Jeremías 4:1 - Qheshwa Biblia DC

^1-2 Señorqa nin: Israel, kutimpuyta munanki chayqa, noqaman kutimpunayki tiyan. Chay millay lantisniykimanta t'aqakunki, noqamantataj mana t'aqakunkichu chayqa, chaypacha cheqamanta sutiypi juranayki tiyan, jinallataj justiciapi, cheqan kaypipis. Chaypacha nacionesqa sutiynejta bendicisqas kanqanku, jatunchawanqankutaj.

DIOSPA QHELQACHISQAN DEUTEROCANONICAL

¹ Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

DIOSPA QHELQACHISQ

¹ Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Jeremías 4:1 Iomraidhean Croise

Génesis 35:2

Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

2 Reyes 23:13

Ajinallatataj rey Josiasqa Jerusalén chimpapi lomas patapi altaresta ch'ichichaykorqa. Olivos orqoj pañannejpi kajkunata, mayqenkunatachus rey Salomón ruwasqa sidoniospa millay lantej Astortepaj, moabitaspa millay lantin Quemospa, Amompa millay lantin Milcompajwan.

2 Reyes 23:24

Ajinallatataj chinkacherqa: Josiasqa tukuynin layqasta, yatiristawan qharqorqa, wasi lantista, tukuy imaymana millay yupaychanastawan. Judá jallp'api karqa, Jerusalempiwan chaykunata tukuyninta wijch'orqa, Señorpa wasimpi kuraj sacerdotej tarisqan libropi qelqasqa karqa chayta junt'anampaj.

2 Crónicas 15:8

Maypachachus Asa uyarerqa profetaj nisqanta, chaypacha kallpachakorqa, chinkacherqataj chay millay lantista tukuy Judá jallp'amanta, Benjamín jallp'amantawan. Jinataj chay Efraín orqospi jap'erqanku chay llajtasmantapis. Chaymantataj allincharqa Señorpa altarninta Señorpa wasimpi corredorpa ñaupaqempi kasharqa chayta.

2 Crónicas 33:8

Manaña ujtawan qharqosajchu israelitastaqa ñaupa tatasninkuta maymanchus churarqani chay jallp'amantaqa, kamachisqasniyta, yachachisqasniyta, leyesniyta, nisqasniytapis kamachiy Moisesnejta nerqani, chaykunata junt'ajtinku, ruwajtinkutaj.

2 Crónicas 34:33

Josiasqa qhechorqa tukuy millay ruwaykunata Israel jallp'amanta. Kamacherqataj tukuy israelitas Señor Diosninkuta sirvinankuta. Rey kausanankama mana t'aqakorqankuchu ñaupa tatasninkoj Diosninmanta.

Isaías 31:6

Israelpa wawasnin, Diosman kutiriychej ari, pejpa contrantachus millay imasta ruwarqankichej, chayman.

Jeremías 15:19

Chaypacha Señor kutichiwarqa: Noqamanchus kutirimuwanki chayqa, noqa qanta jap'ikapusqayki, ñaupaqeypitaj kanki. Sichus qhasi manakaj imasta manaña thautinkichu, manachayqa allin imasllataña ninki chayqa, qan noqamanta willamoj kanki. Paykunamin qanman kutirikamunasunku, manataj qanchu paykunaman kutirikunayki tiyan.

Jeremías 15:4

Kay pachapi tukuy naciones kajkunata mayta mancaharichisaj imastachus paykunata ruwasaj chaywan, Judamanta Ezequiaspa wawan Manasés Jerusalempi imatachus ruwasqanrayku.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 25:5

Paykuna nisorqachej: Saqeychej chay sajra puriyniykichejta, millay ruwasqasniykichejtapis; jinamanta tiyarikunaykichejpaj Señor qankunaman, jinataj ñaupa tatasniykichejman wiñaypaj qosorqachej chay jallp'api.

Jeremías 3:1

Señorqa nin: Sichus uj qhari warminmanta t'aqakun, chay saqerpayasqa warmitaj waj qhariwanñataj tantakun chayqa, ñaupaj kaj qosanwan mana watejmanta kutinakullanqatajchu. Jina kanman chayqa, llajtantinta ch'ichichanman. Chaywampis, qanqa Israel, ashkha munasqasniykiwan qhenchachakorqanki, kunanraj noqaman kutirimuyta munashanki. Noqa Señormin chayta nini.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 36:3

Ichapis Judaman kaj runasqa ñak'ariykunasta apachimunashani chaymanta uyarispa tukuy sajra puriyninkuta saqenkuman, noqataj sajra ruwasqasninkumanta, juchasninkumantapis perdonapusaj.

Jeremías 4:4

Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

Jeremías 7:3

Israelpa Diosnin tukuy atiyniyoj parlamususqaykichejta. Astawan allinta kausaychej, allinkunatataj ruwaychej, noqataj kay jallp'api tiyachillasqaykichejpuni.

Jeremías 7:5

Kausayniykichejtachus allinyachinkichej, ruwasqasniykichejpis cheqan kanqa, cheqan kajtataj ujkuna ujkunawan ruwankichej chayqa, manallataj ñak'arichinkichejchu waj llajtayojkunata, wajcha wawasta, warmi sapasta ima chayqa, nitaj mana juchayoj runasta kay cheqapi wañuchiwajchejchu, nillataj waj dioskunaman yupaychaykunata qowajchejchu. Chaymantaj qankuna kikiykichejpaj sajrata wajyakuwajchej.

Jeremías 7:7

Jina kajtenqa, noqa saqellasqaykichejpuni ñaupa tatasniykichejman qorqani chay jallp'api tiyakunaykichejta.

Ezequiel 11:18

Paykuna llajtankuman kutimponqanku, chantá chinkachenqankutaj kay jallp'api millay ruwaykunata, lanti yupaychaykunata ima.

Ezequiel 43:9

Kunanqa, qhenchachakuy juchasninkuta, wañusqa reyesninkoj lantisnintapis karuman wijch'uchunku. Paykunawan khuskataj wiñaypaj tiyakusaj.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Oseas 2:2

Señor nin: Juchachaychej mamaykichejta, juchachaychej, imaraykuchus payqa manaña warmiychu, nitaj noqapis qosanñachu kani! Amaña ujwantaj ujwantaj qhenchachakoj jinaqa qhawasqachu kachun. Chay ujllayninmanta wijch'uchun waj qharisninta!

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Joel 2:12

Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!

Zacarías 1:4

Ama ñaupa tatasniykichej jinachu ruwaychej. Paykunaman Diospa ñaupa profetasnin parlarqanku noqaj sutiypi: Saqeychej sajra puriyta t'aqakuychejtaj chay millay ruwaykunamanta, noqa Señor kayta niykichej. Paykunataj mana uyariwarqankutaj nitaj nisqayta kasuwarqankuchu.

Deuteronomio 27:15

Maldicisqa kachun imallamantapis lantita ruwajqa, pakayllamanta yupaychanampaj. Chay runaj makinwan ruwasqanqa Señorpa ñaupaqempi millay, nispa. Chayta uyarispa israelitas nenqanku: Ajina kachun, nispa.

Deuteronomio 4:30

Tukuy kaykuna chayamusojtiykichej, llakiyniyoj kajtiykichejtaj, chaypacha Señorman kutirinkichej, kasunkichejtaj.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.