Jeremías 3:21 - Qheshwa Biblia DC

²¹ Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

DIOSPA QHELQACHISQAN DEUTEROCANONICAL

²¹ Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

DIOSPA QHELQACHISQ

²¹ Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Jeremías 3:21 Iomraidhean Croise

Job 33:27

Chay runataj nenqa: Juchachakuni, mana cheqan kajta ruwani; Diostaj chay jina kashajtiy mana juchayman jinachu jasut'iwan.

Proverbios 10:9

Pichus allinta purejqa ni imamanta manchachikunchu; pichus sajrata ruwajqa, sajrallapitaj tukukonqa.

Proverbios 19:3

Runaj wampu kaynenqa ñanninta chinkachin, chaymantaqa Señorpa contranta sonqompi phiñakun.

Isaías 15:2

Paykuna alto orqosman waqaj wicharerqanku, Bayitman, Dibonman ima. Moabqa Nebo puntaman wicharenqa, Medeba puntamanwan chaypi waqamunankupaj; chay runastaqa chujchasninkuta, sunkhasninkutawan ruthuranqanku.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Isaías 57:11

Pimantataj qanqa mancharikunki, pitataj manchachikorqanki, ajinata llullakunaykipaj, noqamantataj mana yuyarikunaykipaj, nitaj noqapi yuyanaykipaj? Noqa unayta ch'inlla kajtiychu, qanqa mana manchachikuwarqanki?

Jeremías 12:12

Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

Jeremías 13:25

Achaymin qantaqa Israel qhatirinasun karqa. Chanta ruwanasuyta qan kikiykimanta mask'akorqanki. Noqa Señor chayta nini. Qan noqamanta qonqaporqanki, waj mana kaj lantismantaj riporqanki.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Jeremías 3:2

Lomasta allinta qhawariy: Maynejpitaj qampa qhenchachakusqayki mana kanchuri? Ch'in pampaspi árabe warmi jina chukuykuspa qharisniykita ñan cantospi suyaj kanki. Kay llajtata ch'ichichakusqasniykiwan, sajra ruwasqasniykiwantaj qhenchacharqanki.

Jeremías 31:9

Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.

Ezequiel 7:16

Tukuy atipajkunataj lomas pataman mancharisqa palomas jina ayqenqanku, chay tukuywampis juchankuraykoqa wañonqankupuni.

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Miqueas 3:9

Kunan kayta uyariychej, qankuna cheqan kajta chejnejkuna Israelpa kamachejkunasnin kurajkuna kajkunapis, q'ewinchejtaj tukuy cheqan kajtapis,

Números 22:32

Señorpa angelnintaj Balaamman nerqa: Ima nispataj burroykita kinsa kutita seq'onkiri? Noqa kani ñaupaqeykipi sayajqa. Noqamantaqa mana allintachu qanqa rishanki.

2 Corintios 7:10

Diospa munasqanman jina llakikoyqa, juchamanta Diosman kutirispa salvakunapaj. Chaymantaqa, mana llakikunachu, astawanqa kay mundoj llakiynin wañuyta apamun.