San Juan 8:32 - Qheshwa Biblia DC

³² Cheqa kajta rejsinkichej, cheqa kajtaj kacharichisonqachej.

DIOSPA QHELQACHISQAN DEUTEROCANONICAL

³² Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

DIOSPA QHELQACHISQ

³² Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

Quechua South Bolivia: Dios Parlapawanchej

³² Cheka cajta yachanquichejtaj chay cheka cajri cacharichisonkachej, —nispa.

San Juan 8:32 Iomraidhean Croise

Salmos 119:45

Kamachisqasniykita mask'asqayrayku kacharisqa jina kausakusaj.

Salmos 25:5

Cheqan kayniykinejta pusaway, yachachiwaytaj. Qan kanki ari salvaj Diosniy. Tukuy p'unchaynintin qampi suyakuni.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Proverbios 1:29

Qankuna yachayta qhesakasqaykichejrayku, Señorta yupaychayta mana munankichejchu.

Proverbios 4:18

Cheqan runaspa ñanninkoqa sut'iyamuyta inti llojsimushaj jina, astawan p'unchayyamusqanman jinari sumajta k'ancharimun.

Isaías 2:3

Ashkha runakuna jamuspa nenqanku: Jakuchej, Señorpa lomanman wicharinachej, Jacobpa Diosnimpa wasinman, pay ñankunasninmanta yachachinawanchejpaj, chaki ñankunasnimpi purinanchejpaj, imaraykuchus leyqa Sionmanta llojsenqa, Señorpa palabrampis Jerusalenmanta.

Isaías 30:21

Chantaqa wasaykipi kay palabrasta nishajta uyarinki: Kaymin cheqan ñanqa; chayninta riy, ama pantaychu pañaman, nitaj lloq'emampis.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Oseas 6:3

Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

Levítico 25:41

Chay watataj wasiykimanta llojsiponqa tukuy wawasninwan. Kutiponqataj ayllusninman, tatanmanta chayaqentataj ujtawan jap'ikaponqa.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

San Mateo 11:29

Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

San Juan 16:13

Chay cheqa Espíritu chayamojtin, pay cheqa kajman pusasonqachej; imaraykuchus mana payllamantachu parlanqa, astawanqa Dios Tatamanta tukuy uyarisqanta nenqa. Qankunamantaj willasonqachej imaschus qhepata jamunankuta.

San Juan 17:17

Paykunata llimphuchay cheqa kajpi; palabraykeqa cheqapuni.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

San Juan 8:36

Chayrayku, Churichus kacharichisunkichej chayqa, cheqamanta kacharisqas kankichej.

Romanos 6:22

Juchaj kamachiyninmanta kacharisqas kaspaqa, Diospa kamachisninña kankichej. Chaynejtataj, llimphu kausayta poqoyta jina tarinkichej; chaypa tukukuynintaj wiñay kausay.

Romanos 8:15

Mana kamachipi kanapajchu Espiritutaqa jap'erqankichej, ujtawan mancharisqallapuni kanaykichejpaj, astawanqa chay Espirituta jap'erqankichej Diospa wawasnimpaj rejsisqas kanaykichejpaj. Chayrayku Diosmanta mañakuychej: Tatáy, Tatáy, nispa.

Romanos 8:2

Kausachej Espíritoj leynenqa Cristo Jesuspi; juchaj kamachiyninmanta wañuymantawan kacharichiwan.

1 Corintios 7:22

Pichus kamachi kashaspa Señorpi creenampaj wajyasqa chayqa, kunanqa kacharisqaña Señorpaj. Jinallataj pichus kacharisqa kashaspa wajyasqa karqa chayqa, kunanqa Cristoj kamachinña.

Gálatas 5:1

Cristo juchamanta orqhospa salvawarqanchej. Chayrayku chay salvaciompi sumajta sayaychej, amataj ujtawanqa kamachi yugoman watakuychejchu.

Gálatas 5:13

Qankunaqa hermanos, libres kanaykichejpaj wajyasqas kankichej, amataj aychaj munaynimpajchu kachun, manachayqa ujkuna ujkuna yanapanakuychej munakuywan.

2 Timoteo 3:7

Paykunaqa yachashallankupuni, manataj jayk'ajpis cheqa kajta rejsiyta atinkuchu.

Santiago 1:25

Pichus allinta qhawakun chayqa allinchasqa, kacharichej leypitaj sayaykun; manataj uyarisqanta qonqapojllachu kaspa, leypa kamachisqanta junt'an chayqa, chay runaqa kusikuyniyojmin ruwasqampi.

Santiago 2:12

Qankunaqa ajinata parlaychej, ajinallatataj ruwaychej, imaraykuchus kacharichej leynejta juzgasqas kankichej.

1 Pedro 2:16

Kacharisqas jina kankichej; amataj kacharisqasman tukuspa, sajrata ruwajkuna jinachu kaychej, astawanqa, Diospa kamachisnin jina puriychej.

2 Juan 1:1

Noqa kuraj runa escribimuni ajllasqa mamaman, wawasninman ima. Cheqamanta paykunata munakuni. Mana noqallachu munakuni, manachayqa, cheqa kajta tukuy rejsejkunapis munakullankutaj.