San Juan 20:16 - Qheshwa Biblia DC

¹⁶ Jesús payman nerqa: María! Paytaj qhepaman kutirikuspa nerqa: Raboni! Chayqa, Maestro niyta munan.

DIOSPA QHELQACHISQAN DEUTEROCANONICAL

¹⁶ Chantá Jesús nerqa: María, nispa. Mariataj allinta qhawaspa, hebreo rimaypi nerqa: Raboni, nispa. Chayqa “Yachachej Wiraqochi” niyta munan.

DIOSPA QHELQACHISQ

¹⁶ Chantá Jesús nerqa: María, nispa. Mariataj allinta qhawaspa, hebreo rimaypi nerqa: Raboni, nispa. Chayqa “Yachachej Wiraqochi” niyta munan.

Quechua South Bolivia: Dios Parlapawanchej

¹⁶ Jesusri payta nerka: —¡María! —nispa. Paytaj cutirimuspa kayllaycorka nerkataj: —¡Yachachejníy!

San Juan 20:16 Iomraidhean Croise

Génesis 22:1

Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

Génesis 45:12

Qankuna noqa kikiy nisqayta uyarishawankichej, jinallataj wauqey Benjamimpis.

Éxodo 3:4

Señorqa, Moisés chayta qhawaj qayllaykushajtaña rikuspa sutinmanta nimorqa chay nina larwaj ukhumanta: Moisés!, Moisés!, nispa. Paytaj kuticherqa kaypi kashani Señor, nispa.

Éxodo 33:17

Chaymanta Señorqa Moisesman nerqa: Kay tukuy imasta niwasqaykitaqa ruwasaj, qan noqapi khuyakuyta tarisqaykirayku, noqa qantaqa allintapuni rejsiyki.

TAKIYKUNA 3:4

Paykunamanta uj chhikanta karuncharikuytawantaj, sonqoypa munakusqanwan tinkukunipacha. Makinmanta jap'iykuytawantaj manaña kacharikorqanichu, mamaypa wasinman pusaykunaykama.

TAKIYKUNA 5:2

Noqaqa puñorqani; chaywampis, sonqoyqa mana puñusharqachu. Noqaqa uyarerqani munasqay punkumanta wajyamuwajta: Kicharimuway, chunkitúy, hermanitáy, palomitáy. Umayqa chhullawan joq'opachaña. Ch'isin chay jinatapuni sayk'umojtin chujchasniymanta yaku sut'uramushan.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

San Mateo 14:27

Kikimpachataj Jesús parlapayamuspa nerqa: Kallpachakuychej. Noqa kani, ama mancharikuychejchu!

Marcos 10:51

Jesustaj kutichispa nerqa: Imatataj munanki ruwapusunayta? Ciegotaj Jesusman nerqa: Maestro, qhawariyta munani.

San Lucas 10:41

Jesustaj kuticherqa: Marta, Marta, ancha uma muyusqa kashanki; musphashankitaj chay chhika ruwanaswan.

San Juan 1:38

Jesustaj, qhepanta jamushasqankuta rikuspa taporqa: Imata mask'ashankichej?, nispa. Paykunataj kuticherqanku: Maestro, maypi tiyakunki?

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

San Juan 10:3

Kancha punkuta qhawajtaj paypaj punkuta kicharin. Ovejastaj michejpa vozninta rejsinku; paytaj sutisninmanta wajyaspa kanchamanta orqhon.

San Juan 11:28

Chayta niytawan Marta rerqa María ñañanta wajyaj. Pakayllapi payman nerqa: Maestroqa kaypiña, wajyasunkitaj.

San Juan 13:13

Qankuna noqata sutichawankichej Maestro, Señor nispa; walejta niwankichej, imaraykuchus chay noqa kani.

San Juan 20:28

Tomastaj kutichispa nerqa: Señorníy, Diosníy!

San Juan 3:2

Pay uj ch'isipi Jesusta watukoj jamorqa, nerqataj: Maestro, yachayku Diospa kachamusqan kasqaykita yachachinawaykupaj mana pipis atinmanchu, qan ruwanki chay jina milagrosta ruwaytaqa, Dios mana paywan kajtenqa.

San Juan 5:2

Jerusalempi, oveja punku nisqa qayllapi, uj estanque karqa; hebreo parlaypi Betzata sutiyoj; chay estanquetaj phishqa punkuyoj karqa.

San Juan 6:25

Runakunataj, qocha chimpaman chayaspa Jesusta tarerqanku, taporqankutaj: Maestro, jayk'ajtaj kayman chayamorqanki?, nispa.

Hechos 10:3

Uj kuti, chaupi p'unchay pasayta, mosqoypi jina sut'ita rikorqa Diospa angelninta, maypichus kasharqa chayman yaykumojta. Parlapayaspataj: Cornelio, nerqa.

Hechos 9:4

Paytaj pampaman urmaspa parlamojta uyarerqa: Saulo, Saulo, imaraykutaj qhatiykachashawankiri?

1 Samuel 3:10

Chaypacha Señorqa paynejman qayllaspa wajyallarqataj ñaupaj kutispi jina: Samuel!, Samuel!, nispa. Samueltaj kuticherqa: Parlallay, kamachiykeqa uyarishasunki, nispa.

1 Samuel 3:6

Señorqa ujtawan wajyallarqataj: Samuel!, nispa. Samueltaj jatarikuspa Elí kasharqa chayman rerqa, nerqataj: Kaypi kashani, imapajtaj wajyawankiri?, nispa. Elitaj kuticherqa: Mana noqaqa wajyaykichu wawáy, kutispa puñuykakampullay, nispa.