Joel 2:1 - Qheshwa Biblia DC

¹ Sión orqopi putututa waqachiychej. Señorpata kaj llimphu orqompi sinch'ita putututa waqarichiychej. Judá llajtapi tiyakoj runas tukuyniykichej kharkatitiychej. Imaraykuchus, Señorpa p'unchaynenqa qayllapiña kashan.

DIOSPA QHELQACHISQAN DEUTEROCANONICAL

¹ Sión orqopi putututa waqachiychej. Noqaj ajllakusqay orqopitaj sinch'ita qhapariychej. Judá suyupi tiyakojkuna, tukuyniykichej kharkatitiychej, imaraykuchus Tata Diospa p'unchaynin chayamushanña.

DIOSPA QHELQACHISQ

¹ Sión orqopi putututa waqachiychej. Noqaj ajllakusqay orqopitaj sinch'ita qhapariychej. Judá suyupi tiyakojkuna, tukuyniykichej kharkatitiychej, imaraykuchus Tata Diospa p'unchaynin chayamushanña.

Joel 2:1 Iomraidhean Croise

1 Crónicas 15:28

Tukuy israelitas ajinata aparqanku allinyakuna Dioswan trato ruwasqa cajonnintaqa, kusiywan qhaparkachaspa, pututuspa ch'ajwaynimpi, trompetaspapi, platillospapi, jinataj salteriosta, arpasta tocarispa.

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

Salmos 87:1

Diospa llajtampa cimientosnenqa, santo orqokunapi sayachisqas kanku.

Éxodo 10:14

Langostasqa Egipto jallp'a patapi manchayta urphurispa tukuynejman junt'aykorqa ima qhoraschá kaj chhikata mikhoj. Chay jinapuni langostasqa mana jayk'ajpis karqachu, nitaj jayk'ajpis kanqachu.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 13:9

Señorpa p'unchaynenqa manchaytapuni jamushan, manchay llakiy p'unchay, k'ajaj phiñakuywan k'ajarishaj, jallp'ata ch'impachata saqenampaj, juchasapastapis chinkachinampaj.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

Jeremías 16:10

Maypachachus aylluyman kay willanata parlajtiyki tapusonqanku: Imaraykutaj Señorqa kay jatun ñak'ariykunata contraykupi kamacherqari? Ima sajrataj ruwarqaykuri? Ima juchatataj ruwaykuman karqa Señor Diosniykojpa contrampiri?, nispa.

Jeremías 16:7

Chay wañojpa ayllusninta sonqochaykunampaj mana pipis qorpachakusta ruwanqachu, nitaj tatan wañupojtin, chayri maman wañupojtimpis.

Jeremías 4:5

Kayta willaraykichej Jerusalempi, jinallataj Judá ayllupi, putututa waqachispa qhapariychej kay tukuy jallp'api, sinch'itapuni qhapariychej: Tantakamuychej! Jamuychej, pakakunasniyoj llajtasman!

Jeremías 5:22

Noqa Señor nini: Qankuna manachu manchachikuwankichej? Manachu ñaupaqeypi kaspa kharkatitinkichej? Noqa mar qochaj cantosninman t'iyuta churani. Chay tukuyninmanta astawan jaqaymanqa mar qocha mana pasanñachu. Chay qhollchoqeyasqasnenqa astawan astawan, manchayta sonarispa phiñarikun, chaywampis mana pasayta atinchu.

Ezequiel 12:23

Paykunaman niy ari: Señorqa nin ama chay nisqaqa ujtawampis Israelpi parlachunchu. Nillaytaj paykunaman, profetaman mosqoypi jina rikhurisqan junt'akunampaj p'unchayqa qayllamushanña.

Ezequiel 21:12

Qantaj, sonqo nanayta qhapariy, imaraykuchus kayqa aylluyta wañurachinapaj wakichisqa kashan, tukuy Israelta kamachejkunapajtaj. Paykunaqa aylluywan khuska wañuranankupaj juchachasqas kanku, chayrayku llakiywan pechoykita takakuy.

Ezequiel 30:3

Chay p'unchayqa qayllamushanña. Qayllapiñapuni Señorpa p'unchaynenqa kashan! Phuyusniyoj p'unchay kanqa. Llajtakunapaj chay p'unchayqa uj jasut'i jina kanqa!

Ezequiel 33:3

Payta chay llajtaj contrampi soldados jamojta rikuspa, putututa waqachinman, llajta masisninmantaj willanman.

Ezequiel 33:6

Sichus llajtata qhawajkuna, llajtaj contrampi soldados yaykumushajta rikuspa putututa mana waqachinmanchu chayqa, llajtapi runasqa mana willasqachu kanman, enemigotaj yaykumuspa mayqen runallatapis wañuchenqa chayqa, chay qhawajqa juchanrayku wañonqa, noqataj paymanta chay wañusqasmanta cuentata mañasaj.

Ezequiel 7:10

Kayqa chay p'unchayqa. Chayamushanña! Sut'iyamushanña! Sajra kajqa tukuynejpi t'ika jina qhallallarishan, alqochakuytaj may karishan.

Ezequiel 7:12

Tiempoqa chayamunña, p'unchaytaj qayllapiña. Qhatupi vendejqa ama kusikuchunchu. Rantikojpis ama phutikuchunchu. Israelpa runaykachayninta phiñakuywan jasut'isaj.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Joel 2:15

Sión orqopi putututa waqachiychej! Runasta tantarqamuychej. Ayuno kananmanta paykunaman willaraychej.

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Joel 3:14

Decidikuna Vallepeqa, manchay ashkhapuni kashanku. Señorpa p'unchaynenqa qayllamushanña.

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Amós 3:6

Llajta ukhupi pututu qhaparin chayqa, runas mancharinkupacha; ima sajrapis llajta ukhupi kan chaytaqa, Señormin kachamun.

Amós 5:18

Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

Amós 8:2

Paytaj tapuwarqa: Amós, imatá rikunki. Kuticherqanitaj: Uj poqosqa frutayoj canastata rikuni, nispa. Señortaj niwarqa: Israel aylluypa jasut'iynin chayamunña, manaña ujtawampis juchasninta pampachasajchu.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

Sofonías 1:14

Señorpa jatun p'unchaynenqa qayllamushanña! Qayllapiña, usqhayllata chayamushan! Señorpa p'unchaynimpa suyaynenqa sonqo nanachej kanqa: Chay p'unchaypeqa aswan atiyniyoj kajkunapis qhaparikonqanku!

Sofonías 1:16

Chay p'unchaypi pututu waqanqa. Qhaparisqataj kanqa kallpachasqa llajtaspa contrampi, jatuchaj qhawana torresnimpa contrampitaj.

Sofonías 1:7

Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!

Sofonías 3:11

Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

Zacarías 14:1

Jamushanña Señorpa p'unchaynenqa maypachachus Jerusalempi qankuna ukhupi puchojkunapis rak'irasqas kanqanku chaypacha.

Zacarías 8:3

Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Números 10:3

Iskaynin cornetas waqanqa chayqa, tukuynin runas ñaupaqeykiman tantakamonqanku, Dioswan parlana toldo punkuman.

1 Corintios 14:8

Pututuchus mana allinta waqanman chayqa, pitaj wakichikunman guerraman rinampajri?

Filipenses 2:12

Munakusqasníy, imaynatachus qankuna kasuwajpuni kankichej chaypi kashajtiy; chantá mana chaypi kashajtillaychu, astawanqa karupi kashajtiypis kasuwankichej. Chayrayku kunanqa astawan llank'aychej salvacionniykichejpi Diosta manchachikuspa.

1 Tesalonicenses 5:2

Qankunaqa allinta yachankichej suwaqa tuta jamusqanta; ajinallatataj Señorpa p'unchaynimpis jamonqa.

Santiago 5:8

Ajinata, qankunapis pacienciakuychej. Sonqosniykichejta kallpachaychej. Señorpa jamuynin qayllamushanña.

1 Pedro 4:7

Tukuy imaj tukukuynin qayllapiña. Maychus kajta ruwaspa kausakuychej. Mana sayk'uspataj Diosmanta mañakuychej.

Apocalipsis 6:17

Paypa k'ajaj phiñakuynimpa jatun p'unchaynin chayamunña. Pitaj atenqa sayaytari?