Jeremías 9:5 - Qheshwa Biblia DC

⁵ Sapa ujpis purajmanta llullanaykukunku, manataj pipis cheqanta parlajqa kanchu. Llullakuyllamanña yachaykukunku, ancha sajras kanku, manapuni saqenankupaj jinachu kanku.

DIOSPA QHELQACHISQAN DEUTEROCANONICAL

⁵ 5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

DIOSPA QHELQACHISQ

⁵ 5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Jeremías 9:5 Iomraidhean Croise

Génesis 19:11

Runastataj tukuyninta ciegoyarpacherqanku juch'uy jatunta jawapi kajkunata. Jinamanta runasqa sayk'unankukama punkusta mask'arqanku, imaraykuchus ñawisninku mana rikorqachu.

Job 11:3

Chay jina palabrasniykiwanchu noqaykuta ch'inyachiyta munawayku? Kay jinata alqochakuwasqaykumanta manachu pipis p'enqachisonqa?

Job 15:5

Simillaykitaj sut'inchasunki juchasniykita; ch'aukiyay palabrasta parlayta qan ajllanki.

Salmos 140:3

Paykunaqa katari jina qallunkuta sik'imunku, parlasqankutaj cascabel katarej venenon jina.

Salmos 50:19

Sajrata parlanaykipaj llullakunaykipajwan qalluykita kacharinki.

Salmos 52:3

Astawan munanki sajrata ruwayta, allin ruwaymantaqa llullakuyta munanki, cheqanta parlaymantaqa.

Salmos 64:3

Espadata jina qallunkuta filoyachinku. Parlayninkoqa venenoyoj flechas jina.

Salmos 7:14

Sajra runata rikuychej; mana allin kajwan chichuyan, llullatataj wachanqa.

Proverbios 12:5

Cheqan runasqa cheqan imaspipuni yuyanku; sajra runastaj, ch'aukiyayllapi yuyanku.

Proverbios 4:16

Paykunaqa ima sajratapis mana ruwaspaqa mana puñuykunkuchu, pitapis mana urmachispaqa puñuyninkuta chinkachinku.

Isaías 5:18

Ay, qankunamanta llullakuspa sajra kajta qhatatejkunaqa, carretata jina qhatatinku juchata qhatatejkunaqa!

Isaías 57:10

Chay chhika purisqaykipi qanqa sayk'orqanki, manataj nerqankichu: Manaña atinichu, nispa. Ujtawan makiykipi kallpaqa rikhurillarqataj, chayrayku qan mana llauch'iyarqankichu.

Jeremías 12:13

Tarporqanku trigota, khishkasllatataj oqharerqanku. Tukuypa llank'asqankoqa qhasillapaj karqa. Chajrasqa mana poqorqachu, noqaj sinch'i phiñakuyniyrayku.

Jeremías 12:6

Kikin wauqesniyki kajkunallamantataj wasanchasunku, qhepaykimantataj phiñasqas qhaparimusunku. Ama paykunapi chhikata atienekuychu, ni misk'i parlaywan parlasojtinkupis.

Jeremías 13:23

Uj yana runaqa atinmanchu yurajman tukuyta? Atillanmantajchu chay leopardoqa chay yanasninta qhechukuyta? Qankunapis sajra ruwayman yachasqa kashaspaqa, nillataj allin kajta ruwayta atiwajchejchu.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Jeremías 51:58

Babiloniaj chay phatu perqasnin tukuynin urmachisqas kanqanku, chay chhikachachaj punkusnimpis ruphaykuchisqas kanqanku. Qhasillapaj chay nacionesqa llank'akorqanku, chay sayk'ukusqankoqa ninallapi ruphasqas tukukonqanku. Ajinata Tukuy Atiyniyoj Señorqa nin.

Jeremías 7:28

Niy: Kaymin chay nacionqa Señor Diosninta mana kasojqa, nitaj kasukuyta munajqa. Chay cheqan kaj ruwayqa mana kanchu, manañataj ujtawan chaymanta parlallankupischu.

Jeremías 9:3

Imatapis llullakuspa nirinapajqa churasqas kanku, imaynatachus flechasmanta wach'inasta kacharinku ajinata. Kay jallp'apeqa llullakuylla junt'a kashan, manataj cheqa kajqa kanchu, jinamanta astawan astawan mana allin kayman rishanku. Mana rejsiyta munawankuchu, nispa kikin Señor nin.

Jeremías 9:8

Qallusninkoqa wañuchej wach'inas jina, mana kajta parlaspa purinku. Kausaqesninkuta may misk'ita napaykurinku, wasankumantataj tojllasta wakichishanku.

Ezequiel 24:12

Chay tukuywampis manapuni llojsinchu chay chhika ch'ichichakusqanqa, ninawampis manapuni llojsinchu.

Miqueas 6:12

Kay llajtamanta qhapaj kajkuna tukuyninku kaypi tiyakojkunamantaqa; ñak'arichejkuna kanku, llullas, ch'aukeyajkunataj kanku.

Miqueas 6:3

Kayta nin Señorqa: Kutichiway ayllúy, imanarqaykitaj, chayri imapitaj phiñacherqaykiri?

Habacuc 2:13

Tukuy Atiyniyoj Señormin, chay may sayk'uy sayk'uywan chay tukuy ruwasqasniyki qhasipaj kananta nenqa, imaraykuchus tukuy ruwasqasniyki ninawan q'ala ruphachisqas kanqanku.

Malaquías 2:10

Manachu tukuyninchej uj Tatayojlla kanchej? Manachu uj Dioslla tukuyninchejta ruwawarqanchej? Imajtintaj ujkunaqa ujkunata ch'aukiyanakunchejrí, ajinamanta p'akispa, ñaupa tatasninchejpa Dioswan trato ruwasqanta?

Efesios 4:25

Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

1 Timoteo 4:2

Puraj uyas parlanqanku llullakuspa. Paykunaj concienciankutaj rupha fierrowan jina marcasqa kashan.

Jueces 2:10

Jinallatataj Josuejpa mit'anmanta kajkuna israelitaspis wañupullarqankutaj. Ajinamantari chay qhepamanña nacekojkunaqa mana yacharqankuchu Señormanta nitaj imastachus israelitasman kutisqata ruwasqasnintapis.