Jeremías 44:10 - Qheshwa Biblia DC

¹⁰ Kunankama qankunaqa mana saqenkichejchu sajra puriyniykichejta, nitaj manchachikuyniykichejpis kanchu, nitaj yachachisqasta, nitaj leykunastapis junt'ankichejchu, qankunaman, jinataj ñaupa tatasniykichejmampis qorqani chaykunata ima.

DIOSPA QHELQACHISQAN DEUTEROCANONICAL

¹⁰ Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.

DIOSPA QHELQACHISQ

¹⁰ Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.

Jeremías 44:10 Iomraidhean Croise

2 Crónicas 32:26

Wapuykachasqanmanta qhepamanqa Ezequiasqa Diospa ñaupaqempi k'umuykacharqa, jinallataj Jerusalempi tiyakojkunapis. Señortaj phiñakuyninta mana paymanqa apachimorqachu Ezequías kausanankama.

2 Crónicas 33:12

Maypachachus llakiy ñak'ariypi kaspallaña Señor Diosninman qhaparikorqa, mayta k'umuykukuspa ñaupa tatasnimpa Diosninman.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

Salmos 34:18

Señorqa qayllallapi salvanampaj kashan, llakisqa sonqoyojkunata, umphuyasqa sonqoyojkunatawan.

Salmos 51:17

Diosmanqa pesachikoj sonqota jaywana. Qanqa Diosníy, llakiymanta t'unasqa sonqota, mana qhesachankichu.

Salmos 78:10

Dioswan trato ruwasqankuta mana waqaycharqankuchu, nitaj yachachisqasnintapis junt'ayta munarqankuchu.

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Éxodo 9:30

Chaywampis noqaqa yachani, ni qan nitaj kamachisniykipis manchachikunkichejrajchu Señor Diospa ñaupaqempi.

Proverbios 14:16

Yachayniyojqa manchachikun, sajramantataj t'aqakun; wampurí may kasqanta yuyakun, chay imaspitaj atienekun.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Proverbios 28:14

Kusikuyniyojmin Señorta manchachikojpuni runaqa. Pichus mana allinta kasukojrí mana allinman chayanqa.

Proverbios 8:13

Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

Isaías 42:24

Pitaj Jacobta suwasqa kananta saqerqa? Israelmantataj qhechunankuta? Manachu Señor chaytaqa ruwarqa contranta juchallikusqanchejrayku? Noqanchejqa mana ñannintachu purerqanchej, manataj kamachisqasnintapis kasorqanchejchu.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

Jeremías 26:4

Niy noqa Señor kayta nisqayta, manachus nisqasniyta ruwawajchej, yachachiykunasniytapis chayqa, nillataj kasuwajchejchu kamachisniy profetasniypa k'amisqasninkuta, pistachus qhepan qhepanta kachamuykichej, qankunataj mana kasorqankichejchu.

Jeremías 32:23

Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.

Jeremías 36:24

Nitaj rey, nitaj kurajkunamanta uyarejkunapis chay libro leekusqanwanqa mancharikorqankuchu, nitaj uj chhikanta sonqonkuta nanachikojmampis rijch'akorqankuchu.

Jeremías 44:23

Kay sajra ñak'areyqa waj dioskunaman inciensota q'osñichisqaykichejrayku jamushasunkichej, jinamanta Señorpa contrampi juchallispa mana paypa yachachiykunasninta, leykunasnintapis kasusqaykichejrayku, nitaj nisqasninta junt'asqaykichejrayku ima.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

San Mateo 27:54

Capitantaj soldadosninwan Jesusta qhawasharqanku; jallp'ata ikhakojta, waj imastawan rikuspa maytapuni mancharerqanku, nerqankutaj: Cheqamanta kay runaqa Diospa Churin karqa, nispa.

San Lucas 23:40

Ujnin kajrí paytañataj k'amerqa: Manachu Diosta manchachikunki; qampis kikin wañuyllapitaj kashaspa?

Romanos 11:20

Arí, paykunaqa mana creesqankurayku p'akirasqas karqanku, qanrí fenejta sayashanki. Amaña jatunchakuychu, astawanqa manchachikuy.

1 Pedro 5:6

K'umuykukuychej atiyniyoj Diospa makinman. Paytaj wakichisqan p'unchaypi, jatumpi oqharisonqachej.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.