Jeremías 44:4 - Qheshwa Biblia DC

⁴ Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

DIOSPA QHELQACHISQAN DEUTEROCANONICAL

⁴ Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

DIOSPA QHELQACHISQ

⁴ Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 44:4 Iomraidhean Croise

2 Crónicas 36:15

Ñaupa tatasninkoj Señor Diosninkoqa palabranta apachillarqapuni paykunaman profetasninnejta khuyasqanrayku, tiyakuna wasinraykutaj.

Nehemías 9:30

Ashkha watasta qanqa paykunawan pacienciakorqanki, Espirituykinejta, profetasniykinejtataj paykunaman willachej kanki, chaytapis manallataj kasojchu kanku. Chayraykutaj waj nacionespa kamachiynin uraman churarqanki.

Nehemías 9:34

Nitaj reyesniyku, kurajkunasniyku, sacerdotesniyku, nitaj ñaupa tatasniykupis leykunasniykitaqa junt'arqankuchu, nillataj kamachiykunasniykita kasorqankuchu, nitaj k'amisqasniykitapis.

Jeremías 16:18

Jinapis, ñaupajtaqa uj jinatawan pagachikusaj tukuy sajra ruwasqasninkumanta, jinataj juchasninkumantapis, imaraykuchus jallp'ayta ch'ichicharqanku chay millay wañusqa lantisninkuwan, paykuna ruwarqanku chay mana munasqay imasta, chayaqepaj jina qorqani chay tukuy jallp'api.

Jeremías 29:19

Kamachisniy profetasnejta tukuy willachisqasniyta mana kasorqankichejchu kutin kutinta kachamorqaykichej mana kasunallawaykichejpaj. Noqa Señor chayta nini.

Jeremías 32:33

Paykunaqa wasanchawanku, waj ladollata qhawanku. Mana uj ratopis paykunaman yachachiytaqa saqerqanichu, mana kasuwarqankuchu, k'amichikuytapis mana munarqankuchu.

Jeremías 32:34

Llimphuchasqa yupaychanay wasiyta uj p'enqaypi rikhuricherqanku, chayman chay millay lantisninkuta churaykuspa.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 35:17

Chayrayku noqa Israelpa Tukuy Atiyniyoj Señor Diosnin nini: Noqa Judáj patanman, Jerusalempi tiyakojkunaspa patanmampis willacherqani, chay ñak'ariykunasta urmachimusaj. Noqa parlapayarqaykichej, qankunataj mana kasuwarqankichejchu; wajyarqaykichej, qankunataj mana uyariwarqankichejchu.

Jeremías 7:13

Jinapis kutin kutinta willarqaykichej imaynatachus purishasqaykichejmanta, qankunataj mana kasuyta munawarqankichejchu, nitaj kutichillawankichejpischu. Noqa Señor chayta nini.

Jeremías 7:17

Manachu Judá llajtaspi, jinataj Jerusalén callespipis ruwasqasninkuta rikunki?

Jeremías 7:18

Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

Jeremías 7:25

Ñaupa tatasninku Egiptomanta llojsimusqankumantapacha kunankama, qankunaman kamachisniy profetasta kachamullarqaykichejpuni.

Ezequiel 16:47

Qantaj mana paykuna jinallapis purerqankichu, nitaj paykuna jina purisqasniykiwampis contentakuspa aswan millayta purerqanki.

Ezequiel 18:31

Contraypi tukuy sajra ruwasqasniykichejmanta t'aqakuychej, mosoj sonqoyojman tukuychej, mosoj espirituyojmantaj. Israel ayllu, imaraykutaj wañuwajri?

Ezequiel 8:10

Noqataj yaykuspa qhawarerqani perqaj tukuy muyuyninta. Chaypi rikorqani katarisman rijch'akoj pintasqasta, waj ch'ichi animalesman rijch'akojkunatawan. Jinallataj Israel aylloj tukuy laya lantisninkuta rikorqani.

Daniel (hebreo) 9:6

Kamachisniyki profetastapis manaña kasupuykuchu. Paykunaqa reyniykuman sutiykipi parlarqanku, chanta kurajkunaman, ñaupa tatasniykuman, tukuynin Israel aylluman ima.

Zacarías 7:7

Manachu kaykunataqa Señor parlarqa ñaupa profetasnejta chayllatataj, maypachachus Jerusalén runa junt'ayoj, nitaj ni ima ch'ajwapis kashajtin, jinallataj qayllampi kaj llajtaspis, aylluspis Neguev jinataj Sefalapis?

1 Pedro 4:3

Mana creejkunaj munayninta ruwasqaykichejqa tukukunña qankunapaj. Chaypacha purej kankichej millay juchaspi, sajrata purispa, machaykuykunaspi, qhochukuspi, anchata ujyaspa, chejnina lantista yupaychaspa ima.