Jueces 10:6 - Qheshwa Biblia DC

⁶ Israelitasqa watejmanta ruwallarqankutaj Señorpa contranta, yupaychaspa Baalman jinataj Astarteman rijch'akoj lantista, ajinallatataj Siriamanta dioskunasninkuta, Sidonmanta, Moabmanta, Amonmanta, jinataj Filisteojkunatawan. Señorta saqerparispa manaña yupaycharqankuchu.

DIOSPA QHELQACHISQAN DEUTEROCANONICAL

⁶ Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

DIOSPA QHELQACHISQ

⁶ Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Jueces 10:6 Iomraidhean Croise

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

1 Reyes 11:5

Imaraykuchus Salomonqa yupaycharqa Astarteta, sidoniospa china diosninkuta; Amonitaspa chay millay lantinku Milcomtawan.

1 Reyes 11:7

Chanta Salomonqa Moabpa millay lantin Quemospaj uj altarta wakicherqa, Jerusalempa chimpan orqopi; Amonitaspa chay millay lantin Molocpajpis uj altarta wakichillarqataj.

1 Reyes 16:31

Imaraykuchus Nabatpa wawan Jeroboampa ñankunasnimpi usqhayllata purerqa, casarakorqataj sidoniospa reyninku Et-baalpa wawan Jezabelwan, chaymantaqa Baalta yupaychamorqa sirverqataj.

2 Reyes 17:16

Señor Diosninkoj tukuy kamachisqasninta saqerparerqanku. Paykunataj metalta unuyachispa iskay waka lantista ruwakorqanku. Asera k'ullu lantistapis ruwakullarqankutaj. Chay jawaqa yupaychallarqankutaj Baalta, cielopi tukuy qoyllurkunatawan.

2 Reyes 23:13

Ajinallatataj rey Josiasqa Jerusalén chimpapi lomas patapi altaresta ch'ichichaykorqa. Olivos orqoj pañannejpi kajkunata, mayqenkunatachus rey Salomón ruwasqa sidoniospa millay lantej Astortepaj, moabitaspa millay lantin Quemospa, Amompa millay lantin Milcompajwan.

2 Crónicas 28:23

Uywa ñak'asqata jaywarqa Damascopi dioskunaman, chaykuna urmachisqankurayku maqanakupi. Payqa yuyarqa chay nacionmanta reykunastaqa chay Siriamanta dioskuna yanapasqanta, paytapis jinallataj yanapanankuta yuyarqa, sichus ñak'asqa uywasta chaykunaman jaywanman chayqa. Chay lantisqa payta urmacherqanku, jinataj tukuy Israel ayllutapis.

Salmos 106:36

Yanqha mana kaj dioskunata yupaycharqanku, chaytaj paykunataqa lastayman chayacherqa.

Isaías 23:4

Sidón llajta p'enqakuy ari kunanqa, mar qochaqa jark'ajnin, kunanqa niy: Ni mayk'aj noqaqa wawastapis onqoj warmej nanayninwan jap'ichikojchu kani, nitaj wawatapis paqarichinichu. Manaña wayna wawasniy uywanaypaj kanchu, nitaj warmi wawasniypis uywanaypaj kanchu.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

Jeremías 32:23

Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.

Ezequiel 27:16

Edóm llajtamanta kajkuna qanwan qhatuta ruwallajtaj kanku. Mikhunas ashkha poqopusorqa, chay mikhunasniykiwan trocanankupaj paykuna apamoj kanku: Granate rumista, puka tiñisqa telasta, awakipasqa p'achasta, chantapis may sumachaj linomanta kaj telasta, coral nisqa rumistawan.

Deuteronomio 13:6

Ichapis kikin wauqeyki, chayri qhari wawayki, chayri warmi wawayki, chayri munasqa warmiyki, chayri aswan sumaj kausaqeyki pakayllamanta nisunkiman: Jaku waj dioskunata yupaychamuna, nispa. Chay dioskunataqa nitaj qankuna, nitaj tatasniykichejpis rejserqankichejchu.

Deuteronomio 13:8

Ama chay parlaytaqa kasunkichu nitaj uyarinkipischu; ni payta perdonankichu, nitaj khuyapayankichu, manallataj payta khuyapayankichu.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Josué 13:31

Chaymantaqa Galaadpa khuskan, Astarot llajtas, Edrei llajta, Basampi rey Ogpa llajtasnin ima. Chay karqa Manasespa wawan Maquirpa wawasnimpaj, chay niyta munan Manasespa khuskan miraynimpaj, mashkhachus kasqankuman jina.

Jueces 10:5

Jair wañupojtenqa Camompi p'amparqanku.

Jueces 11:24

Sichus diosniyki Quemos imatapis qosunkiman, chaytataj qampata kasqanta ninki. Manachu jina? Ajinallatataj noqaykupis imastachus Señorqa ñaupaqeykupi qhechuspa qowasqaykutaqa noqaykojta kasqanta qhawayku.

Jueces 13:1

Israelitasqa watejmanta ruwallarqankutaj Señorpa mana munasqan imasta, chayrayku Señor jaywaykorqa filisteospa makinman tawa chunka watata.

Jueces 16:23

Filisteospa kurajkunasnin tantakorqanku kusikunankupaj atipasqankumanta jinataj Dagón diosninkuman uywa ñak'asqasta jaywanankupajwan. Takerqankutaj: “Diosninchej jaywawarqanchej enemigonchej Sansonta”.

Jueces 3:7

Israelitasqa qonqaporqanku Señor Diosninkuta, Paypa mana munasqantataj ruwarqanku, yupaycharqankutaj Baalman Astartemanwan tukuy laya rijch'aj lantista.

Jueces 4:1

Aod wañupusqanmanta qhepata, israelitasqa ujtawan kutillarqankutaj Señorpa contranta sajra ruwaykunasman,

Jueces 6:1

Israelitasqa juchallikullarqankutaj Diospa contrampi sajra ruwaykunaswan, qanchis wata junt'atataj Señorqa churaykorqa madianitaspa makisninman.

Jueces 8:33

Gedeompa wañupusqanmanta qhepamanqa, israelitasqa Diosmanta qonqapuyta qallarillarqankuñataj Baalpa tukuy laya lantisninman yupaychaj rinankupaj. Baal-berit lanti nisqatataj ajllakorqanku diosninku kanampaj.

1 Samuel 5:2

Filisteosqa Diospa trato cajonninta apakaporqanku diosninkoj Dagompa yupaychana wasinman, chay diosninkoj ladonmantaj churaykorqanku.