San Juan 1:18 - Qheshwa Biblia DC

¹⁸ Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

DIOSPA QHELQACHISQAN DEUTEROCANONICAL

¹⁸ Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

DIOSPA QHELQACHISQ

¹⁸ Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

Quechua South Bolivia: Dios Parlapawanchej

¹⁸ Ni pi ni jayc'ajpis Dios Tatata ricorkachu. C'ata Wawan, Dios caspa, munacuypi yuyaypipis Tatanwan ujllamin. Chayraycu paylla Dios Tatanta sut'inchawarkanchej.

San Juan 1:18 Iomraidhean Croise

Génesis 16:13

Chaymanta Agarqa kuticherqa payman parlaj chay Señorta kay sutiwan: Qan kanki rikoj Dios, imaraykuchus Señorqa paywan parlarqa, nispa. Chaymanta pay nerqa: Noqaqa rikuwaj Diosta rikuni.

Génesis 18:33

Señorqa ajinata Abrahamwan parlaytawan riporqa chaymanta. Abrahamtaj jaranman kutimporqa.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Éxodo 24:10

Chaypitaj Israelpa Diosninta rikorqanku, chakisnin urapitaj rikorqanku lliphipirishajta safiromantapis pampan ruwasqs kanman jinata, cielo jina sut'isituta.

Proverbios 8:30

chaypacha noqa chaypi karqani, paywan khuska sapa p'unchay. Noqaqa payta kusichillarqanipuni. Tukuy rato paypa ñaupaqempi phujllaspa karqani.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Lamentaciones 2:12

Wawasqa mamasninkuman nej kanku: Maytaj t'antawan vinowanri? Llajta callespi maynejpipis ch'anqasqa jina wijch'usqasña kanku; mamankoj arphimpi ñak'ayllataña samaqeshanku.

Números 12:8

Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 12:41

Isaiasqa kayta nerqa Jesuspa jatun kayninta rikuspa, paymantataj parlarqa.

San Juan 13:23

Yachachisqasninmanta ujnin kaj, pitachus Jesús munakoj, chay qayllampi kasharqa.

San Juan 14:9

Jesús payman kuticherqa: Felipe, chhika unaytaña qankunawan kani, manachu rejsiwanki? Noqata rikuwajqa, Tataytapis rikun; imaraykutaj Dios Tatata rikuchiway nishanki?

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

San Juan 17:6

Sutiykita rejsicherqani mundomanta qowasqayki runasman. Qampata karqanku, qopuwarqankitaj, paykunataj palabraykita waqaycharqanku.

San Juan 3:11

Cheqamanta, cheqamanta niyki: Yachasqaykuta niyku, rikusqaykutataj willayku; qankunataj willasqaykuta mana jap'ikunkichejchu.

San Juan 6:46

Mana ninichu, pi runapis Dios Tatata rikusqanta; Diosmanta jamojlla rikun paytaqa.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

Deuteronomio 4:12

Señortaj chay nina lauray ukhumanta parlapayamusorqachej. Qankunataj chay parlamusqanta uyarerqankichej, manataj rikorqankichejchu ima rijch'ajchus kasqanta.

Colosenses 1:15

Cristoqa mana rikukoj Diospa rijch'ayninmin. Pay karqa tukuy ima ruwasqasmanta ñaupaj nacej.

1 Timoteo 1:17

Alabanachej, jatunchanachejtaj reyta wiñaypaj payqa mana tukukoj wañoj, mana rikukoj, uj k'ata Diostaj. Amén.

1 Timoteo 6:16

Pay k'atamin mana wañojqa. Mana chimpay atina k'anchaypitaj tiyakun. Chaytaqa mana pipis rikorqachu, nitaj pipis rikuyta atinchu. Pay wiñaypaj yupaychasqa kachun. Amén.

Josué 5:13

Uj p'unchay, Josué Jericó qayllapi kashaspa ñaupaqempi rikorqa uj runata makimpi espadayojta. Josuetaj qayllaykuspa taporqa: Qanqa noqaykojmantachu kanki, chayrí enemigosniykojmantachu?, nispa.

1 Juan 4:12

Mana ni jayk'aj pipis Diosta rikorqachu. Purajmanta munanakojtinchejqa, Dios noqanchejpi kashan, munakuynintaj noqanchejpi junt'akun.

1 Juan 4:20

Pillapis Diosta munakuni ninman, wauqentataj chejninman chayqa, llulla runa. Pichus wauqenta rikushaspa, mana munakunchu chayqa, manallataj Diostapis munakuyta atinchu, mayqentachus mana rikunchu.

1 Juan 4:9

Kay jinamanta Diosqa munakuyninta rikuchiwarqanchej: Uj k'ata Churinta kachamusqampi paynejta kausananchejpaj.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.