Josué 9:1 - Qheshwa Biblia DC

¹ Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

DIOSPA QHELQACHISQAN DEUTEROCANONICAL

¹ Chay tukuy kasqanmanta kay kuraj kamachejkuna uyarerqanku: Jititakunamanta, amorreokunamanta, cananeokunamanta, ferezeokunamanta, heveokunamanta, jebuseokunamanta ima. Paykunaqa tiyakusqanku Jordán mayu kantupi inti yaykuyninnejpi, chantá chay orqorara cheqanejpi, Jatun Mama Qocha kantu pampankunapi, Líbano jap'iykama.

DIOSPA QHELQACHISQ

¹ Chay tukuy kasqanmanta kay kuraj kamachejkuna uyarerqanku: Jititakunamanta, amorreokunamanta, cananeokunamanta, ferezeokunamanta, heveokunamanta, jebuseokunamanta ima. Paykunaqa tiyakusqanku Jordán mayu kantupi inti yaykuyninnejpi, chantá chay orqorara cheqanejpi, Jatun Mama Qocha kantu pampankunapi, Líbano jap'iykama.

Josué 9:1 Iomraidhean Croise

2 Samuel 24:7

Chaymantataj rerqanku jark'achasqa Tiro llajtaman, heveospata chantá cananeospata tukuynin llajtasninkumanwan, Judamanta uranejmantaj llojsimorqanku, Beerseba chaynejman.

Éxodo 23:23

Angelniy qampa ñaupaqeykita renqa, chayachisonqataj amorreoj jallp'anman, heteojpaman, ferezeojpaman, cananeojpaman, heveojpaman, jebuseojpaman ima, mayqenkunatachus noqa chinkachisaj mana ujniyojta.

Éxodo 23:31

Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 34:11

Kay kamachisqayta sumajta junt'aychej; noqa qharqosaj ñaupaqeykichejmanta amorreosta, cananeosta, hititasta, ferezeosta, heveosta, jebuseostawan.

Números 13:29

Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

Números 34:6

Inti yaykuyman jallp'aykichejpa tinkuynenqa jatun mar qochakama kanqa.

Deuteronomio 1:7

Tukuy imasniykichejta oqharikuspa amorreospa orqosninkuman riychej, tukuy vecinosninkoj muyuyninkupi kaj jallp'asninkuman ima. Arabaman, sach'arara lomasman, vallesman, Neguevman, mar qocha cantosman, cananeospa jallp'anman, Libanoman, Eufrates jatun mayukama.

Deuteronomio 3:25

Mañakuyki ari: Jordán mayuta chimpachillaway ari, Señor. Noqaqa chay chhika k'acha jallp'ata, k'acha orqosta, Libanotawan rikumuytapuni munani, nispa.

Deuteronomio 4:49

Chaymanta chay lindenqa rillarqapuni tukuynin Arahanejta, Jordampa inti llojsimuyninta Wañusqa qochakama, Pisga orqo k'uchunnejta.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Josué 1:15

Paykunamampis Señorqa jallp'ata qonankama qankunaman jina chaypi tiyakunankupaj; paykunapis Señorniykichej Diospa jallp'a qosqanmanta dueño kanankupaj. Chaymanta qankunaqa atinkichej kutimpuyta jallp'asniykichejta jap'ikapoj, mayqentachus Diospa kamachin Moisés qosorqachej, manaraj Jordán mayu chimpapi inti llojsimuynejpi.

Josué 1:4

Chay jallp'astaj kanqa ch'innejmantapacha Líbano orqokama, Eufrates jatun mayumantapacha Mediterráneo mar qochakama. Chantá tukuynin heteospa jallp'asnintin qankunajta kanqa.

Josué 10:23

Ajinata israelitasqa chay phishqa reyesta jusk'umanta orqhomorqanku. Paykunaqa karqanku Jerusalenmanta, Hebronmanta, Jarmutmanta, Laquismanta, Eglonmanta ima.

Josué 11:17

Chaykunaqa karqa Halac orqomantapacha, Seirman wicharejmanta, Líbano pampapi Baal-gadmanta, Hermón orqo kinraymantapacha. Josueqa chay jallp'asmanta reyesta jap'ispa wañuracherqa.

Josué 13:5

Giblitaspa jallp'anku tukuy Líbano inti llojsimuykama, Baal-gamanta Hermón orqo k'uchukama, Hamatman yaykunakama.

Josué 15:12

Inti yaykuyman mojonnenqa karqa Mediterráneo mar qochakama. Kaykunamin karqa Judá aylloj mojonesnenqa tukuy muyuynintimpi, mashkhatajchus kasqankuman jina.

Josué 22:4

Kunanqa Paypis imatachus qosqaykichej nisqanta junt'an, wauqesniykichejpaj sonqo tiyakuy tiyanña. Chaynejta kunanqa toldosniykichejman kutipuychej, ima jallp'atachus jap'ikusqaykichejman, Jordán mayu chimpapi Señorpa kamachin Moisés qosorqachej chayman.

Josué 22:7

Manasespa khuskan ayllunmantaj Moisesqa jallp'ata qosqa Basán nisqa chaynejpi. Manasespa wakin khuskan ayllumantaj Josué jallp'ata qorqa Jordán mayoj inti chinkaykuyninnejpi, israelita wauqesnimpa chaupimpi. Paykunatapis Josueqa, allillanta ripuychej, nispa, toldosninkuman kachapullarqataj.

Josué 23:4

Noqaqa chayaqeykichej jallp'ata suerteta choqaspa ayllusniykichejman qoporqani. Noqaqa mana qhechusqaña kaj jallp'asllatachu qorqaykichej, manachayqa, manaraj qhechusqa kajkunatawan qorqaykichej, Jordán mayoj inti llojsimuyninmanta, mar Mediterráneo qochej inti chinkaykuyninkama.

Josué 24:11

Chaymantataj qankunaqa Jordán mayuta chimpamorqankichej, jamorqankichejtaj Jericokama. Chay llajtayojkunataj qankunawan maqanakorqanku, chaykunataj karqanku: Amorreos, fereseos, cananeos, heteos, gergeseos, heveos, jebuseos ima. Chaykunata noqaqa makisniykichejman churarqani.

Josué 3:10

Kaypimin yachakonqa kausashaj Señor Diosniykichej qankunaj chaupiykichejpi kasqanqa, risqaykichejman jina ñaupaqeykichejmanta pichasqampi, cananeosta, hititasta, heveosta, ferezeosta, gergeseosta, amorreosta, chantá jebuseosta ima.

Josué 3:17

Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

Josué 6:27

Josuetaqa Señor maytapuni yanaparqa. Josué may mentasqa kasqantataj tukuy chay jallp'api uyarerqanku.

Josué 9:7

Israelitastaj heveosman kuticherqanku: Ichapis qankunaqa kay noqayku qayllallamanta kankichej. Imaynatataj qankunawan uj tratota ruwasunmanri?