Jueces 11:10 - Qheshwa Biblia DC

¹⁰ Chay kurajkunataj ajina kananta nerqanku: Señor rikumushan, ruwasqaykutaj imaynatachus munasqaykiman jina.

DIOSPA QHELQACHISQAN DEUTEROCANONICAL

¹⁰ Chantá Galaadmanta kurajkuna tiluspa nerqanku: Tata Diosmin testigoqa. Qan kamachiwasqaykuta ruwasqaykupuni, nispa.

DIOSPA QHELQACHISQ

¹⁰ Chantá Galaadmanta kurajkuna tiluspa nerqanku: Tata Diosmin testigoqa. Qan kamachiwasqaykuta ruwasqaykupuni, nispa.

Jueces 11:10 Iomraidhean Croise

Génesis 16:5

Saraitaj nerqa Abramman: Qan juchayoj kanki Agar chhoqonakunawampaj! Paytaqa noqa entregarqayki; kunantaj payqa yachan wawayoj kananta, chayrayku creekushan noqamanta aswan sumaj warmi kasqanta. Kunanqa Señor cheqanchawasunchej, qanchus juchayoj kanki, chayri noqachus, chay jina kanampaj, chayta.

Génesis 21:23

Chayrayku qan niy ari Diospa sutinta oqharispa, ama ima sajratapis ruwanawaykita, ni wawasniypaj, nitaj mirayniypajpis. Nillaytaj ari allinta ruwanawaykita noqa imaynatachus ruwarqayki ajinata, jinallataj allinta ruwanaykita kay runaspajpis, mayqenkunaj llajtampichus tiyakushanki chaypi.

Génesis 31:50

Sichus kaymanta qhepaman wawasniyta llakichipuwanki, chayri waj warmiswantaj casaranki chayqa, Dioslla rikusonqa, noqanchejqa manaña rikunakusunchu.

Génesis 31:53

Abueloyki Abrahampa Diosnin, abueloyki Nacorpatawan Diosnin cheqanchawasunchej. Chaymanta Jacobqa jurarqa, mayqen Diostachus tatan Isaac yupaycharqa chaypa sutimpi.

Éxodo 20:7

Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

Jeremías 42:5

Chaypacha paykuna Jeremiasman nerqanku: Señor Diosniyki noqaykoj contraykupi cheqan testigo kachun, sichus Señor Diosniykej noqaykuman nisusqanta mana junt'aykuman chayqa.

Miqueas 1:2

Tukuy ayllumanta kajkuna uyariychej kayta; Señormin, yupaychana santo wasinmantapacha qankunaj contraykichejpi qhawamonqa.

Zacarías 5:4

Tukuy Atiyniyoj Señor nin: Noqa kachamuni kay maldiciontaqa, pischus suwanku, pistajchus qhasimanta sutiypi juranku chaykunaj wasinman yaykunampaj. Chay maldiciontaj chaypi qhepakonqa, k'aspis jinataj rumis ni uj puchuyoj kanankama, nispa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Romanos 1:9

Dioslla yachan pitachus kasusqayta, Espiritupi Churinmanta evangeliota willaspa. Diosmanta mañakuyniypi mana sayk'uspa qankunamanta yuyarikunipuni.

2 Corintios 11:31

Señorninchej Jesucristoj Dios Tatanqa yupaychasqa kachun wiñaypaj. Pay yachan mana llullakusqayta.

Deuteronomio 1:16

Chaypachallataj nerqani chay juezkunaman kay imasta: Tukuy imamanta tukuyninkuta uyariychej cheqanta imamantapis ruwaychej, ayllu masiykichej israelitasta, jinallataj karu llajtayojkunatapis.

Jueces 11:9

Jeftetaj kuticherqa: Sichus qankuna munankichej amonitaspa contrampi maqanakoj kutinayta chayqa, Señortaj atipayta qowanman chayqa, noqa kamachejniykichej kasaj, nispa.

1 Samuel 12:5

Chanta Samuelqa nillarqataj: Señorqa, chanta reypis yachashanku, qankuna mana imantapis juchachawasqaykichejta, nispa.

1 Samuel 24:12

Señorlla justiciata ruwawasuchun iskayninchejta, qan reyniymantataj aynita kutichichun. Noqamantaqa mana jayk'ajpis qan reyniypa contrantaqa makiyta oqharisajchu.