San Juan 21:16 - Qheshwa Biblia DC

¹⁶ Jesús ujtawan Pedroman nerqa: Simón, Jonaspa churin, munakuwankichu? Pedrotaj kuticherqa: Arí Señor, qan yachanki munakususqayta. Jesús nillarqataj: Ovejasniyta michipuway.

DIOSPA QHELQACHISQAN DEUTEROCANONICAL

¹⁶ Chantá Jesús ujtawan Pedrota taporqa: Jonaspa churin Simón, munakuwankichu? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesús nillarqataj: Jina chayqa, ovejaykunata michipuway, nispa.

DIOSPA QHELQACHISQ

¹⁶ Chantá Jesús ujtawan Pedrota taporqa: Jonaspa churin Simón, munakuwankichu? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesús nillarqataj: Jina chayqa, ovejaykunata michipuway, nispa.

Quechua South Bolivia: Dios Parlapawanchej

¹⁶ Iscay caj cutita payman taporka: —Jonaspa wawan Simonníy ¿munacuwanquichu? Paytaj nerka: —Arí, Señorníy, kan yachanqui munacususkayta, —nispa. Jesustaj nerka: —Runasniyta khawapuway, —nispa.

San Juan 21:16 Iomraidhean Croise

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Salmos 95:7

Pay Diosninchej, noqanchejrí ayllun kanchej, q'omer pampakunapi kaj ovejasnin. Uyariychej kunan paypa nisqanta:

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

San Mateo 2:6

Qanrí Belén, Judaj jallp'ampi kaj, manamin aswan juch'uychu kanki Judaj llajtasnin ukhupi. Qanmanta llojsenqa uj kamachej, paytaj Israel aylluyta michenqa.

San Mateo 25:32

Tukuynejmantataj tukuy laya runas ñaupaqenman tantakamonqanku. Paytaj ujkunata ujkunamanta t'aqanqa; imaynatachus michejpis, ovejasta cabrasmanta wajman t'aqan, ajinata.

San Mateo 26:72

Paytaj ujtawan, mana rejsinichu chay runata, nerqa juramentowan.

San Lucas 19:10

Runaj Churenqa, chinkasqa kajta mask'aj, salvajtaj jamorqa.

San Juan 18:17

Chay warmitaj Pedroman nerqa: Manachu qampis chay runaj yachachisqan kanki?, nispa. Pedrotaj nerqa: Mana noqachu kani.

San Juan 18:25

Pedro sayasqa q'oñikushajtin, payman nerqanku: Manachu qampis chay runaj yachachisqan kanki? Pedrotaj nerqa: Mana yachachisqanchu kani.

San Juan 21:17

Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

1 Pedro 2:25

Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

1 Pedro 5:2

Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.