San Juan 13:34 - Qheshwa Biblia DC

³⁴ Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej.

DIOSPA QHELQACHISQAN DEUTEROCANONICAL

³⁴ Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

DIOSPA QHELQACHISQ

³⁴ Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

Quechua South Bolivia: Dios Parlapawanchej

³⁴ Uj mosoj camachiskata koyquichej: Kancunapura munanacuychej. Imaynatachus nokapis munacorkayquichej quiquinta kancunapis munanacuychej.

San Juan 13:34 Iomraidhean Croise

Salmos 119:63

Qanta yupaychasojkunata munakuni, kamachisqasniykita junt'ajkunajtawan.

Salmos 16:3

Kay jallp'a lantisqa atiyniyoj kanku, pikunachus chay lantispi yuyanku chaykunapaj.

Levítico 19:18

Ama llajta masiykimanqa ima sajramanta ayñita kutichinkichu. Runa masiykita ama chejninkichu. Astawanqa, paykunata munakuy qan kikiykita jina. Noqamin Señorqa kani.

Levítico 19:34

Paykunata qankuna kikiykichejta jina qhawaychej, paykunata munakuychej, imaraykuchus qankuna kikillantaj. Qankunapis yuyarikuychej, karu llajtayoj jinallataj Egipto jallp'api tiyakusqaykichejta. Noqamin Señor Diosniykichejqa kani.

San Mateo 5:44

Noqataj niykichej: Enemigosniykichejta munakuychej; [maldicisojkunaman allinta kutichiychej; chejnisojkunapaj allin kajta ruwapuychej; rimasojkunapaj,] qhatiykachasojkunapaj ima Diosmanta mañapuychej.

San Juan 15:17

Kayta kamachiykichej: Purajmanta munanakunaykichejta.

Romanos 12:10

Hermanos jina, tukuy sonqo munanakuychej, ujkuna ujkunata allimpaj qhawaspa.

Romanos 13:10

Munakoyqa mana sajratachu ruwan runa masinta. Runa masita munakoyqa leyta junt'aymin.

Romanos 13:8

Ajinaqa ama pimampis manuchu kaychej, manachayqa purajmanta munanakuychej, imaraykuchus runa masinta munakojqa, ñapis leyta junt'anña.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Gálatas 6:10

Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.

Gálatas 6:2

Purajmanta q'episniykichejta apaysinakuychej, ajinapi Cristoj leyninta junt'anaykichejpaj.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

1 Tesalonicenses 3:12

Señortaj qankunata munakuywan junt'achichun, ashkhayachichuntaj qankuna ukhupi, wajkuna ukhupipis; imaynatachus noqaykupis qankunata munakuyku, ajinata.

2 Tesalonicenses 1:3

Qankunamanta hermanos, Diosman graciasta qonaykupuni tiyan, maychus cheqan kasqanman jina; imaraykuchus feniykichej ashkhata wiñashan, jinallatataj sapa ujniykichejpa munakuyniykichejpis, qankuna ukhupi mayta yapakushan, jinallatataj wajkuna ukhupipis.

Hebreos 13:1

Hermanos ukhupi munakoyqa kallachumpuni.

Santiago 2:8

Cheqamantachus junt'awajchej jatun leypa nisqanta, imaynatachus Escriturapi nin: Runa masiykita munakuy qan kikiykita jina, nispa. Chayta ruwawajchej chayqa, allinta ruwankichej.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Juan 3:11

Kaymin qallariymantapacha uyarisqaykichej willayqa: Ujkuna ujkunawan munanakunanchej.

1 Juan 3:23

Kaymin Diospa kamachiynenqa: Jesucristo Churimpa sutimpi creespa, ujkuna ujkunawan munanakunanchej, kamachiwasqanchejman jina.

1 Juan 4:21

Jesucristoqa kay kamachiyta qowarqanchej: Diosta munakojqa, wauqentapis munakullachuntaj.

2 Juan 1:5

Kunanqa mana yuyarichisuyta munanichu purajmanta munanakuna kasqanta. Kayqa mana mosoj kamachiychu, imaraykuchus chaytaqa qallariymantapachaña Diosmanta jap'erqanchej.