Jeremías 22:3 - Qheshwa Biblia DC

³ Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

DIOSPA QHELQACHISQAN DEUTEROCANONICAL

³ Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

DIOSPA QHELQACHISQ

³ Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Jeremías 22:3 Iomraidhean Croise

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

Job 22:9

Warmi sapasta mana imayojta kachapoj kanki; wajcha wawastapis maqaspa kachapoj kanki.

Job 24:9

Wajcha warmispa wawasninkuta nacejtinkama qhechunku; wajcha runasmanta prendasta qhechunku.

Salmos 68:5

Diosninchej santo wasimpi tiyakun, payqa wajchaspa tatan. Viudastataj waqaychan.

Salmos 82:4

Libraychej pisi kallpayojkunata. Mana kapuyniyojtapis libraychej, sajra runasmantataj jark'aychej.

Salmos 94:21

Mana juchayoj runaj contrampi wakichikunku, wañuchinankupajtaj juchachanku.

Salmos 94:6

Viudasta, waj llajtayojkunatawan wañuchinku, mana tatayoj, mana mamayojkunantinta wañuchinku.

Éxodo 22:21

Waj llajtayoj runastaqa ama ch'aukiyankichu, nitaj llakichinkichu, imaraykuchus qankunapis Egiptopi waj llajtayojllataj karqankichej.

Éxodo 22:22

Ama ni mayqen viudata, nitaj wajcha wawatapis llakichinkichejchu. Sichus qankuna llakichinkichej, noqamantaj willakuwanqanku chayqa, paykunata uyarisaj. Phiñakuyniytaj qankunaj contraykichejta k'ajarenqa, espadawantaj wañurachisqaykichej, chantaqa warmisniykichej viudas qhepakonqanku, wawasniykichejpis mana tatasniyoj qhepakonqanku.

Proverbios 23:10

Ama ñaupajman suchuchinkichu ñaupa mojonesta, nitaj wajcha runaspa jallp'antapis jap'ikapunkichu.

Proverbios 6:17

Leqhoj ñawista, llulla parlaykunata, mana juchayoj runata wañuchiyta,

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Isaías 58:6

Manachu yachankichej imayna ayunotachus munasqayta? Noqaqa munani sajra kaj watanasta phashkaranaykichejta, yugo watanasta phashkaranaykichejta, llakichisqa kajkunata kacharinaykichejta, yugopi jina watasqa kajkunatapis.

Isaías 58:7

Munani yarqhasqaswan khuskamanta mikhunaykichejta; wasiykichejman mana wasiyojkunata wajyarinaykichejta; mana p'achayojkunata p'achallichinaykichejta; runa masisniykichejmantapis ama pakakunaykichejta.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 21:12

Señormanta kay willayta uyariy: Tukuy p'unchaykunapi cheqan kajllata ruway, chay ñak'arejkunata kacharichiy qhasimanta oqojkunamanta. Pajtataj chay millay ruwasqasniykirayku phiñakuyniy nina jina jap'iykukunman, manataj pipis thasnuyta atishanmanchu.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 26:16

Chanta chay kurajkuna, tukuy llajtamanta kuraj runaspis sacerdotesman, jinataj profetasmampis nerqanku: Mana imapis kanchu kay runata wañuyman apanapaj jinaqa; payqa Señor Diosninchejpa sutimpi parlawarqanchej, nispa.

Jeremías 5:28

Chaypitaj sumaj mikhusqas, wirastaj karishanku. Chay sajra ruwanankoqa mana tukukuyniyoj: Mana tatayoj wawasta mana qhawarikuchu, nitaj wajcha runaspa kausaynintapis allintachu qhawanku.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Ezequiel 18:12

Wajchasta mana tiyapuyniyojkunata ima ñak'arichinman, suwakunman, prenda qosqata mana kutichipunmanchu, lantistapis yupaychanan, millay imastataj ruwanman, manuspaqa qolqempa miraynintawan mañakapunman chayqa, chay runaqa mana kausanqachu, chay tukuy juchasta ruwasqanmanta. Payqa cheqamanta wañonqa, yawarnintaj paypa patampi kanqa.

Ezequiel 18:7

Mana pitapis ñak'arichinchu, manunman prenda saqesqanta qopun, mana pimantapis suwanchu, yarqhachikojman t'antata qon, mana p'achayojmantaj pachallichin.

Ezequiel 22:7

Kay llajtapeqa, tatasninkuta, mamasninkutapis mana kasuta ruwankuchu. Waj llajtamanta jamoj runasta ñak'arichinku. Wajcha wawasmanta, viuda warmismantataj lluch'unku.

Ezequiel 45:9

Señorqa kay jinata nin: Kaykamalla kachun Israelpi kamachejkuna! Ama astawan mana allin kajta ruwaychejchu, nitaj mana kajmantapis orqhoychejchu. Cheqa kajman jina puriychej, cheqantataj imatapis ruwaychej. Amaña runasniymanta jallp'ankuta suwaychejchu. Noqa Señor kaytaqa kamachini.

Joel 3:19

Egipto llajta t'unasqa kanqa. Edom llajtataj ch'in pampaman tukuchisqa kanqa, imaraykuchus maqanakoj yaykorqanku Judapi tiyakojkunaman. Jallp'ankupitaj mana juchayojkunajpata yawarninta jich'arqanku.

Levítico 19:15

Sichus qan juez kanki chayqa, cheqanta ruwanki, ama wajchaman sayakuspa, nitaj qhapajman sayakuspa. Cheqan juiciota qanqa ruwanki.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Amós 5:24

Astawampis ashkhayachun cheqan ruway yaku jina, k'acha kaytaj kachun mana tukukoj yaku pujyu jina.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 23:23

Ay qankunamanta, leymanta yachachejkuna, fariseos puraj uyas! Qankunaqa diezmota qonkichej mentamanta, anismanta, cominomanta ima. Leypi aswan allin kajtataj mana kasunkichejchu: Cheqan kajta, khuyakuyta, creeyta ima. Kaykunata ruwanaykichej karqa, ama chay ujkunata saqespa.

Deuteronomio 10:18

Payqa cheqanta ruwan wajcha wawaspaj, warmi sapaspajpis. Chanta munakun, mikhunatataj qon, p'achallichintaj qankunawan kaj karu llajtayoj runaman.

Deuteronomio 24:17

Ama karu llajtayojpajqa imachus mana cheqan kajtaqa ruwapunkichejchu, ni wajcha wawaspajpis, nitaj warmi sapasmantapis p'achasninkuta prendapaj jap'ikapunkichejchu.

Deuteronomio 24:7

Sichus mayqellampis israelita masinta suwaspa apashan kamachimpaj, chayri vendemunampaj, chayta ruwashaspa jap'ichikun chayqa, chay runa wañuchisqa kanqa. Ajinamanta chay sajrata qankuna ukhumanta chinkachinkichej.

Deuteronomio 25:1

Sichus mayqenkuna imamantapis ch'atanakusqanku chayqa, richunku maypichus kurajkuna tantakunku chayman, cheqanchasqa kanankupaj. Ajinamanta mana juchayoj kajqa llojsiponqa, juchayoj kajtaj juchachasqa kanqa.

Deuteronomio 27:19

Maldicisqa kachun juiciopi runaspaj mana cheqanta ruwajqa, karu llajtayojpaj, chayri warmi sapapaj, chayri wajcha wawaspaj ima. Tukuy israelitastaj nenqanku: Ajina kachun, nispa.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.