San Juan 13:4 - Qheshwa Biblia DC

⁴ Chayrayku cenapi kashaspa sayarerqa, pata p'achanta orqhokuspa, uj toallata cinturanman warkhuykukorqa.

DIOSPA QHELQACHISQAN DEUTEROCANONICAL

⁴ Jinaqa cenata mikhushajtinku, Jesús sayarikuspa, patanchana p'achanta orqhokorqa, jinaspataj, uj toallata chumpinman churakorqa.

DIOSPA QHELQACHISQ

⁴ Jinaqa cenata mikhushajtinku, Jesús sayarikuspa, patanchana p'achanta orqhokorqa, jinaspataj, uj toallata chumpinman churakorqa.

Quechua South Bolivia: Dios Parlapawanchej

⁴ Chay tucuyta yachaspataj Jesuska miqhuymanta jatarispa ponchonta lluch'ucun, camachijinataj p'achallicun.

San Juan 13:4 Iomraidhean Croise

2 Reyes 3:11

Josafattaj nerqa: Manachu kaypi Señorpa profetan tiyan, paynejta Señorta tapuchinapaj?, nispa. Israelmanta reypa ujnin kamachintaj kutichispa nerqa: Safatpa wawan Eliseo kaypi kashan, payqa Eliaspa kamachin karqa.

San Lucas 12:37

Kusikuyniyoj kanqanku chay kamachis, mayqenkunatachus patronnin chayamuspa qhawashajta taripajtin. Cheqamanta niykichej, chay patrón kikin chumpinta mat'ikonqa; mesapi tiyaykuchispataj, pay kikin mikhunata jaywanqa.

San Lucas 17:7

Pitaj qankunamanta, campomanta kamachin kutimojtin, llank'asqanmanta, chayrí uywasta qhawasqanmanta, ninman: Yaykumuy kay mesaman tiyaykumuy, nispa?

San Lucas 17:8

Manachu astawanqa ninman: Wakichiy mikhunaypaj, allinta chumpikuy, jaywariwaytaj mikhuyta ujyayta ima tukunaykama; chaymantaraj qampis mikhunki, ujyankitaj, nispa?

San Lucas 22:27

Ajina kajtenqa, mayqentaj aswan kuraj: Pichus mesaman tiyaykojchu, chayrí kamachi kajchu? Manachu mesaman tiyaykoj? Noqarí qankuna ukhupi kamachi jina kashani.

San Juan 13:12

Chakisninkuta mayllayta tukuytawantaj, Jesús churaykukorqa p'achanta. Chantá ujtawan mesaman tiyaykukuspataj nerqa: Yachankichejchu imapajchus chakisniykichejta mayllasqayta?

2 Corintios 8:9

Ña rejsinkichejña Señorninchej Jesucristoj khuyakuyninta. Qhapaj kashaspa qankunata munakuspa wajchaman tukorqa. Chay wajcha kayninwantaj qankunata qhapajyachisorqachej.

1 Juan 3:11

Kaymin qallariymantapacha uyarisqaykichej willayqa: Ujkuna ujkunawan munanakunanchej.