Jeremías 49:3 - Qheshwa Biblia DC

³ Hesbón llajta waqay, Hai llajtaqa phirisqaña kashan. Rabamanta warmis, sinch'ita waqaraychej. Llakiy p'achawan p'achallikuychej, pechoykichejta takakuychej. Locas jina correykachaychej, ukhuykichejta nanarachikuychej. Milcom nisqa dios waj llajtaman wijch'usqa kashan, tukuy sacerdotesnintin, jinataj allichaj runasnintin.

DIOSPA QHELQACHISQAN DEUTEROCANONICAL

³ Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

DIOSPA QHELQACHISQ

³ Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Jeremías 49:3 Iomraidhean Croise

2 Samuel 11:1

Chay qhepan kaj watapi, reykuna maqanakuman llojsinku chay tiempopi, Davidqa kacharqa Joabta, yanapajkunasninta, chantá tukuy israelita soldadostawan khuska, paykunaqa amonitasta maqanakupi atipaykorqanku, Rabá llajtatataj muyuykorqanku. Chaykamataj Davidqa Jerusalempi qhepakorqa.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

1 Reyes 11:5

Imaraykuchus Salomonqa yupaycharqa Astarteta, sidoniospa china diosninkuta; Amonitaspa chay millay lantinku Milcomtawan.

2 Reyes 23:13

Ajinallatataj rey Josiasqa Jerusalén chimpapi lomas patapi altaresta ch'ichichaykorqa. Olivos orqoj pañannejpi kajkunata, mayqenkunatachus rey Salomón ruwasqa sidoniospa millay lantej Astortepaj, moabitaspa millay lantin Quemospa, Amompa millay lantin Milcompajwan.

Esdras 2:28

Betel llajtayojkunamanta, Hai llajtayojkunamantawan: Iskay pachaj iskay chunka kinsayoj.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 14:31

Filistea llajtas, alqo jina qhapariychej, nanaywan qhapariychej, manchariywan kharkatitiychej, imaraykuchus patanejmanta manchay q'osñi phuyu jina jamusonqachej, manañataj ni ujpis tantakunasniykichejpi qhepakunkichejchu.

Isaías 15:2

Paykuna alto orqosman waqaj wicharerqanku, Bayitman, Dibonman ima. Moabqa Nebo puntaman wicharenqa, Medeba puntamanwan chaypi waqamunankupaj; chay runastaqa chujchasninkuta, sunkhasninkutawan ruthuranqanku.

Isaías 16:7

Chayrayku Moabpi tiyakojkunaqa nacionninkumanta waqanku; may llakisqas waqanqanku Kir-hareset llajtapi runasmanta.

Isaías 23:1

Tiroj contrampi willay. Tarsispi kajkuna barcos, waqaychej, imaraykuchus Tiroqa thuñisqa mana uj wasiyoj. Chayrayku ni mayman yaykunapaj kanchu. Quitim jallp'amantapacha chay imastaqa yachachimunku.

Isaías 23:6

Tarsiskama riychej, mar qocha cantospi tiyakojkuna, waqamuychej.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Jeremías 46:25

Israelpa Tukuy Atiyniyoj Señor Diosnin nin: Amonta, Tebaspa diosninta, Egiptota dioskunasnintinta, reykunasnintapis jasut'isaj, faraonta, chanta paypi atienekojkunatapis.

Jeremías 48:2

Moab llajtaj runaykachaynenqa tukukunña. Hesbón llajtapi enemigosnenqa umachakuspa wakichikunku, Moabta imaynamantachus chinkachinankuta. Qampis, Madmén phirisqallataj kanki, maqanakupis qhepallaykitapuni jamonqa.

Jeremías 48:20

Moabqa may k'umuykachachisqa, mancharisqataj kashan. Paymanta nanaywan waqaychej. Arnón mayupi willamuychej Moabqa chinkachisqa kasqanta.

Jeremías 48:37

Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

Jeremías 48:7

Moab, qanqa kallpallaykipi atienekorqanki, jinataj qhapaj kaynillaykipi, jinapis qampis jap'isqallataj kanki. Quemós diosniykeqa waj llajtaman wijch'usqa kanqa sacerdotesninwan khuska, sumachaj runasninwan ima.

Jeremías 49:1

Señormanta uj willay jamun, Amón imaynatachus kananmanta: Maypitaj kashanku Israel runaspa wawasninri? Maypitaj kashanku chayaqeykita jap'ikusojkunari? Imaraykutaj dios Milcomña kunan Gadmanta dueño kashanri? Imaraykutaj amonitasqa llajtankupi tiyakushankuri?

Jeremías 51:8

Jinapis, Babiloniaqa ujllata urmarqa phirikunankama. Paymanta waqaychej. Chay nanachikusqasnimpaj jampista apamuychej ichapis thañikonqaraj.

Jeremías 6:26

Ayllúy, qhashqa p'achasta churakuy, llakiy p'achata churakuy, ushphapi sunt'iray; qhaparqachaspataj waqay, imaynatachus uj k'ata wawanku wañupojtin waqanku ajinata. Noqanchejta wañuchejkunaqa contranchejpi ñapis jamushanña.

Amós 1:15

Reyninkutaj ch'in pampaman ayqenqa tukuy sumachaj runasninwan. Ajinatamin nin Señorqa.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Santiago 5:1

Kunanqa, qhapajkuna, waqaychej ari, qhapariychej qankunaman llakiykuna jamunanmanta.

Josué 7:2

Josueqa Jericomantapacha runasta kacharqa Hai llajtata qhawamunankupaj; Chay llajtataj kashan Betelpa inti llojsimuynimpi, Bet-aven qayllapi. Paykunaman nerqa imaynatachus chay jallp'asta qhawaramunankuta. Paykunataj rispa sumajta Haita qhawaramorqanku.

Josué 8:1

Señorqa Josueman nerqa: Ama manchachikuychu, nitaj iskayrayaychu. Tukuy soldadosniykita pusariykukuspa Hai llajtaman wichariy, noqa Hai llajtaj reyninta, runasnintawan makisniykiman jaywasqayki. Chaymantaqa jallp'asninku, llajtanku imataj qampata kanqa.

Josué 8:28

Josuetaj Hai llajtata ruphaykucherqa, wiñaypaj laqayapachata saqerparerqa, kunankama jina kashan.