San Juan 17:1 - Qheshwa Biblia DC

¹ Jesús kay tukuy imata parlarqa, janaj pachata qhawarispataj, nerqa: Tatáy, hora chayamunña; Churiykita jatunchay, qantapis Churiyki jatunchasunampaj.

DIOSPA QHELQACHISQAN DEUTEROCANONICAL

¹ Jesús chay tukuy imata parlaytawan, patata qhawaspa, nerqa: Tatáy, Churiykita jatunchanayki p'unchay chayamunña, qantapis Churiyki jatunchasunanpaj.

DIOSPA QHELQACHISQ

¹ Jesús chay tukuy imata parlaytawan, patata qhawaspa, nerqa: Tatáy, Churiykita jatunchanayki p'unchay chayamunña, qantapis Churiyki jatunchasunanpaj.

Quechua South Bolivia: Dios Parlapawanchej

¹ Chay imasta nispaka Jesús janaj pachaman khawarerka nerkataj: —Tatáy, chay hora chayamunña. Noka Wawayquita jatunchaway noka Wawayquitaj kanta jatunchasunaypaj.

San Juan 17:1 Iomraidhean Croise

Salmos 123:1

Janaj pachapi Señor, qanman ñawisniyta oqharini.

Isaías 38:14

Para p'isqos jina waqani, paloma jina ayqoni. Patata qhawasqaypi ñawisniy k'arawanña. Señor, kay jina ñak'ariypi tarikuni, kallpachaway ari.

Marcos 14:41

Kinsa kaj kutimuynimpitaj, Jesusqa paykunaman nerqa: Kunanqa puñullaychejña, samakuychejtaj. Jinallaña kachun, ñapis hora junt'akunña. Runaj Churenqa juchasapaspa makimpiña kashan.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

San Lucas 22:53

Sapa p'unchay qankunawan templopi kashajteyqa, mana jap'ichiwarqankichejchu. Kunanqa chayamun horaykichej, laqhayaypa atiynin ima.

San Juan 11:4

Jesustaj chayta uyarispa nerqa: Chay onqoyqa mana wañunampajchu; astawanqa, Diosta yupaychanapaj, chay onqoynejta Diospa Churimpis jatunchasqallataj kanampaj.

San Juan 11:41

Chantá rumita oqharerqanku, maypichus wañusqa churasqa karqa chaymanta. Jesustaj janaj pachata qhawarispa nerqa: Tatáy, graciasta qoyki uyariwasqaykimanta.

San Juan 12:23

Jesustaj paykunaman kutichispa nerqa: Hora chayamunña Runaj Churin jatunchasqa kanampaj.

San Juan 13:1

Pascuaman qayllaña kashajtin, Jesús yacharqa horan chayamusqantaña, kay mundomanta Dios Tataman ripunampaj. Imaynatachus kay mundopi paypata kajkunata munakorqa, ajinata paykunataqa tukukuykama munakorqa.

San Juan 16:32

Kayqa hora chayamushanña, chayamunñapis, chaypachataj ch'eqerasqas kankichej; sapa ujpis munasqaykichejman jina ripunkichej, noqata sapayta saqerparispa; manataj sapaychu kashani, imaraykuchus Tatay noqawan kashan.

San Juan 7:30

Chaymantataj Jesusta presochayta munarqanku; manataj mayqempis jap'iykuyta aterqachu, imaraykuchus manaraj horan chayamusharqachu.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

San Juan 8:20

Jesustaj kay imasta nerqa, templopi yachachishaspa ofrendata churana cheqapi; manataj pipis payta jap'iykorqachu, imaraykuchus manaraj horan chayamorqachu.

Hechos 3:13

Abrahampa Diosnin, Isaacpata, ñaupa tatasninchejpata ima, kamachin Jesusta jatunchaspa k'anchayninman oqharerqa. Qankunataj payta pusarqankichej Pilatojman, qhesacharqankichejtaj paypa ñaupaqempi. Pay kacharipuyta munashajtimpis mana munarqankichejchu.

1 Pedro 1:21

Paynejta Diospi creenkichej. Paytaj Cristota wañusqakunamanta kausarichispa jatuncharqa; ajinamanta feniykichej suyayniykichejpis, Diospi kanampaj.