Josué 2:9 - Qheshwa Biblia DC

⁹ Noqa yachani, Señorqa qankunaman kay jallp'ata qosqasuykichejta, pay nerqa noqayku qankunata sinch'ita manchachikunaykuta. Tukuy kaypi tiyakojkunaqa qankunarayku manchachikuywan wañusqas jinaña kayku.

DIOSPA QHELQACHISQAN DEUTEROCANONICAL

⁹ Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

DIOSPA QHELQACHISQ

⁹ Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Josué 2:9 Iomraidhean Croise

Génesis 35:5

Paykuna chaynejmanta llojsejtinkutaj Dios qorqa manchachikuyta, chay qayllasnimpi kaj llajtas manchachikunankupaj. Chayrayku Jacobpa wawasninta mana qhaterqankuchu.

2 Samuel 17:10

Aswan wapu león jina phiña kaj runapis sinch'ita iskayrayanqanku, chaywampis tukuy Israel ayllupi yachanku tataykeqa soldadosnimpis sinch'i wapus kasqankuta.

2 Reyes 5:15

Naamantaj tukuy paywan rejkunawan Diospa runampaman kutirerqa, Eliseoj ñaupaqenman yaykuspataj nerqa: Kunanqa yachani ari, mundontimpi mana waj Diosqa kanchu, manachayqa Israelllapi tiyan. Kunantaj mañakuyki, kay kamachiykimanta uj t'inkata jap'ikunawaykita, nispa.

2 Reyes 7:6

Imaraykuchus siriospa jarankupi Señorqa uyarichisqa ashkha soldadospa purisqanta jina, ashkha caballosta, carretasta ima, chayrayku paykunaqa yuyarqanku: Kaytaqa israelitaschá kachaykamushawanchej hititasta, Egiptomanta reyestawan paykunaman pagaykuspa noqanchejpa contranchejpi jamunankupaj.

Nehemías 6:16

Enemigosniyku qayllasniykupi tukuy kaj nacionespis chayta yachaspa, mayta mancharikorqanku. Chay wapu wapu kajkunamanta k'umuykukorqanku, tukuy ruwasqaykupi Dios yanapawasqaykuta yachaspa.

Ester (hebreo) 8:17

Tukuy suyuspi tukuy llajtaspi ima, maykunamanchus chay kamachiy chayarqa chaykunapi, judiosqa jatun kusiywan, sumaj mikhunasta wayk'urikuspa kusikorqanku chay diaspi. Waj runaspis chayta rikuytawanqa judiosman tukorqanku, imaraykuchus judiosta manchachikorqanku.

Job 19:25

Noqa yachani salvadorniy kausashasqanta, pay noqamanta kutikuwanqa kay jallp'a patapi.

Salmos 112:10

Juchasapaqa chayta rikuspa phiñakun; mana imanayta atispa, kirusninta k'arurakuspa tukukonqa. Jinapi sajra runaspa suyasqankoqa tukukonqa.

Salmos 115:16

Janaj pachaqa Diosninchejpata, jallp'atataj runaman qorqa.

Éxodo 18:11

Imaraykuchus paykunaqa may jinata ñak'arichisorqachej. Kunanqa yachani Señorqa aswan jatun atiyniyoj kasqanta tukuy dioskunamanta nisqaqa.

Éxodo 23:27

Noqa astawan manchachiyta jatunchasaj, mayta llakiyta qhapariytawan, qampa ñaupaqeykipi may llajtatachá pasaspa manchachinaykipaj. Enemigosniykitaj qanmanta ayqekusonqanku.

Eclesiastés 8:12

Juchasapasqa pachaj kutitapis juchasta ruwashaspa, aswan unaytaraj kausanku. Chaywampis noqaqa yachani, pischus Diospa ñaupaqempi k'achata kausakunku, Diosta manchachikuspa chaykunata allimpuni rinanta.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Isaías 23:5

Egiptomanta kajkuna, Tiro llajta urmasqanta yachaspa mayta llakikonqanku.

Jeremías 27:5

Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

Números 20:14

Cadesmantapacha Moisesqa kachasta kacharqa Edom reyman, nichispa: Wauqesniyki israelitas nichimusunki: Qan allinta yachanki imaschus noqaykupaj kasqanta.

Números 20:24

Aaronqa wañuponqa, mana yaykonqachu ima jallp'atachus israelitasman qosqaykichej nerqani chayman, qankunaqa kamachisqasniyta mana kasuwankichejchu Meriba nisqapi juturi yaku cantopi kashaspa.

San Mateo 20:15

Manachu qolqeywanqa, munasqayta ruwayta atiyman; chayrí, k'acha kajtiychu, sajra ñawiwan qhawawanki?

Deuteronomio 11:25

Señor Diosniykichej manchachikuyta, kharkatitiyta ima apachimonqa maypichá purinkichej chayman. Pay nisorqachejña chayman jina, ni pipis qankunaj contraykichejta sayayta atenqachu.

Deuteronomio 2:25

Maqanakuyta qallariychej jallp'anta jap'ikapunaykichejpaj, kunanmantapacha ñaupajman tukuynejpi runas qankunamanta manchachikonqanku nisqayman jina. Qankuna jamunaykichejta parlajta uyarispa, manchachikuywan kharkatitenqanku.

Deuteronomio 28:10

Kay pachapi kaj tukuy naciones rikonqanku cheqamanta Señorpa ayllun kasqaykichejta, qankunamantataj manchachikonqanku.

Deuteronomio 32:8

Janaj pachapi kaj Diosqa nacionesman chayaqenkuta qoporqa. Tukuy runasta ch'eqeracherqa. Paykunamantaj jallp'asninkuta rak'erqa, mashkhachus Diospa wawasnin kasqankuman jina.

Hebreos 11:31

Creesqanrayku Rahab, khuchi purej warmi, mana wañorqachu Diosta mana kasojkunawan khuska, wateqajkunata tukuy sonqo wasinman wajyaykusqanrayku.

Josué 2:11

Chayta yachaspa noqaykoqa maytapuni mancharikorqayku. Chayrayku mana pipis atinmanchu qankunawan maqanakuytaqa. Imaraykuchus Señorqa Diosniykichej, pay kikin janaj pachapi kashan, jinallataj kay pachapipis.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.

Josué 2:8

Manaraj chay wateqajkuna puñushajtinku Rahabqa techo pataman wicharerqa, paykunamantaj nerqa:

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

Josué 6:2

Señortaj Josueman nerqa: Noqa makiykiman jaywayki Jericó llajtata, reyninta, soldadosnintawan.

Josué 9:10

Imaynatatajchus Jordán mayu chimpapi amorreospa iskay reyesninta ruwasqanta, Hesbón rey Sehonta, Basán rey Ogtawan, pischus Astarotpi tiyarqanku.

Josué 9:24

Paykunataj Josueman kuticherqanku: Noqayku kayta ruwarqayku qankuna wañuchinawaykuta manchachikuspa, imaraykuchus yachayku Señor Diosniykichej kamachin Moisesman kamachisqanta, kaykunapi tiyakojkunata wañurachispa, qankunaman kay jallp'asta qonasuykichejta.

Josué 9:9

Paykunataj kuticherqanku: Noqaykoqa karumanta jamuyku, Señor Diosniyki may mentasqa kasqanta uyarispa, yachaykutaj Egiptopi tukuy imata ruwasqanta.

Jueces 7:14

Chay ujnintaj kuticherqa: Kayqa, Israelmanta Joaspa wawan Gedeompa espadampuni. Madianitastaqa jarantinta ima Gedeonman Diosqa jaywaykonqa, nispa.