Jeremías 7:9 - Qheshwa Biblia DC

⁹ Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

DIOSPA QHELQACHISQAN DEUTEROCANONICAL

⁹ Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

DIOSPA QHELQACHISQ

⁹ Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Jeremías 7:9 Iomraidhean Croise

1 Reyes 18:21

Eliastaj tukuynin runasman chimpaykuytawan nerqa: Mayk'ajkamataj iskay yuyayniyojllapuni qankuna kankichejri? Señorpuni Dios kajtenqa qhatiychej, chayri Baal dios kajtenqa qhepanta riychej. Runastaj mana imatapis kuticherqankuchu.

Éxodo 20:3

Noqamanta astawan waj dioskunataqa ama yupaychankichu.

Isaías 1:13

Ama apamuwaychejchu mana walej rikuchikustaqa; millachikuniña chaykunaj q'osñinta. Qankuna tukuy runasta wajyankichej, qankuna tukuy runasta wajyankichej killa qallarikuy fiestata ruwanaykichejpaj, samakuna p'unchaytapis waqaychanaykichejpaj. Noqarí mana munanipunichu chaykunatawan, sajra imastawan ujllapi ruwanaykichejta.

Isaías 58:2

Sapa p'unchay mask'awanku. Paykuna ñanniyta rejsiyta munanku, cheqanta ruwaj naciompis kanman jina, Diosninkoj kamachisqasninta manapis saqenkumanchu karqa jina. Paykuna cheqan kamachiykunata mañawanku, Diosman qayllaykamuytataj munanku.

Jeremías 1:16

Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

Jeremías 13:10

Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

Jeremías 44:3

Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Jeremías 44:9

Ñachu qonqapunkichejña ñaupa tatasniykichejpa tukuy juchasta ruwasqasninkumanta, Judamanta reykunajta, chantá warmisninkojmanta qankuna kikiykichej ruwasqasniykichejmanta, warmisniykichejpis chay tukuy Judá jallp'api, jinataj Jerusalén callespipis?

Jeremías 48:35

Señorqa nillantaj: Noqa Moabmanta runasta tukuchisaj, paykuna orqosman wicharinku chay lanti wasisninkuman, rikuchikusta, inciensostawan dioskunasninkuman jaywamunankupaj.

Jeremías 5:2

Señorpa kausayninrayku jurajkunapis, llullakuspa juranku.

Jeremías 5:7

Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

Ezequiel 18:18

Tatanrí runa masinta ñak'aricherqa, suwakorqa, aylluy ukhupi mana allin imasta ruwarqa. Chayrayku payqa kikin juchasninmanta wañonqa.

Ezequiel 20:30

Israel aylluman noqamanta niy: Señorqa kay jinata nin: Imaraykutaj qankuna ñaupa tatasniykichej jina ch'ichichakuyta munankichejri? Imaraykutaj noqamanta karunchakuspa millay lantista yupaychankichejri?

Ezequiel 23:39

Wawasninkuta dioskunasninkuman ninapi ruphachispa jaywarqanku, chay kikin p'unchayllapitaj wasinkuman yaykuspa ch'ichicharqanku. Chayta ruwarqanku kikin wasiypi.

Ezequiel 5:11

Chantapis Señorqa nin: Noqa kausayniyrayku jurani, tiyakunay cheqanta chhika millay juchaswan ch'ichichasqaykirayku noqapis qanta qhesachasqayki, mana perdonasqaykichu, nitaj khuyakusqaykichu.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Oseas 6:9

Sacerdotesqa paykuna ukhumanta tukuyninku suwayman qokapunku, runasmanta suwanankupaj qhawasqallankupiña kanku; wañuchinankupaj, tukuy p'enqay ruwaykunasta ruwanankupajtaj Siquem tukuy ñan rejpi.

Amós 4:5

Mana levadurayoj t'antasta ruphachiychej graciasta qona ofrendata jina, ofrenda qosqaykichejtataj tukuyman willaychej. Chaymin qankunapajqa sumaj. Ajinata nin Señorqa.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Romanos 2:2

Yachanchej Diospa juicionqa, cheqa kajman jina, juchata ruwajkunaj contrampi kasqanta.

Deuteronomio 32:17

Diosman jaywanankutaqa supayllaman rikuchikusta jaywarqanku, mana jayk'aj rejsisqanku dioskunaman, chaypachalla ruwasqa dioskunaman. Chaykunataqa tatasniykichej mana yupaycharqankuchu.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Jueces 5:8

Waj dioskunata ajllakojtinkoqa, llajtaj punkusnimpi maqanakus kallarqapuni, chay tawa chunka waranqa israelitas ukhupeqa mana rikukorqachu ni uj escudo nitaj uj lanzallapis.