San Juan 14:16 - Qheshwa Biblia DC

^16-17 Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

DIOSPA QHELQACHISQAN DEUTEROCANONICAL

¹⁶ Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

DIOSPA QHELQACHISQ

¹⁶ Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

Quechua South Bolivia: Dios Parlapawanchej

¹⁶ Nokari Tatayman nisaj kancunaman ujta cachamunanta yanapasunayquichejpaj. Chay Yanapajka kancunawan tiyaconka wiñaypaj.

San Juan 14:16 Iomraidhean Croise

San Juan 14:14

Imallatapis sutiypi mañakunkichej, chaytaqa noqa ruwasaj.

San Juan 14:18

Mana sapaykichejtachu saqesqaykichej; qankunaman jamusajpuni.

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

San Juan 16:22

Ajinata qankunapis kunan llakikushankichej. Uj kutitawan rikusqaykichej, sonqoykichejtaj kusikonqa; manataj pipis chay kusiyta qankunamanta qhechuyta atenqachu.

San Juan 17:15

Mana mañakunichu paykunata mundomanta pusakapunaykita, astawanqa mañakuni paykunata sajramanta waqaychanaykita.

San Juan 17:20

Mana paykunallapajchu mañakuni, astawanqa paykunaj palabranrayku, noqapi creenqanku chaykunapajpis. Mañakuyki tukuyninku ujlla kanankupaj; imaynatachus, Tatáy, qan noqapi kashanki, noqataj qampi, ajinata paykunapis noqanchejwan ujlla kanankupaj; chay jinamanta kay mundo qan kachamuwasqaykita creenampaj.

San Juan 4:14

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

Hechos 1:4

Apostolesninwan tantasqa kashaspataj, paykunaman Jesús kamacherqa: Jerusalén llajtamanta ama ripunkichejchu, manachayqa suyaychej Dios Tataj nisqan junt'akunanta; mayqentachus noqamanta uyarerqankichej, kay jinata: Juanqa yakuwan bautizarqa. Kaymanta pisi p'unchaykunamantajrí, qankuna Santo Espirituwan bautizasqa kankichej, nispa.

Hechos 13:52

Creejkunataj, kusiywan junt'asqa karqanku, Santo Espirituwantaj.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

Romanos 14:17

Diospa reinonqa mana mikhunachu, nitaj ujyanachu. Manachayqa cheqan kay, sonqo tiyakuy, kusikuytaj Santo Espiritupi.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

Romanos 5:5

Suyakoyqa mana p'enqachikunchu, imaraykuchus Diospa munakuynenqa sonqonchejpi churasqa kashan, Santo Espiritunejta, mayqentachus Dios qowarqanchej.

Romanos 8:34

Pitaj juchachanmanri? Chaypajqa Cristo wañorqaña, wañusqasmantapis kausarimorqa; kunantaj Diospa pañampi kashan noqanchejpaj mañaspa.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Filipenses 2:1

Chayrayku, sichus Cristopi tiyan ima sonqochakuypis, Espíritoj ujchakuynimpis, tukuy sonqo munakuypis, ima khuyakuypis chayqa, kusikuywan sonqoyta junt'aykuchiychej; uj sonqolla kaspa uj kikin munakuywan, ujchakuspa uj yuyaylla kaspa imapipis.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

1 Juan 2:1

Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

2 Juan 1:2

Qankunata munakuykichej, sonqonchejpi kashan cheqa kajrayku, chaytaj wiñaypaj noqanchejwan kanqa.