Jeremías 2:2 - Qheshwa Biblia DC

² Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

DIOSPA QHELQACHISQAN DEUTEROCANONICAL

² Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

DIOSPA QHELQACHISQ

² Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 2:2 Iomraidhean Croise

Salmos 129:1

Wayna kasqaymantapacha ashkhata llakichiwanku, Kunan chayta Israelqa nichun.

Éxodo 14:31

Israelitasqa chayta rikorqanku mayta musphaspa t'ukunata jina, imaynatachus Señorqa egipciosta ruwasqanta. Chaymanta israelitasqa Señorta manchachikorqanku, creerqankutaj Señorpi, jinallataj kasorqanku Señorpa kamachin Moisestapis.

Éxodo 16:8

Moisesqa nillarqataj: Ch'isiyaykuyta Señorqa aychata qosonqachej mikhunaykichejpaj; tutamantataj t'antata qosonqachej sajsakunaykichejkama mikhunaykichejpaj, imaraykuchus Señorqa uyarimusunkichej paypa contranta rimasqaykichejta. Noqaykoqa, pistaj kaykuri? Qankunaqa mana noqaykoj contraykutachu rimankichej, manachayqa Señorpa contranta rimashankichej.

Proverbios 1:20

Yachayqa qhaparikun callespi, plazaspi.

TAKIYKUNA 3:11

Sión llajtapi kaj sipaskuna, llojsimuychej, Rey Salomonta qhawarej. Payqa kashan umampi k'acha pilluyoj; chay pillutaqa casarakushajtin maman pillucherqa, mayta kusikusharqa chay p'unchaypi.

TAKIYKUNA 3:6

Imataj chayri? Ch'in pampamanta q'osñi jina rikhurimushan chay? Mirrawan, inciensowan, tukuy ima sumaj q'apaykunawan q'aparishajri?

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Jeremías 11:6

Chaypacha Señor niwarqa: Judá llajtaspi kay willayta qhaparimuy, jinallataj Jerusalén callespipis. Niy runasman: Uyariychej imaynatachus kay trato ruwasqapi qelqasqa kasqanta, chantá junt'aychejtaj.

Jeremías 19:2

Chaymantaqa llojsiy Benhinon valleman, k'analla ruwana punkuman sayaykamuy, chaypitaj willanki imatachus willasqayki chayta.

Jeremías 2:1

Señor noqaman parlaykamuwarqa, kay jinata nispa:

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 3:4

Manaraj unaychu niwarqanki: Tatay kanki, sipas kayniypitaj kausaqey!, nispa.

Ezequiel 16:22

Chhika millay kausayniykiwan ujwan ujwantaj qhenchachakusqaykiwan ima, manaña yuyarikunkichu wawa kasqaykimantaqa, mana p'achayoj q'alalla kasqaykitapis, nitaj kikin yawarniykipi nacespa sunt'isqaykitapis.

Ezequiel 16:60

Noqataj sipas kashajtiyki qanwan tratota ruwasqayta yuyarikusaj, chantá uj tratota qanwan wiñaypaj ruwasaj.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Ezequiel 23:19

Astawan astawan qhenchachakullarqapuni, Egipto jallp'api sipas kashaspa sajra purisqanta yuyarikuspa.

Ezequiel 23:3

Paykunataj Egiptopi qhenchachakorqanku, chaypi chuchusninkuta llankhachikorqanku, doncella kayninkuta chinkacherqanku.

Ezequiel 23:8

Egiptopi qhenchachakusqanmantapacha mana qonqakunachu, imaraykuchus sipas kashajtin egipcio waynas paywan puñuykorqanku, paykunataj doncella chuchusninta t'ojpispa qhenchacharqanku uj qhencha warmiman tukuchinankukama.

Oseas 11:1

Maypachachus Israel ayllu wawallaraj kashajtin, munakoj kani payta, waway kasqanrayku, chayrayku Egiptomanta wajyakaporqani.

Oseas 2:15

Chaymantaraj viña sach'asninta kutichipusaj, jinataj Acor valletapis chayman suyayninta kicharinampaj. Chaypimá kutichiwanqa joven kashaspa kutichiwarqa jinata, chantá, maypachachus Egiptomanta llojsimusharqa chaypacha jina.

Oseas 2:17

Siminkumantataj qhechusaj, chay baalesmanta parlayta, ni jayk'aj sutillantapis oqharenqankuñachu.

Oseas 2:7

Munasqa qharisninta qhatiykonqa. Chaypacha nenqa: Kutiykapusaj ñaupa qosayman, imaraykuchus paywan kunanmanta aswan sumajta purej kani, nispa.

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

Oseas 9:10

Señor nin: Maypachachus Israelta tarerqani chaypachaqa, kusikorqani, ch'in pampapi uvasta tarikuspa kusikunku jinata. Ñaupa tatasniykichejta noqaj rijch'ayniyman kawarqa, chay ñaupa poqoj higoskuna jina. Pero maypachachus Baal-peorman chayarqanku chaypachaqa, chay qhasi llulla dioskunasnillankuman sirvej churakorqanku, jinamanta q'ala millachikunasman tukorqanku chay mayqentachus munakusharqanku chay lantikunaman jina.

San Mateo 11:15

Ningrisniyojqa uyarichun.

San Lucas 12:13

Runakunamanta ujnin nerqa: Maestro, niripuway wauqeyman chayaqeta rak'inakunaykuta.

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

Deuteronomio 33:3

Señorqa ayllunta munakun. Payta qhatejkunata jark'akun tukuy sajramanta. Paykunaqa Payman k'umuykunku, Paypa nisqasnintataj jap'inku.

Deuteronomio 8:2

Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Apocalipsis 2:4

Chaywampis, noqajta uj ima tiyan contraykipi, ñaupaj kaj munakuyniykita saqerpayasqaykimanta.