San Juan 15:12 - Qheshwa Biblia DC

¹² Kaymin kamachiyneyqa: Qankuna purajmanta munanakuychej, imaynatachus noqa munakuykichej ajinata.

DIOSPA QHELQACHISQAN DEUTEROCANONICAL

¹² Kaytamin kamachiykichej: Qankunapura munakuychej, imaynatachus noqa munakuykichej, ajinata.

DIOSPA QHELQACHISQ

¹² Kaytamin kamachiykichej: Qankunapura munakuychej, imaynatachus noqa munakuykichej, ajinata.

Quechua South Bolivia: Dios Parlapawanchej

¹² ‘Caymin niskayka: Imaynatachus noka munacorkayquichej quiquillantataj kancunapura munanacuychej.

San Juan 15:12 Iomraidhean Croise

Malaquías 1:2

Señorqa nin: Noqa qankunata munakuykichej. Qankunataj niwankichej: Imaynapi yachayku qan munakuwasqaykuta?, nispa. Chanta Señor kutichin: Esaoqa Jacobpa wauqen karqa; noqa Jacobta munakorqani, Esautataj chejnerqani. Esaupata llajtan ashkha orqosniyoj karqa, chayta ch'in lomasman tukucherqani. Jallp'asnintarí, campo animalesllapaj allin kanampaj tukucherqani.

San Juan 13:34

Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej.

San Juan 15:17

Kayta kamachiykichej: Purajmanta munanakunaykichejta.

Romanos 12:10

Hermanos jina, tukuy sonqo munanakuychej, ujkuna ujkunata allimpaj qhawaspa.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

1 Tesalonicenses 3:12

Señortaj qankunata munakuywan junt'achichun, ashkhayachichuntaj qankuna ukhupi, wajkuna ukhupipis; imaynatachus noqaykupis qankunata munakuyku, ajinata.

1 Tesalonicenses 4:9

Kunanqa, hermanopura munanakunamantaqa anchaña kanman escribimunayqa. Qankuna Diosmanta yachakorqankichej purajmanta munanakunaykichejta.

2 Tesalonicenses 1:3

Qankunamanta hermanos, Diosman graciasta qonaykupuni tiyan, maychus cheqan kasqanman jina; imaraykuchus feniykichej ashkhata wiñashan, jinallatataj sapa ujniykichejpa munakuyniykichejpis, qankuna ukhupi mayta yapakushan, jinallatataj wajkuna ukhupipis.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

1 Juan 3:23

Kaymin Diospa kamachiynenqa: Jesucristo Churimpa sutimpi creespa, ujkuna ujkunawan munanakunanchej, kamachiwasqanchejman jina.

1 Juan 4:21

Jesucristoqa kay kamachiyta qowarqanchej: Diosta munakojqa, wauqentapis munakullachuntaj.

2 Juan 1:5

Kunanqa mana yuyarichisuyta munanichu purajmanta munanakuna kasqanta. Kayqa mana mosoj kamachiychu, imaraykuchus chaytaqa qallariymantapachaña Diosmanta jap'erqanchej.