Jeremías 44:1 - Qheshwa Biblia DC

^1-2 Jeremiasqa Judá ayllumanta kajkunapaj uj willayta jap'erqa, pischus Egipto jallp'api tiyakusharqanku chaykunapaj: Migdolpi, Tafnespi, Menfispi, uranej uray jallp'aspi ima: Israelpa Tukuy Atiyniyoj Señor Diosnin nin: Qankuna rikunkichej tukuy ñak'ariykunasta, Jerusalempa patanman apachimusqayta, jinataj Judamanta chay waj llajtasmampis. Kunan chaykunaqa urmachisqas kashanku, manataj pipis chaykunapi tiyakunñachu.

DIOSPA QHELQACHISQAN DEUTEROCANONICAL

¹ Tata Diosqa Jeremiasman kayta willarqa Egipto suyupi tiyakoj judío runakunaman sut'inchananpaj. Paykuna tiyakusharqanku Migdolpi, Tafnespi, Menfispi, Patros llajtapi ima:

DIOSPA QHELQACHISQ

¹ Tata Diosqa Jeremiasman kayta willarqa Egipto suyupi tiyakoj judío runakunaman sut'inchananpaj. Paykuna tiyakusharqanku Migdolpi, Tafnespi, Menfispi, Patros llajtapi ima:

Jeremías 44:1 Iomraidhean Croise

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 19:13

Zoampi kamachejkunaqa wampus kanku, Menfispi kamachejkunaqa ch'aukiyakunku; llajtasta kamachejkunapis Egiptota pantayman pusanku.

Jeremías 2:16

Menfismanta, jinataj Tafnesmanta runaspis umaykita t'ojlurpasorqanku.

Jeremías 24:8

Judamanta rey Sedequiasta, kurajkunasninta, Jerusalempi qhepakojkunata, chay waj tiyakojkunata, Egiptopi tiyakojkunatawan, chay mikhunapaj mana allinchu kaj higosta jina qhawasaj, chaykunaqa mikhunapaj mana allinchu kanku.

Jeremías 43:13

Phirillantaj Egiptopi intita yupaychana wasista, ninawantaj lanti yupaychana wasista kanaykonqa.

Jeremías 44:15

Chantá tukuy runas, warmisninku inciensosta waj dioskunaman q'osñichisqankuta yachajkuna, chaypi tukuy warmis kajkuna, jinataj Judamanta runaspis Egiptopi Patros chaynejpi tiyakojkuna ima ashkhas tantaykukuspa Jeremiasman kuticherqanku: Señorpa willachimuwasqaykuta mana kasusqaykuchu.

Jeremías 46:14

Willaraychej Egiptopi, Migdolpi, Menfispi, Tafnespipis: Qhawaychej, wakichisqas kaychej. Espadaqa muyuyniykichejpi t'ustita ruwaran.

Jeremías 46:19

Wakichikuychej Egiptopi tukuy tiyakojkuna jallp'aykichejmanta wijch'usqas kanaykichejpaj. Menfis llajtaqa ch'in nisqaman tukuchisqa kanqa ama pipis tiyakunampaj jina raqaykunasllaman tukuchisqa kanqa.

Ezequiel 29:10

Chayrayku, kunanqa contraykipi sayarini, mayusniykej contrantataj. Egipto jallp'ataqa ch'in pampaman tukuchisaj, Migdol nisqamantapacha Asuán nisqakama, chantá Etiopiaman mojonniyki kashan chaynejkama.

Ezequiel 29:14

Presochasqa egipcio runasta kutirichimpusaj, Egipto jallp'api maynejpichus nacerqanku chay kikin Patros jallp'ankuman. Chaypitaj qhesachasqa nación ruwakonqa.

Ezequiel 30:13

Señorqa kay jinata nin: Menfis llajtaj qhasi mana kaj dioskunasninkuta tukuyninta t'unaykusaj. Egipto jallp'apeqa manaña astawan kamachejqa kanqañachu. Jallp'aqa manchachikuyllawan junt'asqa kanqanku.

Ezequiel 30:14

Patros llajtata chinkachisaj. Zoán llajtaman ninata kachaykusaj. Tebas llajtatataj jasut'isaj.

Ezequiel 30:16

Egipto jallp'ata ninawan jap'iykuchisaj. Sin llajtaqa jatun nanaywan q'ewiykachakonqa. Tebas llajtataj t'unaykusqa kanqa, Menfis llajtapajrí llakiynin mana tukukuyniyoj kanqa.

Ezequiel 30:18

Egiptoj atiyninta p'akejtiy, atiyniyrayku wapuyayninta chinkachejtiytaj, Tafnes nisqa llajtapajqa chay p'unchaypi inti laqhayaykonqa. Egipto llajtatataj urphuykonqa, ranchosnimpi tiyakojkunatataj presochaspa apanqanku.

Oseas 9:6

Paykunaqa chinkachisqas kanamanta ayqenku. Egiptotaj jap'ikaponqa, Menfispitaj p'ampasqas kanqanku. Qolqe jallch'anasninkupirí itapallu qhoraslla junt'aykonqanku, jarasninkupipis khishkaslla junt'aykonqanku.