Josué 4:11 - Qheshwa Biblia DC

¹¹ Tukuy chimpapiña kajtinkutaj, Señorpa cajonninwan sayasharqanku chay sacerdotespis chimpaman chimpallarqankutaj, tukuy Israel aylluspa ñaupaqenman churakorqanku.

DIOSPA QHELQACHISQAN DEUTEROCANONICAL

¹¹ Tukuy chimpapiña kajtinkutaj, Tata Diospa arcanwan sayashaj sacerdotekunapis chimpallarqankutaj. Jinaspataj, israelitakunaj ñawpaqenkuman rerqanku.

DIOSPA QHELQACHISQ

¹¹ Tukuy chimpapiña kajtinkutaj, Tata Diospa arcanwan sayashaj sacerdotekunapis chimpallarqankutaj. Jinaspataj, israelitakunaj ñawpaqenkuman rerqanku.

Josué 4:11 Iomraidhean Croise

Isaías 52:12

Ama usqhay usqhaytaqa llojsinkichejchu, ama ayqekoj jinaqa rinkichejchu; imaraykuchus Señormin ñaupaqeykichejtaqa renqa, Israelpa Diosnin ujtawan tantaykapusonqachej.

Josué 24:11

Chaymantataj qankunaqa Jordán mayuta chimpamorqankichej, jamorqankichejtaj Jericokama. Chay llajtayojkunataj qankunawan maqanakorqanku, chaykunataj karqanku: Amorreos, fereseos, cananeos, heteos, gergeseos, heveos, jebuseos ima. Chaykunata noqaqa makisniykichejman churarqani.

Josué 3:17

Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

Josué 3:8

Qan kamachiy ari sacerdotesta Diospa trato ruwasqan cajonta apanankuta; chanta Jordán mayuman chayaytawan yaku cantopi sayanankuta.

Josué 4:10

Señorpa trato ruwasqan cajonta apaj sacerdotes Jordán mayu chaupipi sayarqanku, israelitas imatachus Josueman Señorpa kamachisqanta ruwayta tukunankukama. Tukuy ima ruwakorqa Moisés imaynatachus Josueman kamachisqanman jina. Israelitastaj usqhay usqhayta mayuta chimparqanku.

Josué 4:12

Chaymanta paykunawan khuska chimpallarqankutaj maqanakunankupaj sumaj wakichisqas Rubempa ayllunmanta, Gadmanta, Manasespa khuskan ayllun ima. Paykuna israelitaspa ñaupaqenkuta rerqanku Moisespa kamachisqanman jina.

Josué 4:18

Sacerdotes Jordanmanta llojsimusqankutawan, ch'aki jallp'aman chakisninkuta churaykusqankutawankama, yakoqa maychus rinanta ririkaporqa ñaupajta jina, cantosninman phullchirishaj.