Jeremías 48:13 - Qheshwa Biblia DC

¹³ Chaypacha Moabqa Quemós diosnnejta ch'aukiyasqa rikhurenqa, imaynatachus Israelpis Betelwan ch'aukiyachikorqa ajinata, mayqempichus tukuy sonqowan atienekorqa.

DIOSPA QHELQACHISQAN DEUTEROCANONICAL

¹³ Chaypacha Moabqa Quemos diosninmanta p'enqakonqa, imaynatachus Israelpis Betelmanta p'enqakorqa, ajinata, mayqenpichus tukuy sonqowan atinikorqa, chaymanta.

DIOSPA QHELQACHISQ

¹³ Chaypacha Moabqa Quemos diosninmanta p'enqakonqa, imaynatachus Israelpis Betelmanta p'enqakorqa, ajinata, mayqenpichus tukuy sonqowan atinikorqa, chaymanta.

Jeremías 48:13 Iomraidhean Croise

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

1 Reyes 11:7

Chanta Salomonqa Moabpa millay lantin Quemospaj uj altarta wakicherqa, Jerusalempa chimpan orqopi; Amonitaspa chay millay lantin Molocpajpis uj altarta wakichillarqataj.

1 Reyes 18:40

Chanta Eliasqa nerqa: Baalpa profetasninta jap'iychej, amataj ujpis ayqechunkuchu. Paykunataj jap'erqanku; Eliastaj Cisón wayq'oman pusaspa chaypi qholurarqa.

2 Crónicas 25:15

Señortaj Amasiaspa contrampi phiñakorqa, kacharqataj uj profetata nimunampaj: Imaraykutaj chay naciompa dioskunasninman chimparqanki, paykunaqa llajtankutapis librayta mana atishajtinkuri?

Isaías 16:12

Moabqa may jinatapis orqo pataman wicharispa sayk'unankama mañakuchun, yupaychana wasinmampis mañakoj yaykuchun, mana imatapis tarenqachu.

Isaías 2:20

Chay p'unchaykunapi runasqa, qorimanta, qolqemanta ima yupaychanankupaj ruwakusqanku lantista, juk'uchasman, ch'iñisman ima wijch'onqanku.

Isaías 45:16

Tukuyninku paykunaqa k'umuykachachisqas, p'enqachisqastaj kanqanku; jinallataj imaymana lantista ruwajkunapis may p'enqaypi rikhurenqanku.

Isaías 45:20

Tantakuspa jamuwaychej. Tukuy nacionespi kausashajkuna qayllamuwaychej. Maderamanta ruwasqa lantisninkuta oqharispa apajkunaqa mana yachankuchu imatachus ruwasqankuta. Mana salvayta atej diosmanta qhasi manakajllata mañakunku.

Jeremías 48:12

Jinapis Señorqa nin: Uj p'unchay chayamonqa maypachachus runasta kachamusaj chay vinota waj yurusman jich'anankupaj, ch'usaj kajtinkutaj phirinankupaj.

Jeremías 48:39

Moab llajtamanta waqaychej, manchachikuywan junt'a kashan. P'enqayta wasanta kutiricherqa, tukuy muyuynimpi kajkunaj ñaupaqempi millay qhesachasqaman tukurparerqa.

Jeremías 48:46

Ay, qanmanta Moab llajta. Quemós llajta kichasqaña kanki. Qhari wawasniykita, warmi wawasniykitapis jallp'ankumanta apakaponqanku.

Jeremías 48:7

Moab, qanqa kallpallaykipi atienekorqanki, jinataj qhapaj kaynillaykipi, jinapis qampis jap'isqallataj kanki. Quemós diosniykeqa waj llajtaman wijch'usqa kanqa sacerdotesninwan khuska, sumachaj runasninwan ima.

Jueces 11:24

Sichus diosniyki Quemos imatapis qosunkiman, chaytataj qampata kasqanta ninki. Manachu jina? Ajinallatataj noqaykupis imastachus Señorqa ñaupaqeykupi qhechuspa qowasqaykutaqa noqaykojta kasqanta qhawayku.