San Juan 11:19 - Qheshwa Biblia DC

¹⁹ Ashkha judiostaj jamusqanku Martata, Mariatawan watukoj, turan wañusqanrayku, paykunata sonqochayta munaspa.

DIOSPA QHELQACHISQAN DEUTEROCANONICAL

¹⁹ Chayrayku ashkha runakuna Martata, Mariatawan ima watukoj jamusqanku, turanku wañupusqanmanta paykunata sonqochayta munaspa.

DIOSPA QHELQACHISQ

¹⁹ Chayrayku ashkha runakuna Martata, Mariatawan ima watukoj jamusqanku, turanku wañupusqanmanta paykunata sonqochayta munaspa.

Quechua South Bolivia: Dios Parlapawanchej

¹⁹ Chayraycu ashqhas israelcunamanta jamorkancu Martata Mariatapis hermanoncumanta sonkochaj.

San Juan 11:19 Iomraidhean Croise

Génesis 37:35

Tukuy qhari wawasnin, warmi wawasnin ima payta sonqochayta munarqanku, paytaj mana imaynapi sonqochakuyta aterqachu; mayta waqaspa nerqa: Noqaqa kay p'achata churakusaj, wañusqaspa chaupimpi wawaywan tinkumunaykama, nispa.

2 Samuel 10:2

Chaypacha Davidqa yuyarqa chay Nahaspa wawan Hanunwan allimpi kausakuyta, imaynatachus tatan payta khuyakorqa ajinallatataj. Kacharqataj chay yanapajkunasninmanta wakinta, tatan wañupusqanmanta Hanunta sonqochanankupaj. Davidpa kachasnin asmonitaspa jallp'ankuman chayajtinkukamataj, chay amonitaspa kuraj kamachejkunasnintaj reyninku Hanunman nerqanku: Qan reyníy, yuyankichu David chay runasninta kachamusqanta tataykej wañupusqanmanta qanta sonqochasunallampaj? Payqa kachamun sumajta qhawaqanankupaj wateqanankupajtaj kay llajtata, chantá jamuspa phirinankupaj.

Job 2:11

Jobpataqa kinsa kausaqesnin karqa: Temán jallp'amanta Elifaz, Súa jallp'amanta Bildad, Naamat jallp'amanta Zofarpiwan. Paykunaqa chay jina manchay llakiykuna Jobpaj kasqanta yachaspa, sapa ujninku parlarikorqanku, rispa Jobta waturikamunankuta, chay jina llakiynimpi sonqocharimunankuta.

Job 42:11

Chaymantataj jamorqanku watukoj tukuy wauqesnin, panasnin kausaqesnin, ñaupajta tukuy kausaqesnin kajkunapiwan. Chay watukoj jamuspataj mayta kusikorqanku, jatuchaj mikhuykunata wayk'uspataj wasimpi mikhorqanku. Chaypi paykunaqa mayta llakiporqanku, sonqocharqankutaj, tukuy imasta Señorqa ñak'arichisqanmanta; jinaytawantaj paykuna sapa ujninku qolqesta qorqanku, uj qori sortijatawan.

Eclesiastés 7:2

Llakiy wasiman reyqa aswan allin, kusiy wasiman rinamanta nisqaqa. Runaspa tukukuynenqa wañuypuni, Pichus kausajqa chayta unanchachun.

Isaías 51:19

Kay iskay llakiykuna qantaqa qhatirisorqa: Llajtaykeqa tukuchisqa ch'impacha saqesqa karqa, runasniykeqa yarqhaywan, espadawantaj wañurachisqas karqanku. Chaypacha pitaj qanta llakiysisunkiri? Pitaj sonqochaykurisunkiri?

Lamentaciones 1:16

Chayrayku noqaqa manchayta waqarikuni; ñawisniymanta waqayqa sururishan. Mayta kusichispa sonqochawajneyqa saqerpariwan. Wawasneyqa tukuynin wañurachisqas kanku, enemigosniykutaj atipawaykupuni.

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Lamentaciones 1:21

Waqashajta uyariwarqanku, manataj pipis sonqochaykuriwaj kanchu. Tukuy enemigosniy yachanku mana allimpi kasqayta, maytataj kusikunku qan kay jinata ñak'arichiwasqaykimanta. Paykunamampis jasut'ita apachimusaj nisqaykitaqa apachimunki, chaypachataj paykunapis noqa jina kanqanku.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

San Lucas 10:39

Martajtataj uj ñañan karqa María sutiyoj; paytaj Jesuspa ñaupaqenman tiyaykuspa yachachisqanta uyarej.

San Lucas 10:42

Ujllamin aswan walejqa. Mariaqa ajllakun allin kajta. Chaytaqa mana pipis qhechonqachu.

San Juan 1:19

Kaytaj Juampa willasqan, maypachachus Jerusalenmanta judíos kacharqanku sacerdotesta, levitasta, payta tapoj: Pitaj qan kanki?, nispa.

San Juan 11:1

Uj runa Lázaro sutiyoj, onqosqa kasharqa. Pay karqa Betaniamanta. Chaytaj llajtanku karqa Mariajta, ñañan Martajtawan.

San Juan 11:31

Wasipi kajkuna judíos, Martata sonqochasharqanku. Mariata usqhayta sayariytawan llojsejta rikuspataj, nerqanku: Sepulturaman waqaj rishan, nispa. Qhepantataj rerqanku.

San Juan 11:33

Jesustaj chaypacha, Mariata waqajta rikuspa, paywan jamoj judiostapis waqajllatataj rikuspa; payqa sinch'ita phutikorqa sonqontaj wawayarqa.

San Juan 11:36

Chantá judíos nerqanku: Qhawariychej, chay jinatapuni payta munakusqa.

San Juan 11:45

Chaypacha Mariata watukoj judiosmanta ashkha creerqanku Jesuspi, chay ruwasqanta rikuspa.

San Juan 11:8

Yachachisqastaj nerqanku: Maestro, qanimpalla judiosqa rumiwan ch'anqayta munasorqanku; ujtawanchu jaqayman riyta munashallankitaj?

Romanos 12:15

Kusikuychej kusikojkunawan; waqajkunawantaj waqaychej.

2 Corintios 1:4

Paytaj sonqochawayku tukuy ima llakiyniykupi, noqaykupis sonqochanayku, llakiypi, ñak'ariypi kajkunata, imaraykuchus noqaykupis sonqochasqas karqayku Diosmanta.

1 Tesalonicenses 4:18

Chayrayku, kay palabraswan purajmanta sonqochanakuy chej.

1 Tesalonicenses 5:11

Chayrayku, qankuna ukhu sonqochanakuychej, qankunapurataj sayachinakuychej; imaynatachus ruwashankichej ajinata.

1 Samuel 31:13

Chaymantataj chay tullusninkutaqa Jabes llajtapi uj sach'a uraman p'ampaykorqanku. Chay qhepantataj qanchis días junt'ata ayunopi karqanku.