Jeremías 4:16 - Qheshwa Biblia DC

¹⁶ Nacionesman, chantá Jerusalenmampis willaychej, karu llajtasmanta enemigosninku kachaykakamusqankuta, maqanaku ch'ajwaykunawan, tukuy Judapi kaj llajtaspa contrampi.

DIOSPA QHELQACHISQAN DEUTEROCANONICAL

¹⁶ Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

DIOSPA QHELQACHISQ

¹⁶ Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

Jeremías 4:16 Iomraidhean Croise

Isaías 34:1

Uyarinaykichejpaj ujllapi qayllamuychej: Naciones, llajtas, allinta uyariychej. Qampis, jallp'a, uyariy, imachus qampi kajkunasnintin. Qampis, mundo, uyariy, qampi tukuy kausajkunaspiwan.

Isaías 39:3

Chay qhepatataj Isaiasqa rey Ezequiasta watukoj rispa taporqa: Maymantataj chay runas jamusqankuri? Ima nisunkutajri? Ezequiastaj nerqa: Karumanta, Babiloniamantapacha watukuwaj jamusqanku, nispa.

Jeremías 1:15

Noqa Señor cheqamanta niykichej: Pata ladomanta chay tukuy nacionesta wajyamusaj. Reyes jamonqanku, kikin Jerusalempa yaykunasnin punkusnimpitaj tiyanasninkuta churanqanku. Jerusalempa perqasnimpa qayllasninman jina, chantá Judá llajtas qayllamantaj.

Jeremías 16:6

Kay jallp'apeqa jatunkunamanta, juch'uykunamantapis wañonqanku; mana pipis paypaj kanqachu, nitaj waqanqankuchu, llakiykunatapis mana rikuchenqankuchu, ukhusninkuta maqakuspa, chayri chujchasninkuta q'ararakuspapis.

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

Jeremías 31:10

Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

Jeremías 39:1

Judamanta rey Sedequías, isq'on watastaña kamachishajtin chunka kaj killampi, Babiloniamanta rey Nabucodonosor tukuy soldadosninwan Jerusalempa contrampi jamuspa muyuykorqanku.

Jeremías 4:17

Imaynatachus chay camposninkuta qhawajkuna muyuykunku, ajinata Judá aylluman muyuykonqanku, Señorpa contrampi oqharikusqankurayku. Señormin ajinata nin.

Jeremías 5:15

Señorqa nillantaj: Israel, contraykipi karumantapacha waj llajtayojkunata pusamusaj, chay llajtayojkunaqa manchay sinch'i runas kanku, may unay runastaj kanku. Qanqa parlayninkuta mana rejsinkichu, nitaj chay nisqasninkuta yachankichu.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Jeremías 6:18

Chayraykumin Señorqa nin: Naciones, uyariychej, yachaychejtaj imachus kay aylluyta qhatirinanta.

Jeremías 6:19

Uyariy qan jallp'a: Kay aylluman uj ñak'ariyta apachimusaj, sajra kajta umachakusqankurayku, palabrasniyta mana kasuta ruwayta munarqankuchu, jinataj yachachisqasniyta qhesachasqankurayku.

Jeremías 6:22

Señorqa nin: Patakaru jallp'asmanta uj atiyniyoj nación jamunampaj wakichikushan.

Jeremías 6:23

Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

Jeremías 8:19

Aylluypa waqasqasnenqa tukuy jallp'aspiña uyarikun: Señorqa manañachu Siompi kashan? Manañachu reynenqa chaypi kashan?, nispa. Señortaj kutichin: Imaraykutaj phiñachiwarqankichej chay lantikunata yupaychaspa, mana rejsisqa dioskunatari?, nispa.

Ezequiel 21:22

Suertetaj paña makin ladoman llojsin Jerusalén cheqata señalaspa. Chay señaltaj niyta munan, maqanakuman yaykunampaj kamachinanta, wañurachiyta qallarinampaj, maqanakunapaj jatunmanta qhaparinampaj, ariete nisqa makinasta punkuspa contrampi churanampaj, perqata ruwanampaj, tukuynin llajtata maqanakupaj torreswan muyuykuchinampaj.