San Juan 4:34 - Qheshwa Biblia DC

³⁴ Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

DIOSPA QHELQACHISQAN DEUTEROCANONICAL

³⁴ Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

DIOSPA QHELQACHISQ

³⁴ Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

Quechua South Bolivia: Dios Parlapawanchej

³⁴ Jesustaj paycunaman nin: —Nokajtaka wajjina miqhunamin. Cachamuwajniypa munayninta ruwanay, paypa ruwayninta tucunaypis miqhunajina nokapajka.

San Juan 4:34 Iomraidhean Croise

Job 23:12

Noqaqa leyesninta, kamachiykunasnintawan junt'anipuni, manataj noqaj nisqaytachu ruwani.

Salmos 40:8

Diosníy, tukuy sonqo munayniykita ruwayta munani. Yachachiwasqasniykita sonqoypi jap'ini.

San Mateo 26:39

Astawan ñaupajman rispa, pampaman k'umuykukuytawan, Diosmanta mañakorqa: Tatáy, atikojtenqa kay ñak'arinay pasachun; chaywampis, ama noqaj munayniychu, qampa munayniyki ruwasqa kachun.

San Mateo 3:15

Jesustaj kuticherqa: Saqeway kunan bautizachikojta, imaraykuchus aswan walej Diospa kamachisqantaraj junt'ana. Chaymanta Juan saqellarqaña Jesús bautizachikunanta.

San Mateo 9:19

Jesustaj sayarispa paywan khuska rerqa, yachachisqasninwan ima.

San Lucas 15:10

Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.

San Lucas 19:10

Runaj Churenqa, chinkasqa kajta mask'aj, salvajtaj jamorqa.

San Lucas 2:49

Chantá Jesús nerqa: Imaraykutaj mask'awankichejri? Manachu yachankichej Tataypa ruwanasnimpi kanayta?

San Juan 17:4

Noqa kay pachapi alabarqayki, tukuchaniñataj ruwanasta qowasqaykitaqa.

San Juan 19:28

Chay qhepata Jesús tukuy ima tukuychasqaña kasqanta yachaspa, Escritura junt'akunampaj nerqa: Ch'akishawan.

San Juan 19:30

Jesustaj vinagreta llamiytawan nerqa: Tukuy ima tukusqaña. Umanta k'umuykuspataj, espiritunta Dios Tataman qoporqa.

San Juan 4:32

Jesustaj paykunaman nerqa: Waj mikhuna tiyapuwan, qankunataj chayta mana rejsinkichejchu.

San Juan 5:30

Jesustaj nerqa: Mana imatapis noqallamanta ruwanichu, uyarisqayman jina noqa juzgani; juzgasqaytaj cheqampuni, imaraykuchus mana noqaj munayniytachu mask'ani; astawanqa kachamuwaj Tataypa munaynillanta.

San Juan 5:36

Juampa willasqanmanta aswan sumaj willajniy tiyan; Dios Tata ruwanasta qowarqa junt'anaypaj, chaykunata ruwashani; chay ruwasqasniytaj willashanku Dios Tata kachamuwasqanta.

San Juan 6:33

Janaj pachamanta Diospa t'antan uraykamojqa, mundoman kausayta qon.

San Juan 6:38

Mana munayniyta ruwanaypajchu janaj pachamanta uraykamorqani, astawanqa kachamuwajniypa munayninta ruwanaypaj jamuni.

San Juan 8:29

Kachamuwaj Tatayqa noqawan kashan, mana sapayta saqerpayawanchu. Paypa munaynillanta ruwani.

Hechos 20:35

Chay tukuy ruwasqaywan yachacherqaykichej, pisichikojkunata yanapayta. Yuyarikuspa Señor Jesuspa nisqanmanta: Aswan kusiymin qoyqa jap'inamanta nisqaqa.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.