ranchosnintin.

Josué 2:1

Numpa wawan Josueqa Sitinmantapacha iskay wateqajkunata pakayllamanta kacharqa, paykunamantaj nerqa: Riychej, qhawamuychej jallp'ata, Jericó llajtatawan, nispa. Paykunataj rispa, Jericó llajtapi uj khuchi warmej wasinman chayakorqanku, chay ch'isitaj chaypi qhepakorqanku; chay warmej sutenqa karqa Rahab nisqa.

Josué 2:2

Jericó llajtaj reyninmantaj pichus willarqamusqanku: Uj iskay israelitas kunan ch'isi jamunku jallp'anchejta wateqaspa qhawaraj, nispa.

Jueces 13:2

Sorapi Dampa ayllun ukhupi uj runa Manoa sutiyoj karqa. Warmenqa mana jayk'ajpis wawayojchu karqa, wawata mana rejsej warmi kasqanrayku.

Jueces 13:25

Señorpa Espirituntaj Sansonman jamuspa kallpachayta qallarerqa Dampa jarampi kashajtin, chaytaj kashan Zorawan Estaolwan chay chaupinejpi.

Jueces 16:31

Chay qhepantataj jamorqanku Sansompa hermanosnin, tukuy ayllusnimpis, ayanta oqharispataj p'ampamorqanku Manoa tatampa sepulturanman, chaytaj kasharqa Zorawan jinataj Estaolwan chay chaupinejpi. Iskay chunka watata Sansonqa israelitasta kamacherqa.

Jueces 17:1

Efraimpa orqosnimpi tiyakorqa uj runa Micaía sutiyoj.

Jueces 18:11

Sojta pachaj runas Dampa ayllunmanta kajkuna llojserqanku Zoramanta Estaolmanta ima, sumaj armasninkuwan wakisqas.

Jueces 18:13

Chaymantataj rerqanku Efraimpa orqosninman, chayarqankutaj Micaiajpa wasinman.

Jueces 18:3

Micaiajpa wasinman qayllashaspañaqa, chay wayna levitaj parlasqanta rejsiytawan rerqanku tapurej: Pitaj kaynejman pusamusorqari? Imaraykutaj qan kay lugarpi kashankiri? Imatataj kaypi mask'ashankiri? nispa.

Jueces 18:8

Chaypacha phishqa kachasqa kutimporqanku Zoraman jinataj Estaolman, maypichus chay wauqesninku kasharqanku chayman, paykunataj kay jinata tapurerqanku: Imaynataj risorqachejri? Paykunataj kuticherqanku:

Jueces 19:1

Maypachachus Israel ukhupi manaraj rey kashajtin, uj levita runa tiyakorqa Efraimpa aswan karu orqosnejpi, paytaj oqharikorqa uj warmita Judá jallp'api Belén llajtamanta, mana casaraspallataj kausarqa chay warmiwan.

Jueces 19:18

Levita runataj kuticherqa: Pasaj jinalla samarishayku. Judapi Belenmanta jamorqayku, rishaykutaj Efraimpa karu kaj orqosninman, maypichus tiyakuni chayman. Belempi karqani, kunantaj wasiyman kutipushani manataj ni pi kanchu kunan ch'isi wasinman wajyarikuwaj.