Jeremías 2:3 - Qheshwa Biblia DC

³ Israelqa noqapaj t'aqasqa karqa, cosechasniymanta aswan allin kaj oqharisqay karqa. Pillapis paykunata ñak'arichejtenqa noqa jasut'ej kani, aswan ñak'ariykunasta chaykunaman apachispa. Noqa Señor chayta nini.

DIOSPA QHELQACHISQAN DEUTEROCANONICAL

³ Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

DIOSPA QHELQACHISQ

³ Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

Jeremías 2:3 Iomraidhean Croise

Éxodo 22:29

Ama qonqankichu cosechasniykimanta ofrendata apamuyta, manachayqa usqhayta apamunki, jinallataj uvasniykimantapis. Chantaqa kuraj kaj wawaykita qopuwanki.

Éxodo 23:16

Cosechasniykimantapis fiestata ruwallaytaj, tarpusqasniykimanta ñaupajta poqojkunamanta; jinallataj wata tukukuyta poqochisqasniykimanta, tukuy campopi watantinta poqochisqaykimanta.

Isaías 41:11

Qanta tukuy chejnikusojkunaqa p'enqachisqas k'umuykachachisqastaj kanqanku, mana imananankutapis yachakonqankuchu. Qanwan maqanakojkunaqa manapis kankumanchu karqa jina tukukaponqanku.

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

Jeremías 12:14

Ajinata Señorqa nin: Israel qayllapi tiyakojkuna juchasapa runasman, pikunachus phiñarerqanku chay chayaqenkupaj jina qorqa Israel ayllun chayta: Noqa t'irasqaykichej jallp'asniykichejmanta, Judatapis orqhollasajtaj paykuna chaupimanta.

Jeremías 2:4

Jacobpa ayllusninmanta kajkuna, Israelmanta tukuy ayllus kajkunapis uyariychej Señorpa parlasqanta. Ajinata nin Señorqa: Chay ñaupa tatasniykichej, ima mana allin kajtataj noqapi tarerqanku karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Jeremías 30:16

Jinaqa, tukuy qanta oqoykusojkunaqa oqoykusqasllataj kanqanku. Qanta ch'uskisojkunaqa ch'uskisqasllataj kanqanku. Tukuy enemigosniyki wijch'usqas kanqanku. Qanta suwasojkunapis suwasqasllataj kanqanku.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Joel 1:3

Kaytaqa wawasniykichejman willaychej, paykunataj wawasninkuman willachunku, paykunatajrí willachunku qhepa tiempopi nacekojkunaman.

Amós 6:1

Ay, Siompi sumajta kausakojkunamanta! Ay, Samariapi k'achata kausakojkuna, chay llajtapi sumajta kamachejkuna, mayqenkunapichus israelitas atienekunku!

Habacuc 1:11

Jatun muyoj wayra jina pasanku, rejsinkutaj kallpallankuta uj diosninkuta jina.

Zacarías 1:15

Chayrayku sinch'ita k'ajarin phiñakuyneyqa, mana ni imamanta yuyarikojkunaj contrampi, maypachachus pisillataraj phiñakorqani. Chaypachaqa paykunaqa astawan juchawan yapaykukorqanku.

Zacarías 2:8

Tukuy Atiyniyoj Señor kayta willanaypaj kachamuwan tukuy imasniykichejta ch'uskirasorqachej chaykunaj contrampi, nispa: Pillapis aylluyta llankhaykojqa, ñawiytapis jallk'aytapis llankhaykojpa jinamin. Chayrayku noqa kikiy maqanakusaj chay llajtayojkunawanqa, kikin kamachisnillantaj paykunatapis ch'uskirananta nisaj. Ajinamanta Tukuy Atiyniyoj Señorqa rikuchenqa k'anchaj glorianta, chantá yachankichej kikin Señor qankunaman kachamuwasqanta.

Números 18:12

Chanta qollasqaykitaj israelitas sapa wata ñaupajta poqochisqankumanta ofrendasta apamuwasqankumanta. Sumajnin kaj aceiteta, sumajnin kaj vinota, trigotawan.

Romanos 11:16

Sichus ñaupajta llojsimoj t'antas llimphus kanku chayqa, Ajinallataj tukuynin masapis llimphu. Ajinallataj sichus sach'aj saphisnin llimphus kanku chayqa, tukuynin ramasnimpis llimphusllataj kanku.

Romanos 16:5

Chantá paykunaj wasinkupi iglesiatapis napaykullaychejtaj. Munakusqay Epenetota napaykuychej. Pay ñaupajta Cristopi creej karqa Asiapi.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Deuteronomio 26:19

Tukuy ruwasqan nacionesmanta qankunata aswan pataman churasonqachej, Pay yupaychasqa, rejsisqa, jatunchasqataj kanampaj. Ajinaqa qankunalla Señor Diosniykichejpa ajllasqa ayllun kankichej nisqanman jina.

Deuteronomio 7:6

Qankunaqa Señor Diosniykichejpa t'aqasqa ayllun kankichej. Señorqa ajllasorqachej kay jallp'a patapi tukuy ayllun ukhumanta, qankuna Señorpa k'ata munasqa ayllun kanaykichejpaj.

Santiago 1:18

Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Apocalipsis 14:4

Kaykunaqa warmiswan mana ch'ichichakorqankuchu; imaraykuchus warmita mana rejserqankuchu. Kaykunaqa Corderota qhatinku maymanchus rishan chayman. Kaykunaqa runa ukhumanta rantisqas kanku, ñaupaj poqoy jina Diospaj, Corderopaj ima.