San Juan 17:11 - Qheshwa Biblia DC

¹¹ Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

DIOSPA QHELQACHISQAN DEUTEROCANONICAL

¹¹ Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

DIOSPA QHELQACHISQ

¹¹ Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

Quechua South Bolivia: Dios Parlapawanchej

¹¹ ‘Manaña cay pachapichu caj rishani. Paycunarí cay pachapi cancu. Nokataj kanman jamushani. Santo Tatáy, kowaskayquicunata atiyniyquiwan wakaychay, nokanchejjina ujlla canancupaj.

San Juan 17:11 Iomraidhean Croise

Salmos 79:9

Salvawajniyku Dios, yanapawayku, librawayku, juchasniykutataj pampachawayku sutiyki jatun kasqanrayku.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Isaías 27:3

Noqa Señor waqaychani, noqa sapa kuti qarpani. Tuta p'unchay waqaychani, ama pipis imananampaj.

Isaías 64:2

Imaynatachus ninaqa unuyachin, mankapi yakutapis t'impuchin ajinata, enemigosniykiman imaynachus kasqaykita rikuchinaykipaj, qampa ñaupaqeykipi nacionespis kharkatitinankupaj.

Jeremías 14:21

Sutiyki may jatunchasqa kasqanrayku, ama qhesachawaykuchu ari, amataj aylluykita sajra ñawiwan qhawaychu, maypichus may uyarisqa tronoyki kashan chaytaqa, yuyarikuy noqaykuwan tratota ruwasqaykita.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Ezequiel 20:22

Sutiyrayku makiyta mana churarasqanichu, chay jallp'api tiyakoj runakunaj ñaupaqeypi ama p'enqaypi rikhurinayrayku. Paykuna rikuwarqanku, imaynatachus Egiptomanta orqhosqayta.

Ezequiel 20:44

Israel ayllúy, sutiy jatumpi qhawasqa kananrayku, mana sajra purisqaykichejman jinachu, nitaj aswan millay juchasta ruwasqaykichejman jinapis qankunawan ruwasaj. Chaypacha noqa Señor kasqayta rejsiwankichej. Noqa Señormin kaytaqa nini.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

San Mateo 10:16

Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

San Mateo 5:48

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

San Mateo 6:9

Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

San Juan 13:1

Pascuaman qayllaña kashajtin, Jesús yacharqa horan chayamusqantaña, kay mundomanta Dios Tataman ripunampaj. Imaynatachus kay mundopi paypata kajkunata munakorqa, ajinata paykunataqa tukukuykama munakorqa.

San Juan 13:3

Jesustaj yacharqa Dios Tatamanta jamusqanta, Diosmantaj kutipushasqanta. Yachallarqataj Dios tukuy atiyta payman qosqanta.

San Juan 14:20

Chay p'unchaypeqa, Tataypi kasqayta yachankichej, qankunataj noqapi, noqataj qankunapi kasqayta.

San Juan 16:28

Dios Tatajmanta llojsimorqani, mundomantaj jamorqani; kunantaj mundota saqespa Dios Tatajman kutishani.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

San Juan 17:25

Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

San Juan 17:6

Sutiykita rejsicherqani mundomanta qowasqayki runasman. Qampata karqanku, qopuwarqankitaj, paykunataj palabraykita waqaycharqanku.

San Juan 7:33

Chaypacha Jesús nerqa: Pisi p'unchayllatawanña qankunawan kasaj, chantá, kachamuwajniypaman kutipusaj.

Hechos 3:21

Chay Cristoqa Jesusmin, pichus janaj pachallapiraj qhepakonqa, Dios watejmanta tukuy imasta mosojyachinankama. Chaykunamanta Diosqa willarqa ajllasqa profetasninnejta unaymantapacha.

Romanos 12:5

Ajinallataj noqanchejpis, ashkha kaspa, Cristopi uj cuerpolla kanchej, sapa ujtaj ujkuna ujkunawan cuerpoj partesnin jina kanchej.

Romanos 9:17

Escriturapi faraonman nerqa: Kaypajmin qantaqa sayaricherqayki, qampi atiyniyta rikuchinaypaj, sutiytaj tukuynej jallp'api willasqa kanampaj.

1 Corintios 1:10

Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

Gálatas 3:28

Manaña kanchu judíos nitaj griegopis. Manaña kanchu kamachi nitaj mana kamachi kajpis. Nillataj kanchu qhari nitaj warmipis. Qankunaqa ujllaña kankichej Cristo Jesuspi.

Efesios 4:4

Tiyan uj cuerpolla, uj Espiritulla, imaynatachus uj suyayllaman wajyasorqachej, ajinata.

Filipenses 2:9

Chayrayku Diosqa payta anchatapuni jatuncharqa, uj sutitataj qorqa tukuy sutismanta astawan sumaj sutita, Jesuspa sutimpi qonqorikunankupaj tukuy janaj pachapi kajkuna, kay pachapi kajkunapis, ukhu pachapi kajkunapis; tukuy runastaj ninankupaj Jesucristo Señor kasqanta, Dios Tata yupaychasqa kanampaj.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 9:24

Cristoqa, mana yaykorqachu runaj makinwan ruwasqa santuarioman. Chayqa cheqa kajpa rijch'aynillan karqa. Payqa kikin janaj pachamampuni yaykorqa; Diospa ñaupaqenman qayllaykuspa noqanchejpa allinninchejrayku.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.

1 Juan 3:12

Mana Caín jinachu kananchej; payqa supaypata kaspa, wauqenta wañucherqa. Imaraykutaj payta wañucherqari? Caimpa ruwasqasnin sajras karqanku, wauqempatataj allin karqanku.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.

Judas 1:1

Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

Apocalipsis 19:12

Ñawisnenqa nina larway jina. Uman patapitaj ashkha pillus karqanku. Escribisqa sutitaj tiyaporqa. Chayta mana pipis rejsiyta atejchu, manachayqa paylla rejsej.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.