San Juan 15:20 - Qheshwa Biblia DC

²⁰ Yuyarikuychej palabrata qankunaman nisqayta: Kamacheqa patronninmanta mana aswan kurajchu. Noqatachus qhatiykachawarqanku chayqa, qankunatapis qhatiykachasonqachej. Palabraytachus waqaychanqanku chayrí, qankunajtapis waqaychallanqankutaj.

DIOSPA QHELQACHISQAN DEUTEROCANONICAL

²⁰ Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

DIOSPA QHELQACHISQ

²⁰ Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

Quechua South Bolivia: Dios Parlapawanchej

²⁰ Yuyaricuychej kancunaman cayta nisuskayta: Camacheka mana aswan curajpaj khawaskachu camachejninmantaka. Sichus nokata ñac'arichiwarkancu chayka, kancunatapis ñac'arichillasonkachejtaj. Sichus niskayta casorkancu chayka, kancunajtapis casullankancutaj.

San Juan 15:20 Iomraidhean Croise

Ezequiel 3:7

Chaywampis Israel aylloqa mana uyarisuyta munanqankuchu, imaraykuchus noqata mana kasuyta munawankuchu. Israel aylloqa tukuyninku mana k'umuykoj rumi sonqos kanku.

San Mateo 10:24

Yachakojqa, mana yachachejninmanta aswan kurajchu. Nitaj kamachipis patronninmanta kurajllatajchu.

Marcos 10:39

Paykunataj kuticherqanku: Arí atiyku chayta ruwaytaqa. Jesustaj paykunaman nillarqataj: Cheqamanta atinkichej ujyanaymanta ujyayta; mayqen bautismowanchus bautizakuni chaywan bautizakuytapis.

San Lucas 2:34

Chantá Simeón paykunata bendicerqa. Wawaj maman Mariamantaj nerqa: Kay wawataqa Dios churan Israelpi ashkhas urmanankupaj jatarinankupajtaj. Señal churasqa payta ashkhas qhesachanankupaj.

San Lucas 6:40

Yachakojqa mana yachachejninta atipanchu; chaywampis sumajta yachakuspaqa yachachejnin jina kanqa.

San Juan 10:31

Chaypi judíos ujtawan rumista oqharikorqanku, Jesusta ch'anqaykunankupaj.

San Juan 11:57

Kuraj sacerdotestaj, fariseos ima, runasta kamacherqanku maypichus Jesús kasqanta yachaytawan paykunaman willanankuta, presochaykunankupaj.

San Juan 13:16

Cheqamanta, cheqamanta niykichej: Kamacheqa patronninmanta mana aswanchu, nitaj kachasqapis kachajninmanta aswan kurajchu.

San Juan 5:16

Chayrayku, judiosqa Jesusta qhatiykacharqanku wañuchinankupaj, chay imasta samarina p'unchaypi ruwasqanrayku.

San Juan 7:32

Fariseos uyarerqanku Jesusmanta runas rimasqankuta. Paykunataj kuraj sacerdotes ima, soldadosta kacharqanku Jesusta presochanankupaj.

San Juan 8:51

Cheqamanta, cheqamanta niykichej: Pillapis palabrayta waqaychajqa mana jayk'ajpis wañuyta rikonqachu.

San Juan 8:52

Judiostaj Jesusman nerqanku: Yachaykuña kunanqa supayniyoj kasqaykita. Abrahamqa wañorqa, jinallataj profetaspis; qantaj nishanki: Palabrayta waqaychajqa mana wiñaypaj wañonqachu, nispa.

San Juan 8:59

Chaypacha judíos, rumista oqharikorqanku Jesusta ch'anqanankupaj. Jesustaj paykunaj ñawisninkumanta pakakorqa; templomantataj llojsiporqa.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

1 Corintios 4:12

Kikin makisniykuwan llank'aspa mayta sayk'uyku; runakunataj maldiciwayku, noqaykutaj allin palabraswan kutichiyku. Qhatiykachasqas kaspapis ñak'ariyku k'umuykukuspa.

2 Corintios 4:9

Qhatiykachasqas kayku, manataj saqerparisqaschu. Urmachisqas kayku, manataj chinkachisqaschu; cuerpoykupi tukuynejta apaspapuni Jesuspa wañuyninta, noqaykoj cuerpollaykupitaj Jesuspa kausaynin rikuchisqa kanampaj.

1 Tesalonicenses 2:15

Paykunaqa Señor Jesusta wañucherqanku, jinallatataj profetasninkutapis. Noqaykutataj qhatiykachawarqayku. Chayrayku Diosta phiñachinku, tukuy runakunaj contrampitaj kashanku.

2 Timoteo 3:12

Ajinallatataj, tukuy Cristo Jesuspi Diosta yupaychajkunaqa ñak'arinankupuni tiyan qhatiykachasqas kaspa.

1 Samuel 8:7

Señortaj kay jinata kuticherqa: Uyarillay imastachus israelitas mañakusqankuta, manamin qantachu qhesachasunku, manachayqa noqata, ama paykunata kamachinaypaj.