Jueces 17:5 - Qheshwa Biblia DC

⁵ Micaiaqa t'aqarqa wasimpi uj lugarta lantista yupaychanapaj. Ruwakorqataj uj efod p'achata chantá wasi lantistawan ima, ujnin kaj wawantataj sacerdoteta jina t'aqarqa.

DIOSPA QHELQACHISQAN DEUTEROCANONICAL

⁵ Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.

DIOSPA QHELQACHISQ

⁵ Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.

Jueces 17:5 Iomraidhean Croise

Génesis 31:19

Chaykamataj Labanqa ovejasnimpa millmasninta ruthusharqa. Raqueltaj tatampa lantisninta suwarqa.

Génesis 31:30

Sichus tataykej wasinmampuni kutiyta munanki, chayraykutaj kaykamapis jamunki chayqa, imaraykutaj lantisniyta suwampuwankiri?

1 Reyes 12:31

Ruwallarqataj lomas patapi yupaychana wasista, chanta sacerdotestawan churarqa runasllamanta manataj Levéj ayllunmantachu.

1 Reyes 12:32

Chanta Jeroboamqa uj fiestata wakicherqa pusaj kaj killapi, chunka phishqayoj p'unchaypi, imaynatachus uj jatun fiestata Judapi ruwaj kanku ajinata; uj altar patapitaj uywa ñak'asqasta jaywarqa. Ajinata ruwarqa Betelpi uywa ñak'asqasta jaywaspa chay waka uñasta ruwasqanman. Kamachillarqataj sacerdotes kanankupaj chay lomas patapi wasista ruwachisqasnimpaj.

Esdras 1:7

Rey Cirotaj, orqhochimorqa Señorpa templompi karqanku chay imasta. Chaykunataqa, Nabucodonosor Jerusalenmanta apachispa dioskunasnimpa templonman churachisqa.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Éxodo 28:15

Warkhunatapis kikillantataj efodta jina ruwanki. Chay warkhunapi ruwanki imaschus juzganapaj tiyan chaykunasniyojta, k'acha pallayniyojta qorimanta, lilamanta, puka pantimanta, pukamanta, t'ullkusqa linomantawan.

Éxodo 28:4

P'achastaqa kaykunata ruwanqanku: kunkanman warkhunata efodta, capata, k'acha ruwasqa puka p'achata, linomanta mana ningriyoj ch'uluta, uj pallayniyoj chumpitawan. Ajinata sumaj p'achasta ruwapunkichej wauqeyki Aarompaj, wawasnimpajwan paykuna sacerdotesniy kanankupaj.

Éxodo 29:9

Chaymanta Aaronta chumpichinki, jinallataj wawasnintapis, jinaspataj churaranki ch'ulusta sapa ujninkuman. Ajinamanta qanqa paykunata unaypaj sacerdotesniy kanankupaj t'aqapuwanki.

Isaías 44:13

Lanti ruwajpis carpinteropis reglata jap'iytawan lapizwan rayan. Chaymantataj compaswan rayaytawan cepillayta qhallarin. Chay jinamanta lantitaqa runaman rijch'akojta k'achituta ruwan. Chaymantataj uj yupaychana wasiman sayachimun.

Ezequiel 21:21

Babilonia reyqa sayaykun maynejmantachus iskaynin ñankuna qallarikushanku chaypi suerteta choqanampaj. Varasta thalan, dioskunasninkuta tapurin, uywaspa kukupisninkutataj qhawarin.

Ezequiel 21:26

Señorqa kay jinata nin: Uma watanaykita orqhosonqanku, pilluykita orqhosonqanku, pilluykita orqhosonqanku, tukuy imataj waj jina kanqa. Juch'uypaj qhawasqa kajqa, jatumman oqharisqa kanqa, jatumpaj qhawasqa kajtaj, k'umuykuchisqa kanqa.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Números 3:10

Jinamanta Aaronman mirayninmanwan saqey, sacerdotej ruwanasninta ruwanankupaj. Sichus waj runa sacerdotej ruwananta ruwanqa chayqa, wañonqa.

Hebreos 5:4

Manataj pipis pay kikimpaj allin sutita jap'inchu, manachus Dios wajyanman chayqa, Aaronta jina.

Jueces 17:4

Chaywampis Micaiaqa kutichiporqapuni chay qolqeta mamanman, chantá mamanqa aparqa lanti ruwajman iskay pachaj qolqesta, chaykunamanta ruwanampaj uj lantita qolqewan lluch'isqata, chaytataj churarqa Micaíaj wasinman.

Jueces 18:14

Chaypacha chay phishqantin pischus jallp'ata qhawaj ñaupajpi jamorqanku Lais cheqanejman chaykunaqa chay ujkunaman nerqanku: Yachankichejchu uj imata? Kay wasipi tiyan efod p'acha, chantá wasi dioskuna ima, jinataj k'aspi llajllasqamanta uj lanti qolqewan lluch'isqa. Imatataj chaykunawan yuyankichej ruwaytari?

Jueces 18:24

Micaiataj kuticherqa: Qankuna apakapushankichej ruwakorqani chay lantisniyta, sacerdoteytapis apakapushallankichejtaj, mana imayojtataj saqerparishawankichej, chantá tapuwashankichejrajtaj. Ima pasasunki?, nispa.

Jueces 18:30

Chaypi Danmanta kaj runasqa llajllasqa lantinkuta yupaychanankupaj sayaykucherqanku, sacerdotenkutaj Jonatán karqa, paytaj Moisespa allchhin Gersompa wawan karqa. Chay qhepamantaj Jonatampa mirayninmanta kajkuna Dampi sacerdotes karqanku, chay waj nacionman wijch'usqas kanankukama.

Jueces 8:27

Gedeonqa chay qoriswan ruwarqa uj lantita, chaytataj Ofra llajtaman churaykorqa. Jinapis chay lantita ruwachisqanrayku Señorman mana cheqatachu purerqanku chay llajtayojkuna jinataj Israel ayllupis. Gedeompaj ayllumpajpis chayqa pantaypaj karqa.

1 Samuel 19:13

Chaymantataj Micalqa Davidpa camanman uj lantita churaykorqa, saunanmantaj cabra millmamanta ruwasqata churaykorqa, chaytataj uj qhatanawan qhataykorqa.

1 Samuel 23:6

Chaykamataj Ahimelecpa wawan Abiatarqa ayqekoj risharqa, Davidwan Keilapi tinkukamunanrayku, efod p'achata oqhariykukuspa.