Jonás 1:3 - Qheshwa Biblia DC

³ Jonastaj kasunantaqa, Señorpa ñaupaqenmanta ayqeyta munarqa, jinataj Jonasqa mar qocha cantopi Jopeman ayqerqa. Chaypitaj uj buqueta Tarsisman puririshajtaña taripasqa. Usqhayta pasajeta rantikuspataj wichariytawan riporqa.

DIOSPA QHELQACHISQAN DEUTEROCANONICAL

³ Jonastajrí Diospa nisqanta kasunantaqa, Tata Diosmanta ayqeyta munarqa, jinataj Jatun Mama Qocha kantupi kaj Jope llajtaman urayk'orqa. Chaypi Jonás uj barcota Tarsisman puririshajtaña tarerqa. Pasajeta rantikuspataj, barcoman wicharerqa. Ajinamanta Jonasqa Tata Diosmanta ayqeyta munarqa.

DIOSPA QHELQACHISQ

³ Jonastajrí Diospa nisqanta kasunantaqa, Tata Diosmanta ayqeyta munarqa, jinataj Jatun Mama Qocha kantupi kaj Jope llajtaman urayk'orqa. Chaypi Jonás uj barcota Tarsisman puririshajtaña tarerqa. Pasajeta rantikuspataj, barcoman wicharerqa. Ajinamanta Jonasqa Tata Diosmanta ayqeyta munarqa.

Jonás 1:3 Iomraidhean Croise

Génesis 3:8

Qhareqa warminwan uyarerqanku Señor Diospa purisqanta, ch'isiyay wayra wayrapi huerta ukhupi kayman jaqayman purishajta. Paykunataj usqhay usqhayta huerta ukhupi pakaykukorqanku sach'as ukhuman.

Génesis 4:16

Caenqa Señormanta t'aqakuspa riporqa. Tiyakorqataj Nod jallp'api, Edenmanta inti llojsimuyninnejpi.

1 Reyes 19:3

Chay jina paypaj mana allin kasqanta rikuspa, Eliasqa jatariytawan riporqa kausayninta librananrayku, Judapi Beerseba llajtaman chayarqa, chay pitaj kamachinta saqeporqa.

1 Reyes 19:9

Chaypitaj uj chhanka jusk'uman yaykorqa, chaypitaj chay tutaqa puñorqa. Señorpa palabrantaj payman jamorqa: Elías, imata kaypi ruwashankiri?, nispa.

2 Crónicas 2:15

Kunan qanrí, wiraqochíy, apachimullay trigota, cebadata, aceiteta, vinotapis, imastachus kamachisniykiman apachimunaykita nerqanki chaykunata.

2 Crónicas 2:16

Chaykamataj noqaykoqa Libanopi munasqayki chhika k'aspista k'utushasqayku, mar qochanejtataj apachimusqayku balsaspi Jope llajtakama. Chaymantataj qanllaña Jerusalenman apachinki.

2 Crónicas 9:21

Reypa barcosnintaj Tarsisman rej kanku Hirampa kamachi runasninwan, sapa kinsa watasmantataj kutimoj kanku apamuspa qorita, marfilta, monosta, pavo-realesta ima.

Esdras 3:7

Chanta ruwanankupaj qolqeta qorqanku, wasita ruwanampaj rumi ch'eqojkunaman, carpinterosman ima. Chanta, Tiromanta kajkunaman, Sidonmanta kajkunamampis, mikhunasta, ujyanasta, aceitetawan qollarqankutaj, cedro k'aspita qochanejta apamunankupaj Libanomanta Jopekama, Persiapi kaj rey Ciroj munayninman jina.

Job 1:12

Señortaj Supayman kuticherqa: Qan munasqaykiman jina Jobpa tukuy imasninta qhechuy, paypa ukhullanman amapuni makiykita churankichu. Chaymantataj Supayqa, Señorpa ñaupaqenmanta llojserqa.

Job 2:7

Supayqa Señorpa ñaupaqenmanta llojsiytawan, Jobman uj millay sarna onqoyta apachimorqa. Chaytaj tukuy ukhunman junt'aykorqa, chaki puntanmanta uma puntankama.

Salmos 107:23

Mar qochaman buquespi yaykojkunaqa, yakuspi purejkunaqa,

Isaías 2:16

Tarsismanta tukuy buquespa contrampi, ashkha qhatunapa imasniyoj barcospa contrampi ima.

Isaías 23:1

Tiroj contrampi willay. Tarsispi kajkuna barcos, waqaychej, imaraykuchus Tiroqa thuñisqa mana uj wasiyoj. Chayrayku ni mayman yaykunapaj kanchu. Quitim jallp'amantapacha chay imastaqa yachachimunku.

Isaías 23:10

Tarsis llajta, jallp'ata llank'ayta qallariy, imaraykuchus manaña barco ruwanayki kanchu.

Isaías 23:6

Tarsiskama riychej, mar qocha cantospi tiyakojkuna, waqamuychej.

Isaías 60:9

Cheqamanta noqata mar qocha cantosmanta kajkuna suyashawanku, Tarsismanta kaj buques wawasniykiman qolqesninkuta, qorisninkutawan apamunku. Israelpa Santo Diosnimpa sutinrayku qhawachisunki, chay Señor Diosniykej sumajpaj qhawasqa kasqanrayku.

Jeremías 10:9

Lantisninkoqa Tarsismanta qolqe apamusqallankumanta, Ufasmantawan qorita apamusqallankumantawan kanku. Chaykunaqa k'aspi llajllajkunaj, jinallataj titi jich'ajkunaj ruwasqallan kanku. P'achasnimpis lila telasmanta, jinallataj puka telasmanta k'achituta ruwajkunaj ruwasqasnin kanku.

Ezequiel 2:8

Qanqa, runaj wawan, astawan parlasusqayta allinta uyariy, amataj paykuna jinaqa mana kasukoj kaychu. Simiykita kichariy, mikhuytaj imatachus noqa qosqayki chayta.

Ezequiel 27:12

Chay jina qhapajpuni kasqaykirayku, Tarsis llajtamanta kaj runas qanwan trocarqanku, qolqewan, fierrowan, titiwan, qoriwan ima qhatuna p'unchaykunaspi.

Ezequiel 3:14

Diospa atiynin jap'iwaspa jaqaymanta orqhowarqa, noqataj may llakisqa waqaspataj riporqani. Chaywampis Señorqa sinch'ita makinwan jap'iwarqa.

Jonás 1:10

Buqueta purichejkunataj chayta uyarispa, maytapuni mancharikorqanku, nerqankutaj: Imaraykutaj qan jinata ruwankiri?, nispa. Imaraykuchus paykuna yacharanku Jonasqa Señormanta ayqeshasqanta, chaytari payllataj siminwan willakorqa.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

San Lucas 9:62

Jesustaj payman nerqa: Pillapis, llank'ashaspa aradoj manceranta jap'ispaña qhepata qhawajqa, mana Diospa reinompaj jinachu.

Hechos 15:38

Pablomantaj mana allinchu rijch'arqa Marcosta pusayqa, imaraykuchus ñaupaj puriyninkupi, Panfilia llajtapi paykunata saqerpayasqa; manataj paykunawan riyta munasqachu evangeliota willamoj.

Hechos 26:19

Kayrayku, reyníy Agripa, janaj pachamanta Jesús rikhurimuwaspa kamachiwasqanta kasushani.

Hechos 9:36

Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

Hechos 9:38

Jope llajtaqa mana karupichu karqa Lidamanta. Lidapi Pedro kasqanta yachaspataj, creejkuna kacharqanku iskay qharista, kayta nichispa: Ama jinachu kay, kunampacha jamuriwayku.

Hechos 9:42

Chay kausarichisqantaj tukuy Jope llajtapi yachakorqa, ashkha runastaj Señor Jesucristopi creerqanku.

Hechos 9:43

Pedrotaj Jopepi unayta qhepakorqa, curtidor Simompa wasimpi.

1 Corintios 9:16

Evangeliota willani chayqa, mana imamanta jatunchakunay kanchu. Chaypaj kachasqa kani. Ay, noqamanta, manachus evangeliota willasaj chayqa!

2 Tesalonicenses 1:9

Chaykunaqa wiñaypay ñak'arenqanku, Señorpa ñaupaqenmanta qharqosqas, atiynimpa k'anchayninmantawan.