Jeremías 5:7 - Qheshwa Biblia DC

⁷ Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

DIOSPA QHELQACHISQAN DEUTEROCANONICAL

⁷ Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

DIOSPA QHELQACHISQ

⁷ Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Jeremías 5:7 Iomraidhean Croise

2 Crónicas 13:9

Manachu qankunaqa chaykunaman atienikuspa Señorpa sacerdotesninta chanta qharqorqankichej, Aarompa mirayninmanta kaj levitastapi, mana Diosta rejsejkuna naciones jina sacerdotesta churakorqankichej? Pillapis llimphuchakuyta munaspa jamojtin uj waka uñawan, qanchis corderoswantaj, sacerdote kayta munaj kaj dioskunamanta?

Job 31:12

Chayqa nina jap'ikuspa imatapis q'olarparin jina kanman, imay kajtapis tukuyninta tukuchipuwanman.

Salmos 50:18

Suwataqa ojllaykunaykipaj suyanki, khuchi runawantaj kausakunki.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Jeremías 13:27

Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

Jeremías 16:11

Qantaj paykunaman kutichinki: Señorqa nillantaj: Kay tukoyqa qhatirisunkichej ñaupa tatasniykichej saqerpayawarqanku, waj dioskunata, qhepantataj riporqanku yupaychaykunasta qonankupaj; noqata saqerpariwarqanku, manataj junt'arqankuchu chay noqaj yachachisqasniyta.

Jeremías 16:20

Runaqa dioskunata mana ruwayta atinmanchu. Chaypachaqa chay dioskunas manapuni cheqan dioskunachu kanku.

Jeremías 2:11

Ima naciontaj dioskunasninta cambian, manapis cheqa dioskunachu kashajtin. Chaywampis aylluytaqa atiyniyoj Diosninta saqerpariwan, qhasi manakaj lantisman ripunankupaj.

Jeremías 2:31

Qankunapis kunan p'unchaypi kausajkuna, Señorpa parlasqanta allinta uyariychej. Israel, qampaj noqaqa uj ch'in pampa jinachu karqaniri? Chayri, laqhayaywan junt'asqa jallp'achu karqaniri? Ayllúy, imaraykutaj ninki: Qanmanta kacharisqas kayku; ni jayk'aj qanman kutimusqaykuñachu, nispari?

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Jeremías 9:2

Imaynapichus noqajta ch'in pampapi uj cheqampi tiyarikunaypaj kapuwanman, jinamanta aylluymanta karuncharikunaypaj. Paykuna tukuyninku wasanchajkuna kanku, llullirioswan ch'ataykojkuna kanku.

Lamentaciones 3:42

Noqaykoqa qampa contraykita oqharikorqayku, manataj cheqantachu purerqayku. Chaymanta qanqa mana perdonawaykuchu.

Ezequiel 22:11

Sapa ujninku runa masimpa warminwan qhenchakorqanku. Manachayqa qhachunninwan millayta qhenchachakorqanku, manachayrí kikin tatampa wawanwan qhenchachakorqanku.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

Oseas 7:4

Tukuyninku qhenchas kanku; Uj horno jina kanku, uj enqhaj enqhayta saqerparinman, chaykamataj t'anta masaqa poqoykapunmanña ajinata.

Levítico 20:10

Sichus pipis runa masimpa warminwan puñuykapunman chayqa, chay qhenchachakoj qhari, jinallataj chay qhenchachakoj warmipis wañuchisqaspuni kanqanku.

Amós 8:14

Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

Gálatas 4:8

Cheqamanta ñaupajta manaraj Diosta rejsishaspa, yupaycharqankichej mana kaj dioskunata.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Josué 23:7

Ajinamanta chaupiykichejpi waj runas tiyashankuraj chaykunawan amapuni chajrukunaykichejpaj, dioskunasninkuta ama yupaychanaykichejpaj, ama kasunaykichejpaj, ni chaykunamanta parlarillankichejpischu, nitaj qonqorikunkichejchu, nitaj chaykunaj sutimpi jurankichejchu.