Joel 2:10 - Qheshwa Biblia DC

¹⁰ Jallp'a kharkatitin paykunaj ñaupaqempi. Janaj pachapis kuyurin. Intipis, jinallataj killapis laqhayaykunku. Qoyllurkunataj manaña k'anchankuchu.

DIOSPA QHELQACHISQAN DEUTEROCANONICAL

¹⁰ Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

DIOSPA QHELQACHISQ

¹⁰ Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Joel 2:10 Iomraidhean Croise

Salmos 114:7

Qan, jallp'a, kharkatiy, Jacobpa Diosnin Señorpa ñaupaqempi.

Salmos 18:7

Chaypacha sinch'ita jallp'aqa kharkaterqa. Orqospis uranmantapacha thalarikorqanku. Señorpa phiñakuyninwan ikhasqas karqanku.

Isaías 13:10

Chayrayku janaj pachapi kaj qoyllurkuna, imaschus k'anchajkuna ima manaña k'anchanqankuchu. Inti llojsimuytawan laqhayaykonqa, killapis manaña k'anchanqachu.

Isaías 34:4

Cielopi qoyllurkunapis chinkaraponqanku, cielopis papel jina mayt'uykukonqa, tukuy qoyllurkuna urmaramonqanku, uva sach'aj qawisqa laphisnin urmaran jinata, chayri higospa laphisnin jina.

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

Jeremías 4:23

Jallp'ata qhawarqani, rikorqanitaj ch'impachata, mana allin rijch'ayniyojtataj. Janaj pachata qhawarerqani, manataj k'anchayta rikorqanichu.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Joel 3:4

Qankunarí, imata munankichej noqawanri, Tiropi tiyakoj runas, Sidompi tiyakoj runas, jinataj Filisteapi tiyakoj runaspis? Vengakuytachu munankichej noqawan? Munashankichejchu imallatapis qosunaykichejta? Pisimantawan qopusqaykichej imachus qankunapaj atikusqanta, purisqaykichejman jina!

Amós 5:8

Señormin chay chhika ashkha qoyllurkunata ruwajqa, tutatapis p'unchayman tukuchin, p'unchaytapis laqhaman tukuchin; Pay mar qochamanta yakutapis wajyaspa jallp'a pataman parachimun; Paymin jatuchaj perqasta urmachin, raqaymantaj tukuchin. Paypa sutenqa Señormin.

Nahúm 1:5

Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

San Mateo 24:29

Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku.

San Mateo 27:51

Chay kikimpachataj, temploj cortinan iskayman llik'ikorqa patamanta urakama. Jallp'ataj kharkatiterqa, chhankaspis phatararqanku.

Hechos 2:20

Inti laqhayaykonqa, killataj yawar jina pukayaykonqa, manaraj Señorninchej Jesucristoj jatun p'unchaynin k'ancharispa rikhurimushajtin.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Apocalipsis 6:12

Sojta kaj sellota kicharejtintaj, rikorqani manchay jallp'a ikhakuyta; intitaj yanayarqa uj qhashqa yana p'acha jina, killataj yawarman tukorqa.

Apocalipsis 8:12

Tawa kaj angeltaj trompetata waqacherqa. Intej kinsa kaj t'aqan, killaj kinsa kaj t'aqan, qoyllurkunajtapis kinsa kaj t'aqan wajtasqa karqa. Chayrayku p'unchaypa kinsa kaj t'aqan manaña k'ancharqachu, ajinallataj tutajtapis.

Apocalipsis 9:2

Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.