Jueces 15:14 - Qheshwa Biblia DC

¹⁴ Lehiman chayamojtintaj filisteosqa kusiywan qhaparkachaspa payta taripaj llojserqanku. Señorpa Espirituntaj Sansonman jamorqa, paytaj makisnimpi chay watasqa waskhasta t'ipirarerqa uj ruphasqa linomantapis ruwasqas kankuman karqa jinata.

DIOSPA QHELQACHISQAN DEUTEROCANONICAL

¹⁴ Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

DIOSPA QHELQACHISQ

¹⁴ Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

Jueces 15:14 Iomraidhean Croise

Job 20:5

Sajra runaspa kusikuynenqa pisi tiempollapaj, juchasapaj kusikuynenqa uj ratolla.

Salmos 118:11

Tukuynejmanta muyuykuwarqanku, Señorpa sutimpitaj atiparqani.

Salmos 18:34

Paytaj sumajta maqanakupaj amañachiwan. Kallpachawantaj bronce arcosta mat'inaypaj.

Éxodo 14:3

Faraonqa nenqa: Israelitasqa mana yachankuchu maymanchus rinankuta. Ch'in pampaspi chinkasqas jina kashanku, jark'asqas jinataj, nispa.

Éxodo 14:5

Chaykamataj Egiptomanta reyqa yacharqa israelitasqa ayqesqankuta. Faraonqa mayta phiñarikuspa, jinallataj kamachisnimpis, nerqanku: Imatataj noqanchej ruwashanchejri, imapajtaj israelitasta rejta saqerqanchejri, noqanchejpaj imatapis ruwananku kashajtinri?

Miqueas 7:8

Qan contray kaj nación, ama kusikuychu kay mana allin qhatiriwasqanmanta, urmarqani chaypis sayarikullasajtaj laqhayaypis muyuykuwachun, Señorllamin k'anchayneyqa.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Jueces 14:19

Chay rato Señorpa Espíritun Sansonman jamorqa; chaypacha Sansonqa Ascalonman rispa chaypi kinsa chunka runasta wañucherqa, chaykunamanta p'achasta lluch'usqanwantaj pagarqa pischus watuchiyninta willajkunaman. Chaymanta may phiñasqa kutiporqa tatampa wasinman.

Jueces 14:6

Chaypacha Señorpa Espíritun Sansonman jamorqa. Chay ratotaj makisnillanwan uj cabritota jina leontaqa t'isarparerqa, chaytataj mana willarqachu tatasninmanqa.

Jueces 15:13

Paykunataj nerqanku: Mana, mana wañuchisqaykuchu, manachayqa jap'ispa filisteosman jaywamuyta munayku. Chaypacha iskay mosoj waskhaswan watasqata chay pakakunamanta orqhomorqanku.

Jueces 15:9

Filisteos jamorqanku Judáj jallp'ampitaj jarakorqanku, rerqankutaj Lehi nisqa chaynejkama.

Jueces 16:12

Chaypacha Dalilaqa simp'asqa mosoj watanasta oqharispa chaykunawan Sansonta wataykorqa, qhaparerqataj: Sansón! Filisteos jap'ej jamushasunku! nispa. Chaypacha Dalilaqa wasimpi runasta pakaykullasqataj. Sansontaj chay watanasta t'ipirparerqa uj ñañu q'aytusta jina.

Jueces 16:24

Rikuspataj chay llajtayoj runasqa takillarqankutaj, diosninkuta yupaychaspa kay jinata: “Noqanchejpa diosninchej enemigonchej Sansonta jaywawarqanchej, payqa campospi chajrasninchejta tukucherqa, ashkha llajta masisninchejtataj wañuracherqa”.

Jueces 16:9

Ñaupajmantaña Dalila chay wasimpi runasta pakaykorqa, qhaparerqataj: Sansón! Filisteos jap'ej jamushasunku! Chaypacha Sansonqa chay watanasta t'ipirparerqa uj mullphasqa ch'ankullaspis kankuman karqa jinata. Filisteostaj mana yachayta aterqankuchu maymantachus kallpan jamusqanta.

Jueces 3:10

Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

Jueces 5:30

Maqanakupi ganasqasninkutachá rak'inakushanku, sapa soldadochá apakamushan ujkama chayri iskaykama sipas kamachista. Sisarapajqa may k'acha kaj coloresniyoj telaschá kashan, may k'acha coloreswan bordasqa pichus atipajpa kunkanman churanapaj kanqa.

1 Samuel 10:10

Saulwan chay kamachinwan Gabaa llajtaman chayajtinkutaj, profetasqa paykunawan tinkukorqanku. Chaypacha Señorpa Espíritun atiyninwan ima Saulman jamorqa. Saultaj chay profetas jina parlarqa.

1 Samuel 10:6

Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

1 Samuel 11:6

Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

1 Samuel 4:5

Jaraman chayachimojtinkutaj Señorpa trato cajonnintaqa, tukuy imata israelitas qhaparerqanku sinch'i kusiywan jallp'ata kharkatichinankukama.