Joel 2:32 - Qheshwa Biblia DC

³² Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

DIOSPA QHELQACHISQAN DEUTEROCANONICAL

³² 32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

DIOSPA QHELQACHISQ

³² 32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Joel 2:32 Iomraidhean Croise

Génesis 4:26

Setpatapis wawan kallarqataj, sutin karqa Enós. Chaymantapacha qallarerqanku Diosmanta mañakuyta, Señorpa sutinta oqharispa.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Isaías 10:22

Mirayniykeqa Israel, mar qochaj t'iyun jinapis kanman chayqa, chaywampis chaymanta maychá puchonqa chayqa, kutimonqapuni. Tukuchinapaj nisqa kajqa tukukonqapuni, ajinamanta cheqanchayqa, sut'ipi kanqa.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 4:2

Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

Isaías 46:13

Noqaqa cheqanchayniyta qayllachimusaj. Mana karunchakonqachu, salvacionniypis mana kikimpichu sayanqa. Sionman noqaqa salvacionniyta churasaj, atiyniytaj israelitaswan kallanqapuni.

Jeremías 31:7

Señorqa nin: Kusiy takiykunasta kusiywan takiychej Jacobpa ayllunrayku. Paymin tukuy nacionesmanta aswan kurajqa. Uyariychej yupaychaykunasta, niychejtaj: Señorqa ayllunta salvarqa, Israelmanta puchojkunata.

Jeremías 33:3

Mañakuway, uyarisqaykitaj, willasqaykitaj jatuchaj imasta, mana yachasqayki imastataj yachachisqayki.

Amós 9:8

Señorqa qhawamushan kay juchasapa reinota. Chantaqa nintaj: Kay kamachinata kay jallp'a patamanta chinkachisaj; Jacobpa ayllunmanta kajkunallata mana tukuynintachu chinkachisaj.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Abdías 1:21

Chay atipajkunaqa Sión orqoman llojsenqanku chaymantapacha juzganankupaj Esaupa chay orqosniyoj lugaresnimpa contrampi, Señorlla kamachenqa.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

San Juan 10:16

Waj ovejas tiyapullawantaj. Chaykunaqa mana kay t'aqamantachu kanku. Chay ovejastapis pusamunallaytaj tiyan. Paykunata wajyajtiy uyariwanqanku. Uj t'aqalla kanqanku, uj k'ata michejniyojtaj.

San Juan 4:22

Samaritanosqa mana yachasqaykichejta yupaychankichej; noqaykurí yachasqaykuta; imaraykuchus salvacionqa judiosmanta jamun.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

Romanos 11:5

Ajinallatataj kay p'unchaykunapipis israelitasmanta pisi runaslla puchunku, Diospa khuyakuyninman jina ajllasqas.

Romanos 11:7

Chantá imatajri? Israelitasqa imatachus mask'asqankuta mana tarerqankuchu. Diospa ajllasqasnintaj tarerqanku. Wajkunataj sonqonkuta rumiyacherqanku.

Romanos 9:24

Chaykunata wajyallarqataj, niyta munani: Noqanchejta, chantá mana judiosllamantachu, manachayqa gentilesmantapis wajyallarqataj.

Romanos 9:27

Israelitasmanta Isaías nerqa: Israelitaspa mirayninchus mar qochaj t'iyun jina kanman chaypis, chaykunamanta pisi puchojkunalla salvasqas kanqanku.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

Hebreos 12:22

Qankunataj Sión orqoman qayllaykunkichej, kausaj Diospa llajtanman, chay Jerusalenman, ashkha waranqa angelespa t'aqanman.