Joel 2:17 - Qheshwa Biblia DC

¹⁷ Sacerdotes, Señorta sirvejkunapis waqachunku. Templo punkuman altar qayllanejpi nichunku: Kay llajtapi kaj tukuy runaspa juchasninta pampachay, Señor. Ama saqeychu, qampata kajkunamanta pipis burlata ruwakunanta. Ama saqeychu waj llajtayoj runas llajtaykipi kamachinankuta. Amataj saqeychu Diospi mana creejkuna ninankuta: Maypitaj kashan paykunaj Diosninrí?

DIOSPA QHELQACHISQAN DEUTEROCANONICAL

¹⁷ Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

DIOSPA QHELQACHISQ

¹⁷ Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Joel 2:17 Iomraidhean Croise

1 Reyes 6:3

Diosta yupaychana wasej ñaupaqempi corredorqa anchonman isq'on metrosniyoj karqa, chay wasej anchon kikillantaj. Chay wasej ñaupaqenqa anchonman tawa metro khuskanniyoj karqa.

2 Crónicas 8:12

Salomonqa Señorpaj uywasta ñak'aspa q'olachiporqa yupaychana wasipi, Señorpa ñaupaqempi jataricherqa chay altar patapi.

Nehemías 9:36

Kunantaj qhawariwayku kamachismanta kashasqaykuta ñaupa tatasniykuman jallp'ata qorqanki chaypa poqoyninmanta mikhunaykupaj, chay kikin jallp'allapitaj.

Salmos 115:2

Imaraykutaj Diosta mana qhatejkuna taponqankuri. Maypitaj Diosninku kunan kashanri?, nispa.

Salmos 42:10

Tullusniypis nanawanña, enemigosniy toreawasqankumanta. Tapullawankupuni: Maytaj Diosniykiri?, nispa.

Salmos 42:11

Imaraykutaj q'enaqakuymanri? Imaraykutaj t'uruspalla kaymanri? Suyayniyta Diospi churani. Diosta yupaychasajraj. Paymin Salvawajniy Diosneyqa.

Salmos 42:3

Maytaj Diosniykiri?, nispa, sapa rato tapushawajtinku, tuta p'unchay waqaynillay mikhunayqa karqa.

Salmos 42:4

Kaykunapi yuyani chayqa, llakiywan atipachikuni. Diospa wasinman pusasqayta, qhaparispa, kusiywantaj yupaychaspa, chaypachamá jatun fiesta karqaqa.

Salmos 74:10

Diosníy, mayk'ajkamataj enemigos toreawasqaykuri? Mayk'ajkamataj sajrata qanmanta parlanqankuri?

Salmos 79:10

Qanta mana qhatisojkuna nenqanku: Maypitaj Diosninku kashan?, nispa. Kamachisniykej wañuyninmanta ayni kutichisqata rikuchiwayku, Qanta mana qhatisojkunapis yachanankupaj.

Salmos 79:4

Qayllaykupi kajkunaj asipayanan kayku, muyuyniykupi kajkunaj asikunantaj.

Salmos 89:41

Tukuy chaynejta purejkuna suwanku, qayllasnimpi kajkunataj asipayanku.

Salmos 89:51

Señor, chay jinata enemigosniykeqa qhesachawanku, mayllapipis chay jinata ajllasqaykitapis qhesachanku.

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Isaías 37:20

Kunanqa Señor Diosniyku, Asiriospa makinmanta jark'awayku ari; ajinamanta kay jallp'a patapi kaj chhika naciones yachanankupaj qan k'atalla atiyniyoj Señor kasqaykita, nispa.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

Ezequiel 8:16

Chantá Señorta yupaychana wasi patio ukhuman pusaykuwarqa. Punku yaykuna altar chaupipi iskay chunka phishqayoj runas Señorpa tiyakunan wasiman wasanchakuspa, inti llojsimuy ladoman qhawarisqas, pampaman k'umuykuspa intita yupaychasharqanku.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Joel 1:9

chay kikinta sacerdotes waqanku; imaraykuchus templopi mana kanñachu poqojkunaqa, ni vinopis ofrendata Señorman jaywanapaj.

Amós 7:2

Chay langostasqa chay chajrasta rukushajtinña noqa nerqani: Señor Dios, juchasniykuta pampachapuwayku. Imaynatataj Jacobpa chhikititan aylluyki ñak'arenqari?

Amós 7:5

Noqataj nerqani: Amaña ari Señor, mañakuyki khuyakuyniykita. Imaynatataj Jacob chhikititan aylluyki ñak'arenqari?

Miqueas 7:10

Chay chejnikuwajniypis rikullanqataj, chaytaj p'enqaywan junt'aykuchenqa. Payqa niwaj: Maypitaj Señor Diosniyki kashan?, nispa. Jinapis kunanqa kusisqa kani rikuspa callespi t'uruta jina sarusqata.

Malaquías 1:9

Diosmanta mañakuychej khuyakunawanchejta. Chaywampis, sichus chay laya ofrendata jaywankichej chayqa, ama yuyaychejchu Dios kusiywan jap'ikunantaqa. Kayta Tukuy Atiyniyoj Señorqa nin: Noqa munayman mayqellampis qankunamanta templo punkuta wisq'aykapunanta, ama ujtawan qhasi mana kajpaj altarniypi nina jap'ichisqa kanampaj. Qankunawanqa mana kusiyniy kanchu, ofrendasniykichejtapis mana jap'isajñachu.

Números 25:6

Chaypachapuni uj israelitaqa madianita warmita jaraman pusaykorqa; Moisespa rikunanta, tukuy israelitas tantakuspa Dioswan tinkukuna toldo punkupi waqarashajtinku.

San Mateo 23:35

Mana juchayojkunaj yawarnin, kay jallp'a patapi jich'akusqan qankunaj pataykichejman jamonqa, cheqan kaj Abelpa yawarninmantapacha, Zacariaspa yawarninkama, pichus Berequiaspa wawan karqa. Paytaqa templopi, altar qayllapi wañucherqankichej.

San Mateo 27:43

Diosman atienekorqa, kunanqa Dios kacharichichun ari, munakun chayqa, imaraykuchus Diospa Churin kani nerqa.

Deuteronomio 28:37

Chantaqa maymanchá Señorqa apachisonqachej chay llajtaspi, millaypaj qhawasqas kankichej, imaymanatataj kajta mana kajta parlakusonqachej, asipayasonqachejtaj.

Deuteronomio 32:27

Chaytari mana ruwayta atinichu, enemigosniy wapuykachaspa ama ninankupaj: Mana Señorchu kaytaqa ruwashan, manachayqa noqanchej kaytaqa atiyninchejwan ruwashanchej, nispa.

Josué 7:9

Kunanqa kay imasmanta yachanqanku cananeos, tukuy kaynejpi tiyaj runas ima; ujllaman tantaykukuspataj jamuwasqayku, chinkachiwasqaykutaj mana ujniyojta, mana kanqachu yuyarikunallapajpis. Chantá imataj kanqa chay jatun sutiykimantari?