Jeremías 3:1 - Qheshwa Biblia DC

¹ Señorqa nin: Sichus uj qhari warminmanta t'aqakun, chay saqerpayasqa warmitaj waj qhariwanñataj tantakun chayqa, ñaupaj kaj qosanwan mana watejmanta kutinakullanqatajchu. Jina kanman chayqa, llajtantinta ch'ichichanman. Chaywampis, qanqa Israel, ashkha munasqasniykiwan qhenchachakorqanki, kunanraj noqaman kutirimuyta munashanki. Noqa Señormin chayta nini.

DIOSPA QHELQACHISQAN DEUTEROCANONICAL

¹ Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

DIOSPA QHELQACHISQ

¹ Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:1 Iomraidhean Croise

Salmos 106:38

Mana juchayojpa yawarninta jich'arqanku, chay wawasninkoj yawarninta, Canaán dioskunamantaj jaywarqanku. Chay jallp'ankutaj yawarninkuwan ch'ichichakorqa.

Isaías 24:5

Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

Jeremías 2:23

Imaynatataj niyta atiwaj mana ch'ichichasqa kani, nitaj chay mana kaj dioskunata yupaychanichu, nispari? Qhawarikuy imaynataj vallepi puriyniyki karqari. Chayta allinta reparakuy tukuy qampa ruwasqasniykita. China camello jina usqhayta purej maymampis thaskirillan, ajinata.

Jeremías 2:7

Noqamin pusamorqaykichej kay sumaj poqoj jallp'amin, chay sumaj poqoykunasninta mikhunaykichejpaj, imaschá allinta poqon chaykunatawan. Chantá qankunataj jamuytawan jallp'asniyta ch'ichicharqankichej. Ruwasqasniykichejqa kay kikin jallp'aypi millachikunaypaj jina kashan.

Jeremías 22:20

Qan, Judá, Líbano, orqoman wichariy, qhapariytaj. Jatunmanta Basán orqospi waqay. Abarim lomasmantapacha qhapariy, imaraykuchus tukuy kausaqesniyki tipasqasña kanku.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Jeremías 3:9

Chaytaqa payllamanta imata jina ruwarqa, tukuy nacionnintinta mana allinman churarqa. Judaqa t'aqakuwaspa, rumista, k'ullustawan yupaychaj churakorqa.

Jeremías 31:22

Mayk'ajkamataj purinki ujnejmanta ujnejmanri? Ayllúy, qanqa uj mana kasukoj sipas jina kanki. Noqa Señor, kay pachapi uj mosoj imata ruwani, uj warmeqa uj qharita muyupayanampaj.

Jeremías 4:1

Señorqa nin: Israel, kutimpuyta munanki chayqa, noqaman kutimpunayki tiyan. Chay millay lantisniykimanta t'aqakunki, noqamantataj mana t'aqakunkichu chayqa, chaypacha cheqamanta sutiypi juranayki tiyan, jinallataj justiciapi, cheqan kaypipis. Chaypacha nacionesqa sutiynejta bendicisqas kanqanku, jatunchawanqankutaj.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Ezequiel 16:26

Qayllaykipi kajkunawan mayta qhenchachakorqanki, chay jina q'oñirisqa egipcioswan. Sapa kuti qhenchachakusqaykiwan phiñachiwanki.

Ezequiel 16:30

Noqa Señormin cheqamanta nini: Sonqoyki onqosqa karqa. Chayrayku qhencha warmi jina, mana p'enqakuspa pureranki.

Ezequiel 16:35

Chayrayku, qhencha warmi, palabrayta uyariy: Noqa Señor qanta niyki: Qanta mana p'enqakuspa ukhuykita q'alakunki munapayasojkunawan kanaykipaj, jinataj millay lantisniykiwan ima. Wawasniykej yawarnintataj jich'arqanki, paykunaman rikuchikuta jina jaywanaykipaj.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Oseas 1:2

Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

Oseas 2:2

Señor nin: Juchachaychej mamaykichejta, juchachaychej, imaraykuchus payqa manaña warmiychu, nitaj noqapis qosanñachu kani! Amaña ujwantaj ujwantaj qhenchachakoj jinaqa qhawasqachu kachun. Chay ujllayninmanta wijch'uchun waj qharisninta!

Miqueas 2:10

Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

San Mateo 5:31

Ajinallatataj ñaupajta nisqa karqa: Pillapis warminmanta t'aqakojqa, divorcio papelta qopuchun.

Jueces 19:2

Chay warmitaj qosanta wasanchaspa riporqa Belén llajtaman tatampa wasinman. Tawa killastataj chaypi qhepakorqa.