San Juan 7:28 - Qheshwa Biblia DC

²⁸ Chayta uyarispa Jesusqa, templopi yachachishaspa sinch'ita parlarerqa: Noqata rejsiwankichej, yachankichejtaj maymantachus kasqayta; manataj sapaymantachu jamuni. Kachamuwarqa chaytaj cheqapuni, qankunataj payta mana rejsinkichejchu.

DIOSPA QHELQACHISQAN DEUTEROCANONICAL

²⁸ Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

DIOSPA QHELQACHISQ

²⁸ Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

Quechua South Bolivia: Dios Parlapawanchej

²⁸ Yupaychana-wasi patiopi yachachispa tucuy uyarinancupajjina Jesús cayta nerka: —¡Arí! Kancuna nokata rejsiwaspa maymantachus jamuskaytapis yachaskayquichejta yuyanquichej. Astawanrí mana nokallamantachu jamuni, manachayka cachamuwajniy Diosmanta. Payka chekamin. Kancunarí mana payta rejsinquichejchu.

San Juan 7:28 Iomraidhean Croise

Salmos 9:10

Rejsisojkunaqa, Señor qampi atienekusunku imaraykuchus mask'asojkunataqa ni jayk'aj qonqankichu.

Jeremías 31:34

Manaña yachachinakunanku kanqachu ujkuna ujkunata, kausaqesnintin, ayllusnintimpis, noqata rejsinawankupajqa, imaraykuchus tukuy rejsiwanqanku, jatunmantapacha juch'uykama. Noqa juchasninkumanta perdonapusaj, manañataj jayk'ajpis juchasninkumanta yuyarikusajchu. Noqa Señor nini.

Jeremías 9:6

Señor nillantaj: Qhepampi qhepampi mana allin ruwaylla, qhepampi qhepampi llullakuylla, aylloyqa mana rejsikapuyta munawanchu.

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Oseas 5:4

Runaspa tukuy millay ruwasqasninku mana saqenchu Diosman kutirikojta. Qhenchachakuyllawan atipasqas kaspa Señortapis mana rejsiyta atinkuchu.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Mateo 2:23

Nazaret llajtaman chayaspataj chaypi tiyakorqa, profetaspa nisqanku junt'akunampaj: Jesusqa, nazareno sutichasqa kanqa.

San Mateo 26:55

Chaypacha Jesús nerqa runasman: Suwaman jinachu espadaswan, k'aspiswan ima, jap'ej jamuwarqankichej? Sapa día qankunawan templopi yachachispa kashajtiytaj, mana jap'iwarqankichejchu.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Lucas 2:11

Kunan qankunapaj nacikun Davidpa llajtampi uj Salvador. Chayqa Cristo Señor.

San Lucas 2:39

Tukuy imasta Señorpa leyninman jina junt'aspataj, kutiporqanku Galileapi Nazaret llajtankuman.

San Lucas 2:4

Josepis, Davidpa ayllunmanta kasqanrayku, Galileapi Nazaret llajtamanta wicharerqa, Judeapi, Davidpa llajtan Belenkama.

San Lucas 2:51

Chantá kutiporqa tatasninwan Nazaretman; chaypitaj paykunata kasuspa karqa. Kay tukuy imastataj mamanqa sonqompi waqaycharqa.

San Juan 1:46

Natanael nerqa: Atinmanchu Nazaretmanta allin imapis llojsimuyta? Felipetaj nerqa: Jamuy ari, rikunki.

San Juan 10:36

Pitachus Dios Tata ajllarqa, kay pachamantaj kachamorqa; qankunataj ninkichej Dios jina parlan, nispa. Chaytaqa Diospa Churin kani nisqayraykuchu niwankichej?

San Juan 12:49

Mana noqallamantachu parlani; kachamuwajniy Dios Tataj kamachiwasqanta parlani, yachachinitaj.

San Juan 14:10

Manachu creenki noqa Dios Tatapi kasqayta, paytaj noqapi? Willaykichej chay palabrastaqa, mana noqallamantachu parlani; noqapi kaj Dios Tata chay ruwanastaqa ruwan.

San Juan 14:31

Mundo yachanan tiyan Dios Tatata munakusqayta, imatachus pay kamachiwarqa chaytapis ruwasqayta. Sayariychej, ripuna kaymanta.

San Juan 16:3

Chayta ruwanqanku, imaraykuchus Dios Tatata, noqatapis mana rejsiwaykuchu.

San Juan 17:25

Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

San Juan 3:2

Pay uj ch'isipi Jesusta watukoj jamorqa, nerqataj: Maestro, yachayku Diospa kachamusqan kasqaykita yachachinawaykupaj mana pipis atinmanchu, qan ruwanki chay jina milagrosta ruwaytaqa, Dios mana paywan kajtenqa.

San Juan 3:33

Pillapis yachachisqanta jap'ikojqa, willallantaj Diosqa cheqapuni kasqanta, imaraykuchus Diospa kachamusqanqa, Diospa palabranmanta parlan, Diosqa Espiritunta mana tupusqata qosqanrayku.

San Juan 5:32

Noqamanta willajqa wajmin, yachanitaj chay willasqanqa cheqa kasqanta.

San Juan 5:43

Noqa Tataypa sutimpi jamorqani, qankunataj qhesachawankichej. Waj runatajchus paypa sutimpi chayamusunkichejman chayqa; paytaqa mana qhesachawajchejchu.

San Juan 6:42

Chantá nillarqankutaj: Manachu kay runaqa Josejpa Churin Jesús? Manachu rejsinchej tatantawan mamantawan. Imaraykutaj janaj pachamanta uraykamuni nishan payri?

San Juan 7:14

Khuskan qhochuku kashajtinña Jesusqa temploman yaykuspa, yachacherqa.

San Juan 8:14

Jesús paykunaman kutichispa nerqa. Noqallamanta willakuni chayqa, cheqapuni kashan willasqayqa. Yachani maymantachus jamusqayta, maymantajchus rishasqayta. Qankunarí mana yachankichejchu maymantachus jamusqayta, nitaj maymanchus rishasqaytapis.

San Juan 8:16

Noqaj juzgasqayqa cheqa. Mana sapallaychu kashani, astawanqa kachamuwaj Tataywan ima.

San Juan 8:19

Chantá taporqanku: Maytaj Tataykiri?, nispa. Jesustaj paykunaman nerqa: Qankuna mana rejsiwankichejchu, manallataj Tataytapis rejsinkichejchu. Noqatachus rejsiwankichejman chayqa, Tataytapis rejsillawajchejtaj.

San Juan 8:26

Qankunamanta ashkha imasta parlanay, juchachanaytaj tiyan; noqata kachamuwajqa cheqamin; noqataj paymanta uyarisqayta kay pachapi willashani.

San Juan 8:42

Chaypacha Jesús nerqa: Cheqamantachus tataykichej Dios kanman chayqa, noqata munakuwankichejman. Diosmanta kay pachaman jamorqani; manataj sapallaymantachu, manachayqa Dios kachamuwarqa.

San Juan 9:29

Noqayku yachayku Moisesman Dios parlasqanta; chay runamantarí, mana yachaykuchu maymantachus kasqanta.

Hechos 17:23

Llajtaykichejpi puriykachashaspaqa, rikuni lanti yupaychanaykichejta. Uj altartapis tarini kay jina escribisqayojta: “Mana rejsisqa diosman”. Chay Diosmanta, pitachus mana rejsispalla yupaychankichej, noqaqa willaykichej.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

Romanos 3:4

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.

2 Corintios 1:18

Astawanqa Dios yachan palabraykoqa qankunapaj mana “arí” nisqachu, nitaj “mana” nisqachu kasqanta.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

1 Juan 5:10

Pichus Diospa Churimpi creejqa, Diospa willasqanta sonqompi jap'in. Diospi mana creejrí, Diosta llullata jina rikhurichin, Churinmanta Diospa willasqanta mana creesqanrayku.

1 Samuel 2:12

Eléj wawasnenqa sinch'i millay puriyniyoj karqanku, manataj Señormanta dakojchu kanku, nillataj allintachu ruwaj kanku tukuy aylloj ñaupaqempeqa sacerdote jina ruwanasninkutapis. Pillapis rikuchikuta jaywashajtenqa, sacerdotej ujnin kamachin jamoj makimpi uj trinche jap'irisqa manaraj aycha chayashajtin.