San Juan 14:26 - Qheshwa Biblia DC

²⁶ Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

DIOSPA QHELQACHISQAN DEUTEROCANONICAL

²⁶ Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

DIOSPA QHELQACHISQ

²⁶ Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

Quechua South Bolivia: Dios Parlapawanchej

²⁶ Chay Yanapaj Santo Espiritutarí Tatay sutiypi cachamonka. Paymin mosoj causayniyquichejpi tucuy imata yachachisonkachej. Noka nerkayquichej, tucuy chay niskasniyta yuyarichisonkachejtaj.

San Juan 14:26 Iomraidhean Croise

Salmos 51:11

Ama qanmanta karunchawaychu, amataj Santo Espirituykita qhechuwaychu.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

San Mateo 1:18

Jesucristoj nacisqantaj kay jina karqa: María mamanqa mañaqasqa karqa Josewan casarakunampaj. Manaraj khuska tiyakushajtinkutaj, Mariaqa wijsallisqa rikhurerqa Santo Espiritunejta.

San Mateo 1:20

Kay imapi José yuyashajtintaj, Señorpa angelnin payman rikhurerqa mosqoypi, nerqataj: José, Davidpa ayllunmanta kaj, ama manchachikuychu, María warmiykita jap'ikapullay; imaraykuchus paypi kaj wawaqa Santo Espiritumantamin.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

San Mateo 3:11

Noqaqa cheqamanta bautizaykichej yakuwan, Diosman kutirinaykichejpaj; qhepayta jamojqa noqamanta aswan atiyniyoj; chayrayku, mana atej jinachu kani ujut'allantapis apanaypaj. Paytaj bautizasonqachej Santo Espirituwan, ninawan ima.

Marcos 12:36

Kikin Davidqa Santo Espiritunejta nerqa: Señorqa nerqa Señorniyta: Pañaypi tiyakuy; chejnisojkunata chakisniyki uraman churanaykama.

Marcos 13:11

Maypachachus jap'ichispa kamachejkunaman pusasunkichejman chayqa, ama manchachikunkichejchu, nitaj yuyaychejchu imatachus ninaykichejta; astawanqa, imatachus chaypacha Dios yuyaychasunkichej, chayllata parlaychej. Mana qankunachu parlankichej, Santo Espiritumin qankunanejta parlanqa.

San Lucas 1:15

Payqa jatun kanqa Señorpa ñaupaqempi. Manataj vinota, nitaj ima machachej ujyanasta ujyanqachu. Mamampa wijsanmantapacha Santo Espirituwan junt'a kanqa.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

San Lucas 1:41

Maríaj napaykusqanta Isabel uyarejtintaj, wawaqa wijsan ukhupi kuyurerqa. Isabeltaj Santo Espirituwan junt'a karqa.

San Lucas 1:67

Tatan Zacariastaj Santo Espirituwan junt'asqa karqa. Sut'incharqataj kay jinata: Yupaychasqa kachun Israelpa Señor Diosnenqa, imaraykuchus ayllunta watukorqa, juchasninmantataj salvarqa.

San Lucas 11:13

Chayrayku, qankunachus sajra runas kashaspa, allin kajta wawasniykichejman qoyta yachankichej chayqa, mashkhatarajchus janaj pachapi kaj Tataykichejqa Santo Espirituta qonqa mañakojkunaman.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

San Lucas 24:49

Qhawaychej noqa kachamusqaykichej, Dios Tatay qosunaykichej karqa chayta; chaykamarí, qhepakuychej Jerusalén llajtapi; patamanta atiywan kallpachasqas kanaykichejkama.

San Lucas 3:22

Santo Espiritutaj paypa patanman uraykamorqa paloma jina. Cielomantataj Dios nimorqa: Qanmin munasqa Churiy kanki, qannejta sonqo junt'asqa kani.

San Juan 1:33

Noqaqa payta mana rejserqanichu; pichus yakuwan bautizajta kachamuwaj niwarqa: Pejpa patanmanchá Santo Espíritu uraykamuspa kakonqa, chaymá kanqa Santo Espirituwan bautizajqa.

San Juan 12:16

Qallariypeqa yachachisqasnin mana chay imasta unanchayta aterqankuchu; maypachachus Jesús jatun kayninman oqharisqa karqa, chaypacharaj yuyarikorqanku, paymanta chay imas escribisqa kasqanta; paypitaj junt'akusqanta.

San Juan 14:16

Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

San Juan 14:25

Qankunawan kashaspa, kay imasta nerqaykichej.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

San Juan 16:7

Noqataj cheqata niykichej: Qankunapaj allin kanqa noqa rinayqa, imaraykuchus mana riyman chayqa, sonqochaj Espíritu mana jamunmanchu qankunaman. Ripusaj chayqa, payta kachamusqaykichej.

San Juan 2:22

Chay nisqanta yachachisqasnin yuyarikorqanku, Jesús wañusqasmanta kausarimorqaña chaypacha. Escrituratataj creerqanku, jinallataj Jesuspa parlasqantapis.

San Juan 20:22

Chayta niytawan phukorqa, nerqataj: Santo Espirituta jap'iychej.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

Hechos 1:4

Apostolesninwan tantasqa kashaspataj, paykunaman Jesús kamacherqa: Jerusalén llajtamanta ama ripunkichejchu, manachayqa suyaychej Dios Tataj nisqan junt'akunanta; mayqentachus noqamanta uyarerqankichej, kay jinata: Juanqa yakuwan bautizarqa. Kaymanta pisi p'unchaykunamantajrí, qankuna Santo Espirituwan bautizasqa kankichej, nispa.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

Hechos 11:16

Chaypachataj Señorpa nisqanta yuyarikorqani: Cheqamanta Juanqa yakuwan bautizarqa, qankunataj Santo Espirituwan bautizasqas kankichej.

Hechos 13:2

Uj p'unchay ayunaspa Señorta yupaychashajtinku, Santo Espíritu paykunaman nerqa: Bernabeta, Saulotawan t'aqapuwaychej, imapajchus ajllarqani chayta ruwanankupaj.

Hechos 13:4

Chay qhepata Bernabé, Saulowan, Santo Espíritoj kamachisqanta kasuspa Seleuciaman rerqanku. Chaymantataj botepi rispa Chipre churuman chayarqanku.

Hechos 15:28

Santo Espirituman, noqaykumampis, allin rijch'awayku: Mana astawan llasa q'epita qankunaman churayta munaykuchu. Kay cartapi churamusqallaykuta junt'aychej: Ama mikhuychejchu lantikunaj ñaupaqenman churasqa aychasta, nitaj yawarta, nillataj jeq'eqasqa animalestapis; amataj qhenchachakuychejchu. Chaykunamanta karunchakuspaqa allinta ruwaychej. Walejllata kakuychej.

Hechos 15:8

Diostaj runaspa sonqonta rejsej jina, rikucherqa gentilestapis munakusqanta, Santo Espirituta qospa, imaynatachus noqanchejman qowarqanchej ajinata.

Hechos 16:6

Chay qhepatataj paykuna Frigianta, Galacianta rishajtinku Santo Espíritu paykunata jark'arqa Asiapi ama evangeliomanta willanankuta.

Hechos 2:33

Ajinamanta Jesusqa Diospa pañanman oqharisqa karqa. Paytaj Santo Espirituta Diospa nisqanman jina jap'erqa. Chaytataj chayacherqa imaynatachus rikushankichej, uyarishankichej jina.

Hechos 2:4

Tukuyninkutaj Santo Espirituwan junt'asqas karqanku. Waj parlaykunapitaj parlayta qallarerqanku, Santo Espíritu atiyta qosqanman jina.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Hechos 20:35

Chay tukuy ruwasqaywan yachacherqaykichej, pisichikojkunata yanapayta. Yuyarikuspa Señor Jesuspa nisqanmanta: Aswan kusiymin qoyqa jap'inamanta nisqaqa.

Hechos 28:25

Paykunapura mana uj yuyaylla kaspa riporqanku, Pablotaj paykunaman nerqa: Allintapuni Santo Espiritoqa ñaupa tatasninchejman nerqa Isaías profetanejta:

Hechos 5:3

Pedrotaj payta nerqa: Ananías, imaraykutaj supay sonqoykiman junt'aykorqa Santo Espirituman llullakunaykipaj, jallp'aykita vendesqayki qolqemanta wakinta pakaykunaykipaj?

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

Hechos 7:55

Estebanqa Santo Espirituwan junt'a karqa, janaj pachata qhawarispataj Diospa jatun k'anchayninta rikorqa, Jesustapis rikullarqataj Diospa pañampi kashajta.

Romanos 14:17

Diospa reinonqa mana mikhunachu, nitaj ujyanachu. Manachayqa cheqan kay, sonqo tiyakuy, kusikuytaj Santo Espiritupi.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

Romanos 15:16

Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

Romanos 5:5

Suyakoyqa mana p'enqachikunchu, imaraykuchus Diospa munakuynenqa sonqonchejpi churasqa kashan, Santo Espiritunejta, mayqentachus Dios qowarqanchej.

1 Corintios 12:3

Chayrayku yachachiykichej, mana pipis niyta atinmanchu Diospa Espiritumpi kashaspaqa, Jesús maldicisqa kasqanta; nillataj pipis niyta atinmanchu Jesús Señor kasqanta, mana Santo Espiritupi kaspaqa.

1 Corintios 6:19

Manachu yachankichej cuerpoykichejqa Santo Espíritoj templon kasqanta? Payqa qankunapi kashan. Payta Dios qosunkichej, manataj qankunajtachu kankichej.

2 Corintios 13:14

Señor Jesucristoj khuyakuynin, Diospa munakuynin, Santo Espíritoj ujchakuyninwan, tukuy qankunawan kachun. Amén.

2 Corintios 6:6

Rikuchispa llimphus kasqaykuta kausayniykupi, cheqa kajta rejsisqaykurayku, pacienciakuspa, khuyakuywantaj, Santo Espiritupi tukuy sonqo munakuypi.

Efesios 1:13

Qankunapis paynejta cheqa kaj palabrata, salvaj evangeliota ima uyarerqankichej. Paypi creespataj, Diospa qosqayki nisqan chay santo Espirituwan sellasqas karqankichej.

Efesios 1:17

Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

Efesios 4:30

Diospa Santo Espiritunta ama llakichiychejchu. Paywan sellowan jina kankichej salvación p'unchaypaj.

1 Tesalonicenses 4:8

Chayrayku, pichus kay imasta qhesachan chayqa, mana runatachu, manachayqa Diosta qhesachan. Paytaj Santo Espirituta qosorqachej.

2 Timoteo 1:14

Noqanchejpi tiyakoj Santo Espiritunejta tukuy nisusqayta waqaychay.

Hebreos 10:15

Chayllamantataj Santo Espiritupis willawanchej, kay jinata nispa: Kay tratota paykunawan ruwasaj, kay p'unchaykunaj qhepanta, nin Señor: Sonqosninkuman kamachisqasniyta churasaj, yuyayninkupitaj escribisaj.

Hebreos 2:4

Diospis paykunawan khuska willallarqataj jatun rikuchinaswan, milagroswan, imaymana atiykunawan ima; ajinallatataj Santo Espíritoj atiyninwan, munayninman jina.

Hebreos 3:7

Chayrayku, ajinallatataj Santo Espiritupis nin: Kunan p'unchaychus parlasqanta uyariwajchej chayqa; ama sonqoykichejta rumiyachiychejchu, chay ch'ajwa oqharikuypi jina, chay tentación p'unchaypi, ch'in pampapi jinaqa, maypichus ñaupa tatasniykichej rejsinayawaspa tentawarqanku, rikorqankutaj ruwasqasniyta, tawa chunka wata junt'ata.

Hebreos 9:8

Kaywan Santo Espiritoqa yachacherqa, ñan manaraj kicharisqachu kasqanta, Santísimo nisqaman yaykunapaj, ñaupaj kaj tabernáculo sayashajtillanraj. Chay tabernaculoqa, uj rijch'ay jinalla karqa jaqay tiempopajqa, imaraykuchus chay rikuchikusqa, uywa wañuchisqas ima, mana atejchu kanku jaywajpa conciencianta allinchayta.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

2 Pedro 1:21

Profetaspa escribisqasnin mana jayk'ajpis runaj munayninmantachu jamorqanku; manachayqa, Diospa ajllasqan runas, Santo Espiritunejta chay imasta parlarqanku.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

1 Juan 5:7

Kinsa kanku willajkunaqa: [Janaj pachapi Dios Tata, paypa Churin, Santo Espirituwan. Paykunataj ujlla kanku. Kay pachapi willajkunapis kinsallataj kanku]: Santo Espíritu, yaku, yawar ima. Kinsantintaj uj kikinta willanku.

Judas 1:20

Munasqa hermanosníy, qankunaqa kallpachanakuspa wiñaychej allin sumaj llimphuchasqa feniykichejpi, Diosmanta mañakuspataj Santo Espiritunejta.

Apocalipsis 2:11

Ningriyoj kajqa uyarichun imatachus Espíritu iglesiasman nisqanta. Pichus atipanqa chaytaqa, iskay kaj wañuy mana imananqachu.