San Juan 21:17 - Qheshwa Biblia DC

¹⁷ Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

DIOSPA QHELQACHISQAN DEUTEROCANONICAL

¹⁷ Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

DIOSPA QHELQACHISQ

¹⁷ Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Quechua South Bolivia: Dios Parlapawanchej

¹⁷ Quinsa caj cutita taporka: —Jonaspa wawan Simonníy ¿munacuwanquichu? Pedrori quinsa cutita, “¿Munacuwanquichu?” tapuskanraycu phuticorka. Nerkataj: —Señorníy, tucuy imata yachanqui. Kan yachanquiña munacususkayta, —nispa. Jesustaj nerka: —Munaska runasniyta yachachiy.

San Juan 21:17 Iomraidhean Croise

2 Samuel 7:20

Imastawantaj niykiman Señor? Qanqa kay kamachiykitaqa rejsinkiña Señor Diosníy.

1 Reyes 17:18

Paytaj Eliasman nerqa: Diospa runan, ima ruwanay tiyan noqa qanwanri? Juchasniymanta yuyarichiwajchu kayman jamunki, wawaytapis wañuchej?

1 Crónicas 17:18

Imatawantaj astawan niykiman Señor kay kamachiykita allin runapaj qhawachisqaykimantari? Qanqa rejsinki kay kamachiykitaqa.

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Lamentaciones 3:33

Payqa mana kusikunchu runasta llakichispa.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

Marcos 14:72

Chantá ujtawan gallo waqallarqataj; Pedrotaj chayta uyarispa Jesuspa nisqanmanta yuyarikorqa: Manaraj iskay kutita gallo waqashajtin, qanqa kinsa kutita ninki mana rejsiwasqaykita. Kayta yuyarispataj Pedroqa waqarqa.

San Juan 12:8

Wajchasqa qankuna ukhupi kallanqapuni. Noqarí manaña qankunawanchu kasaj.

San Juan 13:38

Jesús payman nerqa: Churawajchu kausayniykita noqarayku? Cheqamanta, cheqamanta niyki: Manaraj gallo waqashajtin, qanqa kinsa kutikama, noqata mana rejsiwasqaykita ninki.

San Juan 14:15

Munakuwankichej chayqa, kamachisqasniyta ruwaychej.

San Juan 15:10

Kamachisqasniytachus waqaychankichej chayqa, munakuyniypi kakunkichej; imaynatachus noqapis Tataypa kamachisqasninta waqaychani, munakuynimpitaj kashani ajinata.

San Juan 16:30

Kunanqa yachayku tukuy imata yachasqaykita, manataj pipis imata tapusunan kanchu; chayrayku creeyku Dios Tatamanta jamusqaykita.

San Juan 18:27

Pedro ujtawan, mana rejsinichu nisqantawantaj, gallo waqarqa.

San Juan 18:4

Jesustaj yacharqaña tukuy chay ima payman chayamunanta, ñaupaykuspataj nerqa: Pitataj mask'ashankichej?, nispa.

San Juan 21:18

Cheqamanta, cheqamanta niyki: Waynallaraj kashaspaqa, chumpillikoj kanki, munayniykiman jinataj purej kanki; machuña kaspataj makisniykita aysarinki, wajtaj chumpichisunki, maymanchus mana munasqaykimantaj pusasonqa.

San Juan 4:16

Jesustaj nerqa: Kunanqa riy qosaykita wajyamuy, kutimuytaj.

Hechos 1:24

Kay jinatataj Diosmanta mañakorqanku: Señor, tukuypa sonqonta rejsej, rikuchiwayku ari mayqentachus kay iskay qharismanta ajllasqaykita, apostolniyki kanampaj, kamachisqaykitataj ruwanampaj Judaspa cuentanmanta, pichus juchanrayku saqerparerqa ruwananta, maypachachus juchallikusqanrayku rinan karqa chayman rinampaj.

Hechos 11:10

Kayta kinsa kutita nimorqa, chaymantataj chay t'impeqa janaj pachaman kutiporqa.

Hechos 15:8

Diostaj runaspa sonqonta rejsej jina, rikucherqa gentilestapis munakusqanta, Santo Espirituta qospa, imaynatachus noqanchejman qowarqanchej ajinata.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

Efesios 4:30

Diospa Santo Espiritunta ama llakichiychejchu. Paywan sellowan jina kankichej salvación p'unchaypaj.

Josué 22:22

Tukuy dioskunaj Diosnin Señor yachan, mana Señorpa contrampichu, nitaj paymanta t'aqakunaykuraykuchu kay altarta ruwasqaykuta. Pay yachan imaynachus kasqaykuta, qankunamampis yachachisunkichej. Sichus Señorpa contranta, paymanta t'aqakunaykurayku chay imasta ruwayku chayqa, kunampacha wañurachiwayku.

1 Pedro 1:6

Chayrayku, kusisqas kashankichej, kunanqa tukuy imaymana llakiykunawan pisi tiempopaj ñak'arinaykichej kajtimpis, creesqaykichej llimphuman tukunampaj, yupaychakuyman, lliphipiyman, jatunchakuymantaj, Jesucristo rikhurimojtin. Creesqaykichejqa qorimanta aswan k'acha. Qoreqa tukukuyniyoj, chaywampis ninanejta ch'uwachasqa.

2 Pedro 3:1

Munasqa hermanosníy, kaywanqa iskay cartataña qankunaman apachimuykichej; iskaynin cartapitaj k'amiykuspa, llimphu yuyayniykichejta rijch'arichiyta munani.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.