San Juan 20:22 - Qheshwa Biblia DC

²² Chayta niytawan phukorqa, nerqataj: Santo Espirituta jap'iychej.

DIOSPA QHELQACHISQAN DEUTEROCANONICAL

²² Chayta niytawan, paykunaman phukuspa, nillarqataj: Santo Espirituta jap'iychej.

DIOSPA QHELQACHISQ

²² Chayta niytawan, paykunaman phukuspa, nillarqataj: Santo Espirituta jap'iychej.

Quechua South Bolivia: Dios Parlapawanchej

²² Chayta niytawan paycunaman phucuycorka nerkataj: —Santo Espirituta koshayquichej, jap'icuychej.

San Juan 20:22 Iomraidhean Croise

Génesis 2:7

Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

Job 33:4

Tukuy Atiyniyoj Dios noqataqa ruwawarqa, samaynintaj kausayta qowarqa.

Salmos 33:6

Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

Ezequiel 37:9

Chaypacha Señorqa niwarqa: Sutiypi kausay samayman niy: Señorqa kay jinata nin: Kausay samay, tawantin ladosmanta jamuy, wañusqasman kausayta samaykuy, kausanqankutaj.

San Juan 14:16

Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

San Juan 16:7

Noqataj cheqata niykichej: Qankunapaj allin kanqa noqa rinayqa, imaraykuchus mana riyman chayqa, sonqochaj Espíritu mana jamunmanchu qankunaman. Ripusaj chayqa, payta kachamusqaykichej.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

San Juan 20:23

Pikunaj juchasnintachus perdonankichej chayqa, paykunaj juchasninku perdonasqas kanqanku. Pikunajtatajchus qhepachinkichej chayqa, qhepachisqallataj kanqa.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

Hechos 10:47

Chaymantataj Pedro nerqa: Kay runasqa noqanchej jinallataj, Santo Espirituta jap'inku. Atinmanchu pipis jark'ayta ama bautizachikunankuta?

Hechos 19:2

Paykunatataj taporqa: Santo Espirituta jap'erqankichejchu creeshaspaqa? Paykunataj kuticherqanku: Mana uyarillaykupischu Santo Espíritu kasqanta.

Hechos 2:38

Pedrotaj paykunaman nerqa: Diosman kutiriychej sapa ujniykichej; bautizachikuychejtaj Jesuspa sutimpi, juchasniykichej pampachasqas kanampaj. Diostaj Santo Espirituta qhasilla qosonqachej.

Hechos 2:4

Tukuyninkutaj Santo Espirituwan junt'asqas karqanku. Waj parlaykunapitaj parlayta qallarerqanku, Santo Espíritu atiyta qosqanman jina.

Hechos 4:8

Pedrotaj Espíritu Santowan junt'a kaspa nerqa: Israelpi kamachejkuna, kurajkuna ima.

Hechos 8:15

Paykunataj Samariaman uraykorqanku, chayaspataj Diosmanta mañakorqanku, creejkuna Santo Espirituta jap'inankupaj.

Gálatas 3:2

Kayllata yachayta munani qankunamanta: Santo Espiritutaqa leypa ruwanasninta ruwaspachu jap'erqankichej? Chayrí, fewan uyarispachu?