Jeremías 26:9 - Qheshwa Biblia DC

⁹ Imaraykutaj Señorpa sutimpi parlaj churakunki, kay yupaychana wasita Silopi jina qhatirinanta munaspari, kay llajtapis chinkachisqa kananta mana runasniyojtaj qhepakunantari? Chayta nispa tukuynin runas Diosta yupaychana wasipi Jeremiaspa contrampi tantaykukorqanku.

DIOSPA QHELQACHISQAN DEUTEROCANONICAL

⁹ Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

DIOSPA QHELQACHISQ

⁹ Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

Jeremías 26:9 Iomraidhean Croise

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

Isaías 29:21

Sajra palabraswan mana juchayojta juchachajkuna, allinta cheqanchajpajpis misk'anata churajkuna; mana juchayojta imaymana llulleriosninkuwan ch'aukiyajkuna ima.

Jeremías 32:3

Rey Sedequías paytaqa wisq'aykuchisqa, Jeremías kay jinata parlasqanrayku: Señorqa nin: Babilonia reyqa llajtata jap'ikaponqa.

Jeremías 33:10

Señorqa nin: Qankuna ninkichej kay cheqan ch'in kasqanta, chaypi runas nitaj uywaspis mana kasqankuta; Jerusalempa callesnin Judajpa llajtasnimpis ch'usaj pacha kasqankuta, ni runaspis, nitaj uywaspis chaypi kasqankuta.

Jeremías 36:29

Kay jinata noqa niyki, qanqa librota ruphacherqanki, Jeremiastataj k'amerqanki kay jinata qelqasqanmanta; Babiloniamanta reyqa jamonqapuni kay nacionta chinkachinampaj mana uj runasniyojta, mana uj uywasniyojtataj.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Lamentaciones 4:13

Chay jina jasut'eqa karqa profetas juchallikusqankurayku, sacerdotes millay juchasta ruwasqankurayku ima. Paykunaqa chay llajta ukhupi cheqan runaspa yawarninta jich'arqanku.

Amós 5:10

Ay qankunamanta cheqan kajta ruwajta chejnejkuna, cheqanta sut'inchajkunata millachikojkuna.

Miqueas 2:6

Paykunaqa ninku: Ama chay profetas imata nispapis jamuchunkuchu!, imaraykuchus mana ima llakiypis chayamuwasunchejchu!, nispa.

San Mateo 21:23

Jesús temploman kutiykuspa yachachishajtintaj, kuraj sacerdotes, llajtapi kuraj runas ima, payman qayllaykuspa taporqanku: Ima atiywantaj kay imasta ruwankiri? Pitaj kay atiyta qosorqa?

San Mateo 27:20

Kuraj sacerdotes, kuraj runakunawan, runasman yachaykucherqanku mañanankuta Barrabasta kacharichinampaj, Jesustataj wañuchinanta.

Marcos 15:11

Kuraj sacerdotesqa runasman yachachisharqanku, Pilatomanta mañanankupaj Barrabasta kacharinanta.

San Juan 8:20

Jesustaj kay imasta nerqa, templopi yachachishaspa ofrendata churana cheqapi; manataj pipis payta jap'iykorqachu, imaraykuchus manaraj horan chayamorqachu.

San Juan 8:59

Chaypacha judíos, rumista oqharikorqanku Jesusta ch'anqanankupaj. Jesustaj paykunaj ñawisninkumanta pakakorqa; templomantataj llojsiporqa.

Hechos 13:50

Judiostaj ch'ajwata oqharerqanku Diosta yupaychaj warmiswan parlaspa, llajtapi kamachej runaswan ima. Paykunataj qallarerqanku Pablota, Bernabetawan ñak'arichiyta, jallp'ankumantataj qharqorqanku.

Hechos 21:30

Ajinamanta, tukuy llajtantin oqharikuspa, Pablota jap'iykorqanku, qhatatispataj templomanta orqhorqanku. Chay kikimpachataj punkusta wisq'ararqanku.

Hechos 22:22

Chaykama Pabloj parlasqanta uyarerqanku, chaymantataj qhaparqacharqanku: Wañuchun chay runaqa. Mana allinchu kanman kausananqa!

Hechos 3:11

Salomón nisqa jatun punkupi, Pedrowan Juanwan kasharqanku. Purirej suchu runataj, paykunamanta jap'iykukuspa mana kacharikorqachu. Runakunataj imata jina t'ukuspa, chayman tantakamorqanku.

Hechos 5:12

Apostolesnejta runakuna ukhupi ashkha señales, milagros ima ruwakorqa. Tukuy creejkunataj uj sonqolla tantakoj kanku Salomón punku nisqapi.

Hechos 6:14

Chantá uyarillaykutaj nejta chay Jesús nazareno templota urmachinanta; astawanqa Moisespa kamachiyninta waj jinaman tukuchinanta.

Josué 18:1

Tukuy israelitas Silo nisqapi tantakorqanku, tukuy jallp'asta jap'isqankumantaña, chaypi Dioswan tinkukuna toldota oqharinankupaj.