Jeremías 5:3 - Qheshwa Biblia DC

³ Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

DIOSPA QHELQACHISQAN DEUTEROCANONICAL

³ Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

DIOSPA QHELQACHISQ

³ Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Jeremías 5:3 Iomraidhean Croise

Génesis 19:34

Q'ayantintaj kuraj kajqa sullk'anman nerqa: Noqa ch'isi tatanchejwan puñuni; kunan ch'isi ujtawan vinowan machaykuchinallataj, jinaspataj qanñataj paywan puñunki, ajinamanta tatanchejpaj wawasniyoj kananchejpaj.

1 Reyes 13:33

Chay tukuywampis Jeroboamqa manapuni sajra ñanninmanta t'aqakorqachu, aswampis watejmanta churallarqataj sacerdotesta llajta runasllamanta, chay loma pata altarespaj, pitachus munasqanta ajllallaj chay altarespi sacerdotes kanankupaj.

2 Reyes 1:13

Kinsa kaj kutipi watejmanta waj phishqa chunka soldadosta, capitán nintawan kachallarqataj: Paytaj rispa Eliasman chimpakuytawan qonqoriykukuspa mañakorqa: Diospa runan mañakuyki, qampa ñaupaqeykipi noqaj kausayniy kay phishqa chunka soldadosniypatawan kausaynin allimpaj qhawasqa kachun.

2 Crónicas 16:9

Señorqa sumajta qhawamushan tukuy kay pachata, kallpachanampaj tukuy sonqowan paypi atienikunku chaykunata. Kaykunataqa uj wampu runa jina ruwanki. Chayrayku kunanmanta ñaupajmanqa maqanakus qhatirillasonqapuni.

2 Crónicas 28:22

Chay jina llakiywan mat'isqa kashaspapis, Señorpa contrampi juchallillarqapuni. Ajina rey Acazqa karqa.

Salmos 51:6

Qanqa cheqan sonqoyoj runata munakunki. Sonqoypitaj yachachiwarqanki.

Salmos 51:8

Señor, jatun kusikuywan junt'achiway. Llakiywan lastachiwarqanki chaypis, watejmanta kusichiway.

Salmos 55:20

Makinkuta amigosninkoj contranta oqharinku. Trato ruwasqankutataj p'akinku.

Proverbios 21:29

Juchasapaqa cheqantapis purishanman jina rikuchin, allinta purej runarí, yachan imaynatachus purisqanta.

Proverbios 22:12

Señorqa yachayniyojta sumajta qhawan, llullaspa palabrasnintataj Señorqa sut'incharparin.

Proverbios 23:35

Chantaqa ninki: Wajtawanku, nitaj nanachiwankuchu; jasut'iwanku, nitaj yuyakunichu; yuyayniyman tukuspari vinota mask'amullanipuni, nispa.

Proverbios 27:22

Wampu runataqa wampu kayninta mana qonqachisunmanchu, kutanapi kutin kutinta trigota jina kutashaspapis.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Isaías 42:25

Chayrayku, paykunaj patankuman manchay k'ajaj phiñakuyninta jich'amorqa, manchay ch'ajwapi kanankupaj. Tukuynejman jinata jap'iykucherqa. Chaywampis mana unancharqankuchu. Chay jinata ruphachishajtimpis mana kasorqankuchu.

Isaías 48:4

Chayqa karqa k'ullu kasqaykirayku, much'uykeqa fierro jina, frenteykipis bronce jina.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Jeremías 15:7

Runasniykitaqa ichhuta jina ch'eqeracherqani, jallp'aykej llajtasninmanta orqhospa. Mana wawasniyojta aylluyta saqerqani, paykunata tukucherqani, imaraykuchus mana chay sajra kausayninkuta saqeyta munarqankuchu.

Jeremías 17:23

Paykunataj mana uyariwarqankuchu, manachayqa k'ullukorqanku, manataj kasuwayta munarqankuchu, nitaj wanaytapis.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

Jeremías 44:10

Kunankama qankunaqa mana saqenkichejchu sajra puriyniykichejta, nitaj manchachikuyniykichejpis kanchu, nitaj yachachisqasta, nitaj leykunastapis junt'ankichejchu, qankunaman, jinataj ñaupa tatasniykichejmampis qorqani chaykunata ima.

Jeremías 7:26

Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

Jeremías 7:28

Niy: Kaymin chay nacionqa Señor Diosninta mana kasojqa, nitaj kasukuyta munajqa. Chay cheqan kaj ruwayqa mana kanchu, manañataj ujtawan chaymanta parlallankupischu.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Ezequiel 2:4

Wawasninkupis mana q'ewiy atina jina, rumi sonqostaj kanku. Paykunaman parlamunaykipaj qanta kachasqayki, kay jinata paykunaman niy: Señorqa kayta nin.

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Daniel (hebreo) 9:13

Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.

Levítico 26:23

Chay tukuywampis manapuni kasuwankichejchu, noqaj contrallaypuni kankichej chayqa, noqapis qankunaj contraykichejman tukusaj. Uj qanchis kutitawantaj jasut'isqaykichej juchasniykichejman jina.

Amós 4:10

Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Amós 4:8

Runastaj llajtamanta llajta rerqanku yakuta mask'aspa manataj tarerqankuchu ch'akiyninkuta thasnunankupaj jina. Qankunataj mana noqaman kutirimuwankichejchu. Ajinata nin Señorqa.

Amós 4:9

Q'oñi wayrawan jasut'erqaykichej, chajrasniykichejtapis khuruykucherqani, huertasniykichejta ch'akicherqani, jinallataj uvasniykichejtapis. Langostaswan mikhuracherqani higos sach'asniykichejta, olivo sach'asniykichejta ima. Qankunataj noqaman mana kutirimuwankichejchu. Ajinata ni Señorqa.

Sofonías 3:7

Yuyarqani ajinamanta Jerusalén llajta manchachikunawanta. K'amisqaytataj jap'ikunanta, chay jinamanta noqa jasut'ejtiy ama aylluntin wañunampaj. Aswampis paykunaqa usqhaychakorqanku tukuy laya sajra ruwanasman.

Romanos 2:2

Yachanchej Diospa juicionqa, cheqa kajman jina, juchata ruwajkunaj contrampi kasqanta.

Hebreos 12:9

Chantá, kay pacha tatasninchej jasut'iwajtinchej, kasoj kanchej. Manachu astawanraj janaj pacha Tatanchejta kasunanchej kausananchejpajqa?